Wednesday, June 15, 2016

ವಿದ್ವಾನ್ ಗಣಪತಿ ಭಟ್ಟರೊಂದಿಗೆ ಯಕ್ಷಗಾನ ಕಲಾಬದುಕಿನ ಸುತ್ತಮುತ್ತ ಒಂದು ಸಂವಾದ

ವಿದ್ವಾನ್ ಗಣಪತಿ ಭಟ್ಟರೊಂದಿಗೆ ಯಕ್ಷಗಾನ ಕಲಾಬದುಕಿನ ಸುತ್ತಮುತ್ತ ಒಂದು ಸಂವಾದ

ಶಾಸ್ತ್ರೀಯ ಸಂಗೀತದ ಜ್ನಾನದ ಭದ್ರ ನೆಲೆಗಟ್ಟಿನಲ್ಲಿ ಯಕ್ಷಗಾನದ ಭಾಗವತಿಗೆಯ ರಾಗ ಮತ್ತು ಮಟ್ಟುಗಳನ್ನು ಚೆನ್ನಾಗಿ ಅರಿತು ಅವಕ್ಕೆ ಸಂಪೂರ್ಣ ನ್ಯಾಯ ಒದಗಿಸುತ್ತಾ ಅಪೂರ್ವ ಶೈಲಿಯಲ್ಲಿ ಹಾಡುತ್ತಾ ಬಂದಿರುವ ಗಟ್ಟಿ ಭಾಗವತರು ವಿದ್ವಾನ್ ಗಣಪತಿ ಭಟ್ಟರು. ಯಕ್ಷಗಾನದಲ್ಲಿ ಅವರ ಕಲಾಜೀವನ ಮೂಡಿ ಬಂದ ಬಗೆ, ಅದು ಅನೇಕ ರೀತಿಗಳಲ್ಲಿ ಅರಳಿ ನಿಂದ ಬಗೆ, ಇಂದು ಅದು ಹೇಗೆ ತನ್ನ ಅಭಿವ್ಯಕ್ತಿಯ ಸುತ್ತ ಹೊಸತನ್ನು ಹುಡುಕುತ್ತಿದೆ, ಗಾನ ಆಖ್ಯಾನ ಎಂಬ ಹೊಸ ಕಲಾ ಪ್ರಕಾರದಲ್ಲಿ ಅವರು ಇತ್ತೀಚೆಗೆ ತೊಡಗಿಕೊಂದ ಬಗೆ, ಮುಂದಿನ ದಿನಗಳಲ್ಲಿ ಏನನ್ನು ಸಾಧಿಸುವ ತುಡಿತ ಅದಕ್ಕಿದೆ ಇವೆಲ್ಲದರ ಸುತ್ತ ಒಂದು ಸಂವಾದ.

ಸಂವಾದದ ಬೇರೆ ಬೇರೆ ಪ್ರಶ್ನೋತ್ತರಗಳಿಗೆ ಕೆಳಗಿನ ಕೊಂಡಿಗಳನ್ನು ಒತ್ತಿ

೧. ಯಕ್ಷಗಾನ ಕಲಿಕೆ

೨. ವೃತ್ತಿಪರನಾಗಿ ವೃತ್ತಿಮೇಳಗಳಿಗೆ ಬಂದ ಬಗೆ

೩. ಗಾನ ಆಖ್ಯಾನ ಕಲಾ ಪ್ರಕಾರದಲ್ಲಿ ಗಿರಿಜಾ ಕಲ್ಯಾಣದ ಒಂದು ಹಾಡು

೪. ಗಾನ ಆಖ್ಯಾನ ಕಲಾ ಪ್ರಕಾರದಲ್ಲಿ ಶನೀಸ್ಚರ ಕಥೆಯಲ್ಲಿ ರಾಜಾ ವಿಕ್ರಮಾದಿತ್ಯನಿಂದ ಶನಿಸ್ತುತಿ - ಕನಕದಾಸ ಕೃತಿ - ಸಕಲಗೃಹಬಲ ನೀನೇ ಸರಸಿಜಾಕ್ಷಾ....

೫. ತಾನು ಸರ್ವಾಭರಣ ಧರಿಸುತ - ಗಾನ ಆಖ್ಯಾನ ಶೈಲಿ ಮತ್ತು ಯಕ್ಷಗಾನ ಶೈಲಿ ಎರಡರಲ್ಲೂ

೬. ಉತ್ತರಾದಿ ಶೈಲಿಯಲ್ಲೊಂದು ಹಾಡು

೭. ತೆಂಕಿನ ಭಾಗವತಿಕೆ ನಿಮ್ಮಿಂದ ಏಕೆ ಇಲ್ಲ?

೮. ತಾಳಮದ್ದಲೆ ಮತ್ತು ಗಾನ ವೈವಿಧ್ಯ ಪ್ರಕಾರಗಳ ಕುರಿತು

೯. ಕಿರಿಯ ಭಾಗವತರಿಗೊಂದು ಕಿವಿಮಾತು

೧೦. ಯಕ್ಷಗಾನದ ಮುಮ್ಮೇಳ, ಮೇಳದ ಯಜಮಾನರು, ನಿಯೋಜಕರು ಮತ್ತು ಪ್ರೇಕ್ಷಕರ ಕುರಿತು

೧೧. ಮುಂದಿನ ಯೋಜನೆಗಳು, ಆಶೋತ್ತರಗಳು, ಕನಸುಗಳು

ವಿದ್ವಾನ್ ಗಣಪತಿ ಭಟ್ಟರ ಭಾಗವತಿಗೆಯಲ್ಲಿ ಒಂದು ಪೂರ್ಣ ಪ್ರಸಂಗ - ಸತ್ಯವಾನ ಸಾವಿತ್ರಿ

Monday, June 13, 2016

ಏಕವ್ಯಕ್ತಿ ಯಕ್ಷಗಾನಯಾನದ ಸುತ್ತ ವಿದ್ವಾನ್ ಗಣಪತಿ ಭಟ್ಟರೊಂದಿಗೆ ಸಂವಾದ

ಏಕವ್ಯಕ್ತಿ ಯಕ್ಷಗಾನಯಾನದ ಸುತ್ತ ವಿದ್ವಾನ್ ಗಣಪತಿ ಭಟ್ಟರೊಂದಿಗೆ ಸಂವಾದ


ಮಂಟಪ ಪ್ರಭಾಕರ ಉಪಾಧ್ಯರ ಸುತ್ತ ಶತಾವಧಾನಿ ಡಾ. ಗಣೇಶರು ಪರಿಕಲ್ಪಿಸಿ, ಸಾಹಿತ್ಯ ರಚಿಸಿ ನಿರ್ದೇಶಿಸಿದ ಏಕವ್ಯಕ್ತಿ ಯಕ್ಷಗಾನವು ಒಂದು ಸ್ತ್ರೀವೇಷವನ್ನು ಆಧರಿಸಿಕೊಂಡು ಯಕ್ಷಗಾನದ ಶಾಸ್ತ್ರೀಯ ಅಂಶಗಳನ್ನು ಎತ್ತಿಹಿಡಿದು ಯಕ್ಷಗಾನಕ್ಕೆ ಯಕ್ಷಗಾನದ ಒಳಗೆ, ಹೆಚ್ಚಾಗಿ ಯಕ್ಷಗಾನದ ಹೊರಗೆ ಇನ್ನೂ ಹೆಚ್ಚಿನ ಶಾಸ್ತ್ರೀಯ ಮಾನ್ಯತೆ ಕೊಡಿಸುವತ್ತ ಅಭೂತಪೂರ್ವ ಯಶಸ್ಸನ್ನು ಕಂಡಿರುವುದು ಪ್ರಜ್ನಾವಂತ ಪ್ರೇಕ್ಷಕರಲ್ಲಿ ಈವಾಗಲೇ ಮನೆಮಾತಾಗಿದೆ.

ಡಾ. ಗಣೇಶರ ಪ್ರಯತ್ನಕ್ಕೆ ನ್ಯಾಯ ಒದಗಿಸುವತ್ತ ಏಕವ್ಯಕ್ತಿ ತಂಡದ ಎಲ್ಲರ ಪರಿಶ್ರಮ ಮತ್ತು ಕಾಣಿಕೆ ಸಾಕಷ್ಟು ಸೇರಿದೆ. ಡಾ. ಗಣೇಶರ ಏಕವ್ಯಕ್ತಿ ಯಕ್ಷಗಾನದ ಸೃಷ್ಟಿಗೆ ಮೂಲ ಸ್ಫೂರ್ತಿಯಾದ ಮಂಟಪರ ಅನುಭವ, ಅಭಿವ್ಯಕ್ತಿ ಕುರಿತು ಸಾಕಷ್ಟು ವಿಚಾರ ಮತ್ತು ಸಂವಾದಗಳು ಈವಾಗಲೇ ಬಂದುಹೋಗಿವೆ.  

ಏಕವ್ಯಕ್ತಿ ಯಕ್ಷಗಾನದ ಹಿಮ್ಮೇಳದಲ್ಲಿ ಭಾಗವತರಾಗಿ ನ್ಯಾಯ ಒದಗಿಸಿದ ವಿದ್ವಾನ್ ಗಣಪತಿ ಭಟ್ಟರು ಕರ್ನಾಟಕೀ ಶಾಸ್ತ್ರೀಯ ಹಾಡುಗಾರಿಕೆಯಲ್ಲಿ ಪರಿಣತರು. ಶಾಸ್ತ್ರೀಯ ನೆಲೆಗಟ್ಟಿನ ಆಧಾರದಲ್ಲಿ ಅವರು ಸಮೂಹ ಯಕ್ಷಗಾನದ ಭಾಗವತಿಗೆಯಲ್ಲಿ ಏಕವ್ಯಕ್ತಿ ಯಕ್ಷಗಾನದ ಅನುಭವದ ಮೊದಲೇ ಸಂಗೀತದ ಸಾಮರ್ಥ್ಯ ಮತ್ತು ಚೆಲುವನ್ನು ಮೂಡಿಸಿದವರು. ಅವರ ಶಾಸ್ತ್ರೀಯ ಗಾಯನದ ಸಾಮರ್ಥ್ಯವೇ ಅವರನ್ನು ಏಕವ್ಯಕ್ತಿ ಯಕ್ಷಗಾನಕ್ಕೆ ಎಳೆದು ತಂದಿತು.

ಗಣೇಶರಂತಹ ಮೇರು ಪ್ರತಿಭೆಯ ಪ್ರಾಮಾಣಿಕ ಪ್ರಯತ್ನಕ್ಕೆ ನ್ಯಾಯ ಒದಗಿಸುತ್ತಾ ಹಿನ್ನಲೆ ಗಾಯನದ ವಿಭಾಗದಲ್ಲಿ ಜಯಶೀಲರಾಗಿ ತಮ್ಮ ಗಾಯನದ ಮೂಲಕ ಪ್ರೇಕ್ಷಕರನ್ನು ಮುಟ್ಟಿ ರಂಜಿಸಿ ಮೆಚ್ಚಿಸಿದವರು ವಿದ್ವಾನ್ ಗಣಪತಿ ಭಟ್ಟರು. ಈ ಯಶಸ್ಸಿನ ಹಿಂದೆ ಮತ್ತು ಮುಂದೆ ಅವರ ತಪಸ್ಸು, ಅಭಿವ್ಯಕ್ತಿ ಮತ್ತು ಅನುಭವಗಳ ಸುತ್ತ ಒಂದು ದೃಶ್ಯ ಸಂವಾದ, ನಾಲ್ಕು ಭಾಗಗಳಲ್ಲಿ!

ಭಾಗ ೧:

ಭಾಗ ೨:

ಭಾಗ ೩:

ಭಾಗ ೪:

ಏಕವ್ಯಕ್ತಿ ಯಕ್ಷಗಾನದ ಹಿನ್ನಲೆ ಗಾಯನದ ಕೆಲವು ತುಣುಕುಗಳಿಗೆ ಕೆಳಗಿನ ಕೊಂಡಿಯನ್ನು ಒತ್ತಿ!
ಏಕವ್ಯಕ್ತಿ ಯಕ್ಷಗಾನದ ಹಿನ್ನಲೆ ಗಾಯನದ ಕೆಲವು ತುಣುಕುಗಳು

Thursday, June 9, 2016

ಅಂಬರಕೇರಿಸಿದ ಬಿಂಬಗಳು


ಚಿತ್ರ: ಇಂಟರ್ನೆಟ್ ಕೃಪೆ
https://www.facebook.com/mevlana/photos/a.424140758184.199763.64655903184/10154136236973185/?type=3&theater

ಕಾಡಿನ
ಕೂಸುಗಳ
ಬಿಂಬಗಳು
ಅಂಬರದ
ಚಂದಿರನಂತೆ
ಬೆಳಗಲು
ಕರಿಕಲ್ಪನೆಗಳು
ಗರಿಗೆದರಿ
ಕನಸುಗಳ
ನವಿಲಾಗಿ
ನವಿರಾಗಿ
ನಲಿನಲಿದು
ನಾಳೆಯ
ನವ ನಡೆಯ
ನಾದವ
ನೂದುವ
ಕಿನ್ನರಿಯ
ಕೈಗಿತ್ತು
ನಾಭಿಯಿಂ
ನೆಗೆವ
ಓಂಕಾರದ
ಒರತೆಯನೆಬ್ಬಿಸಿ
ಮಮತೆಯ
ಮಲ್ಲಿಗೆಯ
ಮುದವಿತ್ತು
ಬತ್ತಿದ ನೆಲದಲಿ
ನಗೆಮುತ್ತುಗಳ ಬಿತ್ತಿ
ಹೆಮ್ಮರದ ಬದುಕು
ಮೊಳೆಯಲು
ಪ್ರೇಮದ ಮಳೆ
ಮಾಗುವ
ಮುಗಿಲಿಗೆ
ಮುದವಿಡುವ
ಮದ್ದು ಅರೆದಿತ್ತು

Tuesday, June 7, 2016

ಜೂನ್ ೨೫ರಂದು ಶಿವಮೊಗ್ಗದಲ್ಲಿ ಮತ್ತೊಂದು ಯಕ್ಷಸಾಹಸ



ಅಭ್ಯುದಯ (ರಿ) ಮತ್ತು ಮಂಟಪ ಕುಟುಂಬದವರ ಜಂಟಿ ಸಂಯೋಜನೆಯಲ್ಲಿ ಶಿವಮೊಗ್ಗದಲ್ಲಿ ಮತ್ತೊಂದು ಉಚಿತ ಪ್ರವೇಶದ ಅಪರೂಪದ ಆಟ ಜೂನ್ ೨೫ ಸಂಜೆಗೆ.

ಈ ಬಾರಿಯ ವಿಶೇಷವೆಂದರೆ ಸಂಪ್ರದಾಯಬದ್ಧವಾಗಿ ಪೂರ್ಣ ಪ್ರಮಾಣದಲ್ಲಿ ಪ್ರಸಂಗ ಸಾಹಿತ್ಯದ ಎಲ್ಲಾ ಪದ್ಯಗಳಿಗೂ ನ್ಯಾಯ ಕೊಟ್ಟು ಪ್ರದರ್ಶನವಿಟ್ಟಿರುವುದು.

ಶ್ರೀ ದೇವಿದಾಸ ವಿರಚಿತ ಬಬ್ರುವಾಹನ ಕಾಳಗದ ಪ್ರಸಂಗವಿರುತ್ತದೆ. ಕುವೆಂಪು ರಂಗಮಂದಿರದಲ್ಲಿ ಸಂಜೆ ನಾಲ್ಕು ಗಂಟೆಗೆ ಪ್ರಾರಂಭವಗುವ ಆಟವು ೪-೫ ಗಂಟೆಗಳ ಕಾಲ ಸಾಗುವ ಸಾಧ್ಯತೆ ಇದೆ.

ಅನಧಿಕೃತ ವರದಿಯ ಪ್ರಕಾರ ಪಾತ್ರವರ್ಗ ಈ ರೀತಿ ಇದೆ.

ಹಿಮ್ಮೇಳ:

ಭಾಗವತರು: ಸರ್ವೇಶ್ವರ ಹೆಗಡೆ, ರಾಮಕೃಷ್ಣ ಹಿಲ್ಲೂರು
ಮದ್ದಲೆ: ಅನಂತಪದ್ಮನಾಭ ಫಾಠಕ್, ದೇವದಾಸ ರಾವ್
ಚೆಂಡೆ: ಶ್ರೀನಿವಾಸ ಪ್ರಭು

ಮುಮ್ಮೆಳ:

ಬಾಲಗೋಪಾಲ: ಗುರುರಾಜ ಐತಾಳ
ಪೀಠಿಕೆ ಸ್ತ್ರೀವೇಷ: ಮಂಟಪ ಸಹೋದರಿಯರಾದ ಮಾಧುರಿ ಮತ್ತು ಪ್ರಮದಾ

ಕಥಾನಕದಲ್ಲಿ:

ಅರ್ಜುನ: ಐರೋಡಿ ಗೋವಿಂದಪ್ಪ
ಚಿತ್ರಾಂಗದೆ: ಮಂಟಪ ಪ್ರಭಾಕರ ಉಪಾಧ್ಯ
ಬಬ್ರುವಾಹನ: ಆಲೂರು ನಾಗರಾಜ
ಉಲೂಪಿ: ಬೇಗಾರು ಶಿವಕುಮಾರ್
ಮಂತ್ರಿ: ಕೃಷ್ಣಮೂರ್ತಿ ಉರಾಳ
ಪ್ರದ್ಯುಮ್ನ: ಮಹಾಬಲ ನಾಯಕ್
ವೃಷಕೇತು: ಉಪ್ಪುಂದ ಸುಧಾಕರ
ಮಹಾಶೇಷ: ಬೆಳೆಯೂರು ಸಂಜಯ
ಕೃಷ್ಣ: ಮನೋಜ್ ಭಟ್
ಹಾಸ್ಯ: ಲಕ್ಷ್ಮಣ ಹೊಸಂಗಡಿ

ವೇಷ ಭೂಷಣ ಮತ್ತು ಪ್ರಸಾಧನ ಸಹಕಾರ: ಉರಾಳ ಬಳಗ, ಗೋವಿಂದ ಉರಾಳ, ರಾಜಶೇಖರ ಹಂದೆ

ಕಾಲ ಬದಲಾದಂತೆ ಯಕ್ಷಗಾನ ಪ್ರಸಂಗದ ಪದ್ಯಗಳನ್ನು ರಂಜನೆ ಮತ್ತು ಸಂಯೋಜನೆಗೆ ಅನುಕೂಲವಾಗುವಂತೆ ಮೊಟಕುಗೊಳಿಸುತ್ತಾ ಬಂದಿರುವುದರಲ್ಲಿ ಏಳುಬೀಳುಗಳಿವೆ. ಅದೇ ರೀತಿಿ ಇಡೀ ಪ್ರಸಂಗವನ್ನು ಸಾಹಿತ್ಯಕ್ಕೆ ೧೦೦ ಪ್ರತಿಶತ: ನ್ಯಾಯಕೊಟ್ಟು ಆಡಿಸುವುದರಲ್ಲಿ ಕಲಾ ಚೌಕಟ್ಟು ರಂಗ ಪ್ರಸ್ತುತಿ ಮತ್ತು ಪ್ರಸಂಗ ಕಥನದ  ಕುರಿತಾಗಿ ಹೆಚ್ಚಿನ ನ್ಯಾಯ ಸಿಗುವುದು ಖಂಡಿತವಾದರೂ ಅವಸರದ ಈ ಯುಗದಲ್ಲಿ ರಸ ಮತ್ತು ರಂಜನೆಯ ಮೇಲೆ ಯಾವ ರೀತಿಯ ಪರಿಣಾಮವಿರುತ್ತದೆ ಎಂಬುದು ಕುತೂಹಲಕಾರಿಯಾದ ಅಂಶವಾಗಿದೆ. ಈ ಕುತೂಹಲವೇ ಪ್ರಜ್ನಾವಂತ ಪ್ರೇಕ್ಷಕರನ್ನು ಈ ಕಾರ್ಯಕ್ರಮಕ್ಕೆ ಹೆಚ್ಚಿನಮಟ್ಟದಲ್ಲಿ ಸೆಳೆಯಲಿದೆ.

Sunday, June 5, 2016

ನಿಮ್ಮ ಸಹಾಯ ಇರಲಿ! -ಯಕ್ಷಗಾನದ ಸುತ್ತ ಪ್ರೇಕ್ಷಕನ ಧನಾತ್ಮಕ ಪ್ರಭಾವ ಹೆಚ್ಚಿಸುವತ್ತ ಒಂದು ಸಮೀಕ್ಷೆ!!


ಸಮೀಕ್ಷೆಗಾಗಿ, ಈ ಕೊಂಡಿಯನ್ನು ಒತ್ತಿರಿ.
https://docs.google.com/forms/d/1nt95v-omf0_tpv-q1Qgkez9wv_IJ827xCYHptRmI2oc/viewform

ಅಭೂತಪೂರ್ವ ಕಲೆಯಾದ ಯಕ್ಷಗಾನ ನಮ್ಮ ಬದುಕಿನ ಸೌಭಾಗ್ಯಗಳಲ್ಲೊಂದು. ಈ ಕಲೆಯ ಉಳಿವು ಬೆಳೆವಿಗೆ ಎಲ್ಲಾ ರೀತಿಯ ಹಕ್ಕುದಾರರು ಸಲ್ಲುತ್ತಿದ್ದಾರೆ. ನಮ್ಮ ಬದುಕಿನ ಬದಲಾವಣೆಯ ವಿದ್ಯಮಾನಗಳ ಸುತ್ತ ಯಕ್ಷಗಾನ ಪ್ರಪಂಚವೂ ಬದಲಾಗುತ್ತಿದೆ. ಈ ಬದಲಾವಣೆಯ ವಿದ್ಯಮಾನಗಳಲ್ಲಿ, ಕಾಳನ್ನು ಉಳಿಸಿ ಜೊಳ್ಳನ್ನು ಹಾರಿಸಿ ಕಲೆಯ, ಕಲಾಭಿವ್ಯಕ್ತಿಯ ಮತ್ತು ಕಲಾರಸಗ್ರಾಹಣವನ್ನು ಇನ್ನಷ್ಟು ಶ್ರೀಮಂತಗೊಳಿಸುವತ್ತ ಪ್ರೇಕ್ಷಕನ ಪಾತ್ರವೂ ಹಿರಿದು.

ಅಂತರ್ಜಾಲದಲ್ಲಿ ಸೇರಿರುವ ಯಕ್ಷಗಾನ ಅಭಿಮಾನಿ ಪ್ರೇಕ್ಷಕವರ್ಗದವರ ಧ್ವನಿಯನ್ನು ವಸ್ತುನಿಷ್ಟವಾಗಿ ಬಿತ್ತುವ ಮೂಲಕ ಸಮಗ್ರ ಯಕ್ಷಗಾನದ ವಿದ್ಯಮಾನಗಳಲ್ಲಿ ಪ್ರೇಕ್ಷಕನ ಸಾಧ್ಯತೆ ಬಾಧ್ಯತೆಯನ್ನು ಹೆಚ್ಚಿಸುವತ್ತ ಇದೊಂದು ಪ್ರಾಮಾಣಿಕ ಪ್ರಯತ್ನ!

ದಯವಿಟ್ಟು ಆಶಾವಾದದಿಂದ, ಧನಾತ್ಮಕವಾಗಿ ರಚನಾತ್ಮಕವಾಗಿ ಸ್ಪಂದಿಸಿ ಈ ಪ್ರಯತ್ನವನ್ನು ಯಕ್ಷಗಾನಕ್ಕಾಗಿ ಒಂದು ಅಭೂತಪೂರ್ವ ಪ್ರೇಕ್ಷಕನ ಕೊಡುಗೆಯಾಗಿ ಪರಿವರ್ತಿಸುವತ್ತ ನಿಮ್ಮ ಕಾಣಿಕೆಗೆ ಕೃತಜ್ನತೆಯ ನಮನಗಳು!

ಒಬ್ಬರು ಒಂದೇ ಬಾರಿ ಸಮೀಕ್ಷೆಗೆ ಉತ್ತರಿಸುವತ್ತ ನಿಮ್ಮ ಗೂಗಲ್ ಲಾಗಿನ್ ಬೇಕಾಗುತ್ತದೆ. ನಿಮ್ಮ ಗುರುತು ಸಂಪೂರ್ಣವಾಗಿ ಗೋಪ್ಯವಾಗಿ ಇರುವುದರಿಂದ ಯಾವುದೇ ಅಳುಕು ಮತ್ತು ಹಂಗಿಲ್ಲದೇ, ವಸ್ತುನಿಷ್ಟವಾಗಿ, ನಿಮ್ಮ ಆತ್ಮಸಾಕ್ಷಿಗೆ ಸಲ್ಲುವಂತೆ ಉತ್ತರಿಸುತ್ತೀರಿ ಎಂದು ನಂಬಿಕೆ.

ನಿಮ್ಮ ಉತ್ತರಗಳನ್ನು ಸಂಪಾದಿಸಲು ಸ್ವಲ್ಪ ಕಾಲ ಅವಕಾಶವಿರುತ್ತದೆ.

ಕನಿಷ್ಟ ಒಂದು ಸಾವಿರ ಮಂದಿಯಾದರೂ ಭಾಗವಹಿಸಲಿ ಎಂಬ ಪ್ರಾರ್ಥನೆ. ಸಮೀಕ್ಷೆಯ ಉತ್ತರಗಳನ್ನು ಸಂಪೂರ್ಣವಾಗಿ ಹಂತಹಂತವಾಗಿ ಬಿತ್ತರಿಸಿ ಅವುಗಳನ್ನು ಪರಿಶೀಲಿಸಿ ಪಾಠಗಳನ್ನು ಸಾರಲಾಗುವುದು!

ಸಮೀಕ್ಷೆಯಲ್ಲಿ ಭಾಗವಹಿಸುವವರಿಗೆ ಸಮೀಕ್ಷೆಯ ಸಾರಾಂಶವನ್ನು ನೋಡುವ ಅವಕಾಶವೂ ಇರುತ್ತದೆ.

ಸಮೀಕ್ಷೆಗಾಗಿ, ಈ ಕೊಂಡಿಯನ್ನು ಒತ್ತಿರಿ.
https://docs.google.com/forms/d/1nt95v-omf0_tpv-q1Qgkez9wv_IJ827xCYHptRmI2oc/viewform

ನಮನಗಳೊಂದಿಗೆ,
ನಟರಾಜ ಉಪಾಧ್ಯ

Thursday, June 2, 2016

ಪ್ರೇಮದ ನಿತ್ಯೋತ್ಸವಕ್ಕೊಂದು ಕರೆಯೋಲೆ!

ಪ್ರೇಮದ ನಿತ್ಯೋತ್ಸವಕ್ಕೊಂದು ಕರೆಯೋಲೆ!


ಆದರ್ಶದ
ದಾರಿದೀಪವು
ಸಾಧನೆಯ
ಹಾದಿಗೆ
ಕರೆತಂದರೂ
ದಾರಿ ದುರ್ಗಮ
ಏಳು ಬೀಳು
ಅಪಘಾತ ಗಾಯ
ಖಂಡಿತ
ಒಪ್ಪು ತಪ್ಪುಗಳ
ನಡುವೆ
ಮೌಲ್ಯಗಳ ಗೊಂದಲ

ಬೊಗಳುವವರು
ಕಾಲೆಳೆವರು
ಎದೆಗೆ ಬೆನ್ನಿಗೆ
ಚೂರಿ ಹಾಕುವರನೇಕ
ಭೀತಿ ಗೊಂದಲ
ಸಂಶಯ ಅಧೀರತೆ
ತುಂಬಿ ರಾಜಿನಾಮೆಯ
ಅಂಟು ಕಾಲಿಗಂಟಿ
ಮುಂದಡಿ ಹಿಂದಡಿ
ಇಡಲಾಗದ
ಬಯಲಿನ
ಬೆರ್ಚಪ್ಪನಂತೆ
ಜೀವಚ್ಛವ
ಬದುಕು ದುರ್ಭರ

ಕರಾಳ ಕತ್ತಲಲೂ
ಮಿನುಗುತಿದೆ
ನನ್ನ ನಿನ್ನೊಳಗಿನ
ಪ್ರೀತಿಯ ನಂದಾದೀಪ
ಧನಾತ್ಮಕ ಚಿಂತನೆಯ
ಎಣ್ಣೆಯಲದು ಬೆಳಗಲು
ನಂಬಿಕೆಯ ಬತ್ತಿ
ಹೊಸೆಯಲೇಬೇಕು

ಪ್ರೀತಿಯ
ಬೆಳಕಕಲೊಂದಾಗಿ
ಮುಂದಡಿ ಇಡೋಣ
ದಿನದಿನದ ವ್ಯವಹಾರವು
ಅನ್ಯೋನ್ಯ ಸಂಬಂಧದ
ಹೆಮ್ಮರವಾಗಲು
ಸ್ನೇಹದ ಸಾರ
ಸೋರೋಣ
ಪವಿತ್ರ ಪ್ರೇಮವು
ಹಣ್ಣಾಗಿ ಕೈಸೇರಲು
ಸಾಧಾರಣ ನಡೆಯೇ
ನೃತ್ಯದ ಲೀಲೆಯಾಗಿ
ನಿರಂತರ
ನಿತ್ಯೋತ್ಸವ

ಸುತ್ತಲಿನ ಮೆರವಣಿಗೆ
ಮೈಲುಗಟ್ಟಲೆ ಮೀರಿ
ಮೆರೆಯಲು
ಸೇವೆಯೆಂಬ
ಪಲ್ಲಕಿಯನೇರಿ
ಸಾಗರಿಕೆ ಅಭಿವ್ಯಕ್ತಿಯ
ಕೂಡಲು
ಮದುವೆಯ ದಿಬ್ಬಣಕೆ
ಭಾಜಾಭಜಂತ್ರಿ
ಮೊಳಗಲು
ಆಶಾವಾದದ
ಗರ್ನಾಲಿನಲಿ
ಪೈಶಾಚಿಕ
ಪಿಡುಗಗಳು
ಪರಾರಿ

ನಾ ನಡೆವ ದಾರಿಯೇ
ಸಾಫಲ್ಯದ ಸೋಪಾನವಾಗಿ
ಸಾಧನೆಯ ಸಾಹಸವು
ಹಿಡಿಕಡ್ಡಿಯಷ್ಟು
ಹಗುರವಾಗಿ
ಸುತ್ತ ಸೇರಿದ
ಸೋತು ನಲುಗಿ
ದೈನ್ಯತೆ ತುಂಬಿದ
ಬಾಡಿದ ಕಣ್ಣುಗಳಲಿ
ಬಣ್ಣಗಳು ಚಿತ್ತಾರವಾಗಿ
ಮಿಂಚಲು
ಮೆರವಣಿಗೆಯು
ಮರಿಗಳಾಗಿ
ದಿಬ್ಬಣಗಳು
ಅನಂತವಾಗಲಿ

ಅಖಿಲ ಕರ್ನಾಟಕದ ಉದ್ದಗಲಗಳಲ್ಲಿ ಯಕ್ಷಗಾನದ ದಿಗ್ವಿಜಯಕ್ಕೆ ಮತ್ತೆ ಸಹಕರಿಸಿ!


ಯಕ್ಷಗಾನ ಕರ್ನಾಟಕದ ಹೆಮ್ಮೆಯ ಕಲೆ. ನಾಡಿನ ಸಾಂಸ್ಕೃತಿಕ ಲಾಂಛನ.

ಕರಾವಳಿ ಮತ್ತು ಮಲೆನಾಡಿನಲ್ಲಿ ಮೆರೆವ ಪಡುವಲಪಾಯ ಯಕ್ಷಗಾನ ಬೆಂಗಳೂರಿನಲ್ಲಿ ಗಟ್ಟಿಯಾಗಿ ನೆಲೆ ಊರಿ ದೇಶಾಂತರವೂ ಆಗಿದ್ದು ಸಂತಸದ ವಿಷಯ. ಬಯಲು ಸೀಮೆಯಲ್ಲಿ ಮನೆಮಾತಾಗಿದ್ದ ಮೂಡಲಪಾಯ ಯಕ್ಷಗಾನ ವಿನಾಶದ ಅಂಚಿನಲ್ಲಿರುವುದು ಖೇದಕರ. ಆ ನಿಟ್ಟಿನಲ್ಲಿ ಪಡುವಲಪಾಯ ಯಕ್ಷಗಾನ ಕರ್ನಾಟಕದ ಉದ್ದಗಲಕ್ಕೆ ಹರಡುವುದು ಅನಿವಾರ್ಯ, ಆ ಮೂಲಕ ಮೂಡಲಪಾಯದ ಪುನ:ಶ್ಚೇತನಕ್ಕೂ ಚಾಲನೆ ಸಿಗುವಲ್ಲಿಯೂ ಅದು ಸಹಕರಿಸಲಿ.

ಕರ್ನಾಟಕದ ಮೂಲೆಮೂಲೆಗೆ ಯಕ್ಷಗಾನವನ್ನು ಒಯ್ಯುವುದರಲ್ಲಿ ಪ್ರವಾಸಿ ಯಕ್ಷಗಾನ ಮಂಡಳಿಯ ಪಾತ್ರ ಬಹು ಹಿರಿದು. ಆಯಾ ಊರುಗಳಲ್ಲಿ ನೆಲೆನಿಂತ ಯಕ್ಷಗಾನ ಅಭಿಮಾನಿಗಳ  ಸಹಾಯದಲ್ಲಿ ಪ್ರವಾಸಿ ಯಕ್ಷಗಾನದ ಆಟಗಳು ಮೊದಮೊದಲು ನಿಗದಿಯಾಗುವುದಿದ್ದರೂ  ಸ್ಥಳೀಯವಾಗಿ ಯಕ್ಷಗಾನಕ್ಕೆ ಹೊಸ ಪ್ರೇಕ್ಷಕರ ಮತ್ತು ಪೋಷಕರ ನಿರ್ಮಾಣದಲ್ಲಿ ಈ ಆಟಗಳ ಪ್ರಭಾವ ಸಾಕಷ್ಟಿದೆ.

ಕಳೆದ ಇಪ್ಪತ್ತು ವರ್ಷಗಳಿಂದ ಕರ್ನಾಟಕದ ಉದ್ದಗಲಕ್ಕೂ ಸಾಗಿ ಬಹುತೇಕ ಎಲ್ಲಾ ತಾಲೂಕುಗಳಲ್ಲಿ ಪ್ರದರ್ಶನ ಕೊಡುತ್ತ ಬಂದಿರುವ ಶ್ರೀ ಮಹಾಗಣಪತಿ ಪ್ರವಾಸಿ ಯಕ್ಷಗಾನ ಮಂಡಳಿ ಈ ನಿಟ್ಟಿನಲ್ಲಿ ಸಾಕಷ್ಟು ಯಶಸ್ಸನ್ನು ಕಂಡಿದೆ.

ಉತ್ತಮ ಕಲಾವಿದರನ್ನು ಸೇರಿಸಿಕೊಂಡು ನಿರ್ವಹಣೆಯ ವೆಚ್ಚವನ್ನು ಸರಿತೂಗಿಸಿಕೊಂಡು ಲಾಭದ ಆಸೆಯಿಲ್ಲದೇ ಉಳಿದ ಹಣವನ್ನು ಕಲಾವಿದರಿಗೆ ಹಂಚುವ ಮೂಲಕ ಪ್ರದರ್ಶನದ ಭಾರವನ್ನು ವ್ಯವಸ್ಥಾಪಕರಿಗೆ ಕಡಿಮೆ ಮಾಡಿಸಿ ಹೆಚ್ಚು ಹೆಚ್ಚು ಊರುಗಳಲ್ಲಿ ಹೆಚ್ಚಿನ ಆಟಗಳ ನಿಗದಿ ಮಾಡಿಸುವಲ್ಲಿ ಈ ಮೇಳದವರು ಸಹೃದಯತೆಯಿಂದ ಸಹಕರಿಸುವುದು ಈ ಮೇಳದ ಹೆಗ್ಗಳಿಕೆಗಳಲ್ಲೊಂದು.

ಈ ವರ್ಷವೂ ಶ್ರೀ ಹಾಲಾಡಿ ರಾಘವೇಂದ್ರ ಮೈಯ್ಯ ಮತ್ತು ಶ್ರೀ ಕೋಡಿ ವಿಶ್ವನಾಥ ಗಾಣಿಗರ ಜಂಟಿ ಸಾರಥ್ಯದಲ್ಲಿ ಜುಲೈ ಇಪ್ಪತ್ತರಿಂದ ಈ ಮೇಳದ ತಿರುಗಾಟ ಪ್ರಾರಂಭವಾಗಲಿದೆ. ಕರ್ನಾಟಕದ ಉದ್ದಗಲದಲ್ಲಿ ಯಕ್ಷಗಾನದ ದಿಗ್ವಿಜಯಕ್ಕೆ ಹೊರಟ ಈ ಮೇಳವು ಒಂದು ನಿರ್ದಿಷ್ಟ ಮಾರ್ಗದಲ್ಲಿ ಸಾಗುವ ಮೂಲಕ ಕಾರ್ಯಕ್ರಮದ ಯೋಜನೆಯ ಶ್ರಮ ಮತ್ತು ಖರ್ಚನ್ನು ಕಡಿಮೆ ಮಾಡಿಸುವುದಲ್ಲದೇ ಪ್ರತಿ ದಿನವೂ ಹೊಸಹೊಸ ಊರಿನಲ್ಲಿ ಆಟವು ನಡೆವಂತೆ ಸಹಕರಿಸುವಲ್ಲಿ ಸ್ಥಳೀಯ ವ್ಯವಸ್ಥಾಪಕರು ಮೇಳವನ್ನು ಕೂಡಲೇ ಸಂಪರ್ಕಿಸಬೇಕಾಗಿ ಕೋರಿಕೆ.

ಅಖಂಡ ಕರ್ನಾಟಕದ ಯಕ್ಷಗಾನ ಪ್ರೇಮಿಗಳ ಅಪರಿಮಿತ ಪ್ರೋತ್ಸಾಹ ಮತ್ತು ಸಹಕಾರಕ್ಕೆ ಕೃತಜ್ನತಾಪೂರ್ವಕ ನಮನದೊಂದಿಗೆ:

ಶ್ರೀ ಹಾಲಾಡಿ ರಾಘವೇಂದ್ರ ಮೈಯ್ಯ: 9141732977
ಶ್ರೀ ಕೋಡಿ ವಿಶ್ವನಾಥ ಗಾಣಿಗ: ‍9880895334


Wednesday, June 1, 2016

ದೊಡ್ಡಾಟದೊಳಗಣ ಸಣ್ಣಾಟ


Image courtesy:
https://s-media-cache-ak0.pinimg.com/236x/72/6e/4b/726e4b6d7d537498de325b54d8955a23.jpg

ದೊಡ್ಡಾಟದೊಳಗಣ ಸಣ್ಣಾಟ

ಮೊಗೆದಷ್ಟೂ
ಆಳವಾಗುತ್ತಾ ಹೋಗಿ
ಮತ್ತಷ್ಟು ನೀರು ತುಂಬುವ
ಕೆರೆಯಂತೆ ಈ ಬದುಕು
ಹಾಗೇ ಬಿಟ್ಟರೆ ಬರೀ ಬರಡು

ದಡ ಮತ್ತು ತಳದ
ನಡುವೆ ಸ್ತರಗಳಲಿ
ಹರಡಿದೆ ವಿಧವಿಧದ
ಲೋಕಗಳು
ಅಲ್ಲಲ್ಲಿ ಇರಲು ಅಲ್ಲಲ್ಲೇ ಸಲ್ಲು
ಒಂದೆಡೆ ನಿಂತರೆ ನಿಲ್ಲು
ಇಲ್ಲಾ ಎಲ್ಲೆಡೆ ನಡೆದಾಡು

ಕೆರೆಯೊಳಗಿನ
ಕತ್ತಲೆಯ ಆಳಕ್ಕೆ
ಕೊನೆಯಿಲ್ಲ
ದಡದಾಚೆಯ ದಿಗಂತ
ಅಷ್ಟ ದಿಕ್ಕುಗಳಲ್ಲೂ
ಅನಂತ

ಕೈಗೆಟಕದೇ
ಬಾಯ್ತೆರೆದ ಬಾನು
ನಿತ್ಯ ನೃತ್ಯದ
ನಿರಂತರ ಸಂಗಾತಿ
ರವಿ ಶಶಿ ವರುಣರನಿತ್ತು
ಸಲಹುವ ತಾಯಿ
ಕೊನೆಯಿಲ್ಲದ ಕಲ್ಪನೆಯ
ಕೂಸುಗಳನ್ನಿತ್ತು
ಕಾಡುವ ಮಾಯಾವಿ

ಹುಟ್ಟಿದೆ, ಸಾಯಲಿಕ್ಕಿದೆ
ಹುಟ್ಟು ಸಾವಿನ ನಡುವೆ
ನಾನೇನೂ ಮಾಡಬಲ್ಲೆ
ಏನ ಏಕೆ ಮಾಡಲಿ
ಎಂಬ ಪ್ರಶ್ನೆಗೆ ಉತ್ತರ
ಎಲ್ಲವೂ, ಇಲ್ಲಾ ಏನಿಲ್ಲವೂ

ಊಟ ಓಟ ಕಾಟಗಳ
ನಡುವೆ ನನ್ನಿರುವೇ
ಒಂದು ಸವಾಲು
ಮರೆತುಹೋಗಿದೆ
ಮುದಕೊಡುವ
ನನ್ನಾಟವು

ನಾ ಎಷ್ಟೇೆ
ಎಳೆದರೂ
ಬೆಳೆದರೂ
ಮುಗಿಯದು
ಈ ಮೈದಾನವು
ಆಟಕೆ ಮೀರದೆ
ಮೇಯುವುದೇ
ಮೊದಲ ವಿಧಾನವು

ಸೋಲುಗೆಲುವು
ಕೂಡಿಸಿ ತೂಗಿಸಿ
ಆಟದಲೇ
ಸಾಗಿದರೆ
ಕೈಗೆಟುಕುವುದು
ನವನವೀನ ಸವಾಲು

ಅನಂತ ನಿರಂತರವ
ಒಡಲಿನಲಿ ತುಂಬಿದ
ಭಗವಂತನ ಅನುಭೂತಿ
ನನ್ನೊಡಲಲಿರಲು
ಕ್ಷಣಿಕದ ಕುನ್ನಿಯ ಮಿತಿಯ
ನಾನು ನನ್ನಲ್ಲೇ ಕರಗಿ
ಉಳಿವುದೇ ಎಲ್ಲದರ
ಅಳಿವು ಉಳಿವು ಬೆಳವಿಗೆ
ಸಾಕ್ಷಿಯಾಗಿ ಸಲ್ಲುವ ಸೇವೆಯು!

ಅನಂತದಲಿ ಶೂನ್ಯ
ಶೂನ್ಯದಲಿ ಅನಂತ
ಕ್ಷಣಿಕದಲಿ ನಿರಂತರ
ನಿರಂತರದಲಿ ಕ್ಷಣಿಕ
ಬೆಳಕಲ್ಲಿ ತುಂಬಿದ ಕತ್ತಲು
ಕಾರ್ಗತ್ತಲಲೂ ಬೆಳಗುವ ಬೆಳಕು

ವೈರುಧ್ಯಗಳು ಕೂಡಿ
ಕರಗಿ ಉಳಿವುದೇ
ಬಿಂದುವಾದರೂ
ಸಾಗರದಲೊಂದಾಗಿ
ಮೆರೆವ ಮಹತ್ತರವು!

Wednesday, May 25, 2016

ಹೂವಿನ ಕೋಲು - ಹರಿಕೃಷ್ಣ ಹೊಳ್ಳ ಜಿ.

ಹೂವಿನ ಕೋಲು

ಕರ್ನಾಟಕದ ಕರಾವಳಿಯು ಯಕ್ಷಗಾನದ ತವರೂರು. ಆದರೂ ಕೂಡ ಇಲ್ಲಿ ವರ್ಷವಿಡೀ ಯಕ್ಷಗಾನದ ಬಯಲಾಟಗಳು ಇರುವುದಿಲ್ಲ. ಇದಕ್ಕೆ ಕಾರಣ ಇಲ್ಲಿನ ಅಧಿಕ ಮಳೆ. ಮೇ ತಿಂಗಳಿನಲ್ಲಿ ಬಯಲಾಟದ ಮೇಳಗಳೆಲ್ಲ ತಮ್ಮ ಪ್ರದರ್ಶನಗಳನ್ನು ಸ್ಥಗಿತಗೊಳಿಸಿ ಮತ್ತೆ ನವೆಂಬರಿನಲ್ಲಿ ಪುನಹ ತಿರುಗಾಟಕ್ಕೆ ಹೊರಡುತ್ತವೆ. ಮಳೆಗಾಲದ ಈ 6 ತಿಂಗಳ ಅವಧಿಯಲ್ಲಿ ಕಲಾವಿದರಿಗೆ ಇತ್ತ ಯಕ್ಷಗಾನವೂ ಇಲ್ಲದೇ ಅತ್ತ ಕುಲಕಸುಬನ್ನೂ ನಡೆಸಲಾಗದೇ, ಜೀವನ ನಿರ್ವಹಣೆ ಕಷ್ಟವಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಕಲಾವಿದರು ತಮ್ಮ ಜೀವನೋಪಾಯಕ್ಕಾಗಿ ತಾಳಮದ್ದಲೆ, ಹೂವಿನಕೋಲು ಮತ್ತು ಚಿಕ್ಕಮೇಳಗಳನ್ನು ಆರಂಭಿಸಿರಬಹುದೆಂದು ಅನ್ನಿಸುತ್ತದೆ.
ಹೂವಿನಕೋಲು ಕಲಾಪ್ರಕಾರವು ಮೇಲ್ನೋಟಕ್ಕೆ ತಾಳಮದ್ದಲೆಯನ್ನೇ ಹೋಲುತ್ತದಾದರೂ, ಅವುಗಳ ನಡುವೆ ತುಂಬಾ ವ್ಯತ್ಯಾಸಗಳಿವೆ. ಹೂವಿನಕೋಲು ಪ್ರದರ್ಶನವು ತಾಳಮದ್ದಲೆಯಂತೆ ತಾಸುಗಟ್ಟಲೆ ನಡೆಯುವುದಿಲ್ಲ, ಕೇವಲ 10-15 ನಿಮಿಷಗಳಲ್ಲಿ ಮುಗಿಯುತ್ತದೆ. ಹೂವಿನಕೋಲು ಪ್ರದರ್ಶನವು ನವರಾತ್ರಿ ದಿನಗಳಿಗೆ ಮಾತ್ರ ಸೀಮಿತವಾಗಿದ್ದರೆ, ತಾಳಮದ್ದಲೆ ಹಗಲುರಾತ್ರಿ ಎನ್ನದೇ ಮಳೆಗಾಲವಿಡೀ ಪ್ರದರ್ಶಿತಗೊಳ್ಳುತ್ತದೆ. ಎಲ್ಲಕ್ಕಿಂತ ಮಿಗಿಲಾಗಿ ಹೂವಿನಕೋಲಿನಲ್ಲಿ ಭಾಗವಹಿಸುವವರು ಚಿಕ್ಕ ಮಕ್ಕಳು. ಸಾಮಾನ್ಯವಾಗಿ ಇಬ್ಬರು ಹುಡುಗರು ಸಮವಸ್ತ್ರದೊಂದಿಗೆ ತಲೆಯಮೇಲೆ ಬಿಳಿಯ ಟೋಪಿ ಧರಿಸಿಕೊಂಡು ಅರ್ಥಧಾರಿಗಳ ಪಾತ್ರ ನಿರ್ವಹಿಸುತ್ತಾರೆ. ಆದರೆ, ಇತ್ತೀಚೆಗೆ ಹುಡುಗಿಯರೂ ಕೂಡಾ ಇದರಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಮಾತ್ರವಲ್ಲದೇ 4-5 ಮಕ್ಕಳು ಸೇರಿ ಸುಮಾರು ಅರ್ಧಗಂಟೆ ಪ್ರದರ್ಶನ ನೀಡಿದ್ದೂ ಇದೆ.
ಒಂದು ಹೂವಿನಕೋಲು ತಂಡದಲ್ಲಿ ಭಾಗವತರು, ಮದ್ದಳೆಗಾರರು, ಶ್ರುತಿವಾದಕರು ಮತ್ತು ಇಬ್ಬರು ಮಕ್ಕಳು ಸೇರಿ ಸುಮಾರು 5 ಜನ ಇರುತ್ತಾರೆ. ಚೆಂಡೆವಾದಕರು ಇರುವುದಿಲ್ಲ. ಸಾಮಾನ್ಯವಾಗಿ ಯಕ್ಷಗಾನ ಕಲಾವಿದರು ತಮ್ಮ ಮನೆಯ ಮಕ್ಕಳಿಗೇ ಸ್ವಲ್ಪ ತರಬೇತಿ ಕೊಟ್ಟು , ನವರಾತ್ರಿ ದಿನಗಳಲ್ಲಿ ತಿರುಗಾಟಕ್ಕೆ ಹೊರಡುತ್ತಾರೆ. ಇದರಿಂದ ಅಲ್ಪ ಸ್ವಲ್ಪ ಸಂಪಾದನೆಯೂ ಆಗುತ್ತದೆ, ಜತೆಯಲ್ಲಿ ಮಕ್ಕಳಿಗೆ ಚಿಕ್ಕಂದಿನಿಂದಲೇ, ಯಕ್ಷಗಾನದ ಶ್ರುತಿ, ಲಯಗಳಿಗೆ ಸರಿಯಾಗಿ ಅರ್ಥ ಹೇಳುವ ತರಬೇತಿಯೂ ದೊರೆತಂತಾಗುತ್ತದೆ.
ಹೂವಿನ ಕೋಲು ಎಂದೇ ಕರೆಯಲ್ಪಡುವ, ಮೇಲ್ನೋಟಕ್ಕೆ ಟೇಬಲ್ ಫ್ಲವರನ್ನು ಹೋಲುವ ಅಲಂಕಾರಿಕ ವಸ್ತುವನ್ನು ಮಕ್ಕಳು ತಮ್ಮ ಮುಂದಿಟ್ಟುಕೊಂಡು, ಪರಸ್ಪರ ಅಭಿಮುಖವಾಗಿ ಕುಳಿತುಕೊಳ್ಳುತ್ತಾರೆ. ಪ್ರದರ್ಶನದ ಪ್ರಾರಂಭದಲ್ಲಿ ಮಕ್ಕಳೇ "ನಾರಾಯಣಾಯ ನಮೊ ನಾರಾಯಣಾಯ . . . . " ಎಂಬ ಮಹಾನವಮಿಯ ಚೌಪದಿಯ 4-5 ಸೊಲ್ಲುಗಳನ್ನು ಹಾಡುತ್ತಾರೆ. ಅನಂತರ ಭಾಗವತರು ನೇರವಾಗಿ ಪ್ರಸಂಗದ ಪದ್ಯಗಳನ್ನು ಹೇಳುತ್ತಾರೆ. ಮಕ್ಕಳು ಆ ಪದ್ಯಗಳಿಗೆ ಅರ್ಥ ಹೇಳುತ್ತಾರೆ. ಮೊದಲಿಗೆ ಗಣಪತಿ ಪೂಜೆಯ ಪದ್ಯವಾಗಲೀ, ಕೊನೆಯಲ್ಲಿ ಮಂಗಳ ಪದ್ಯವಾಗಲೀ ಹಾಡುವ ಕ್ರಮ ಇಲ್ಲ. ಆದರೆ, ಇತ್ತೀಚೆಗೆ ಕೆಲವರು ಅವುಗಳನ್ನೂ ಹಾಡುತ್ತಿದ್ದಾರೆ. ಅದು ಅಪರಾಧವಲ್ಲ ಬಿಡಿ. ಅಷ್ಟೇ ಅಲ್ಲದೇ, ಪ್ರದರ್ಶನದ ಆಕರ್ಷಣೆಯನ್ನು ಹೆಚ್ಚಿಸಲು ಭಾಗವತರು ಮತ್ತು ಮಕ್ಕಳು ಸೇರಿ ಕೋಲಾಟದ ಪದ್ಯಗಳನ್ನು ಹಾಡುವುದೂ ಉಂಟು. ಮಕ್ಕಳು ಕುಳಿತಲ್ಲಿಯೇ  ತಾಳಕ್ಕೆ ಸರಿಯಾಗಿ ಕೋಲು ಹೊಡೆಯುತ್ತಾರೆ.
ಹೀಗೆ ಯಕ್ಷಗಾನ ಆಧಾರಿತ ಈ ಹೂವಿನಕೋಲು ಕಲೆ ಇತ್ತೀಚೆಗೆ ನಶಿಸುತ್ತಿರುವುದನ್ನು ಕಂಡು, ಅದನ್ನು ಪ್ರೋತ್ಸಾಹಿಸುವ ಸಲುವಾಗಿ ಅಲ್ಲಲ್ಲಿ ಹೂವಿನಕೋಲು ಸ್ಪರ್ಧೆಗಳನ್ನು ನಡೆಸುತ್ತಿರುವುದು ಸ್ವಾಗತಾರ್ಹ. ಅಲ್ಲದೇ ಶಾಲಾಮಕ್ಕಳೂ ಕೂಡಾ ಇದರಲ್ಲಿ ಭಾಗವಹಿಸುತ್ತಿರುವುದು ಸಂತಸದ ಸಂಗತಿ. ಯಕ್ಷಗಾನ ಬಯಲಾಟ ಆಕಾಡೆಮಿಯು, ಯಕ್ಷಗಾನದ ಒಂದು ಉಪಕಲೆಯಾಗಿರುವ ಈ ಹೂವಿನಕೋಲಿನ ಪುನಶ್ಚೇತನಕ್ಕೆ ಮುಂದಾದರೆ ಇನ್ನೂ ಒಳ್ಳೆಯದು.


( ಚಿತ್ರದಲ್ಲಿ ತಂಡವೊಂದು ಪ್ರದರ್ಶನ ನೀಡುತ್ತಿರುವುದನ್ನು ಕಾಣಬಹುದು )

ಲೇಖನ : ಹರಿಕೃಷ್ಣ ಹೊಳ್ಳ ಜಿ.
‘ಹಂಸ’- ಪಾಂಡುರಂಗನಗರ,
ಬ್ರಹ್ಮಾವರ.

ಜುಲಾಯಿಯಲ್ಲಿ ಸಾಮಗರ 'ಸಂಯಮಂ' ತಾಳಮದ್ದಲೆ ತಿರುಗಾಟದ ತಯಾರಿ - ಹರಿಕೃಷ್ಣ ಹೊಳ್ಳ ಜಿ.


(ಶ್ರೀ ಹರಿಕೃಷ್ಣ ಹೊಳ್ಳರು ಬ್ರಹ್ಮಾವರ ಶ್ರೀನಿಕೇತನ ಹೈಸ್ಕೂಲಿನಲ್ಲಿ ಅಧ್ಯಾಪಕರು, ಪ್ರವೃತ್ತಿಯಲ್ಲಿ ಯಕ್ಷಗಾನ ಬಡಗುತಿಟ್ಟಿನ ಭಾಗವತರು, ಯಕ್ಷಗಾನಕ್ಕಾಗಿ ಸೇವಾ ಮನೋಭಾವದಲ್ಲಿ ಸದಾ ತಲ್ಲೀನರು, ಯಕ್ಷಗಾನ ಪ್ರಸಂಗಸಂಚಯದಲ್ಲಿ ಮುಡಿಪಾದವರು, ಮುಂದಿನ ದಿನಗಳಲ್ಲಿ ಅವರಿಂದ ಇನ್ನೂ ಹೆಚ್ಚಿನ ಗಹನವಾದ ಬರವಣೆಗೆಯನ್ನು ನಾವು ನಿರೀಕ್ಷಿಸಬಹುದು! ಮುಖಪುಸ್ತಿಕೆಯಲ್ಲಿನ ಅವರ ಈ ಬರಹವನ್ನು ಅವರ ಅನುಮತಿ ಮೇರೆ ಪರಶುರಾಮ ಕ್ಷೇತ್ರದ ನಿತ್ಯೋತ್ಸವದ ಇನ್ನೊಂದು ಆರತಿಯಾಗಿ ಮತ್ತೆ ಇಲ್ಲಿ ಕಾಣಿಸಲಾಗಿದೆ.)

------------------------------------------------------------------------------------------------------------------

ಯಕ್ಷಗಾನ ಬಯಲಾಟಗಳಿಗೆ ಮೇಳಗಳು ಇರುವಂತೆ, "ಸಂಚಾರಿ ಯಕ್ಷಗಾನ ಮಂಡಳಿ" (ಸಂಯಮಂ) ಎಂಬುದು ತಾಳಮದ್ದಲೆಯ ಒಂದು ಮೇಳ. ಇದು 1990ರಲ್ಲಿ ಶ್ರೀ ವಾಸುದೇವ ಸಾಮಗರಿಂದ ಸ್ಥಾಪಿತವಾದ ಒಂದು ಸಂಸ್ಥೆ. ಬಹುಶಃ ಈ ರೀತಿಯಲ್ಲಿ ತಾಳಮದ್ದಲೆಗಾಗಿ ಮೇಳ ಕಟ್ಟಿಕೊಂಡವರು ಇವರೇ ಪ್ರಥಮ ಇರಬೇಕು.ಆರಂಭದಲ್ಲಿ ಇದರಲ್ಲಿ ಪದ್ಯಾಣಗಣಪತಿ ಭಟ್, ತೆಕ್ಕಟ್ಟೆ ಆನಂದ ಮಾಸ್ಟರ್, ರಾಮದಾಸ ಸಾಮಗರು , ಅಳಿಕೆ ರಾಮಯ್ಯ ರೈ ಮೊದಲಾದ ಘಟಾನುಘಟಿ ಕಲಾವಿದರು ಇದ್ದಿದ್ದರು. ನಡುವೆ ಕೆಲವು ವರ್ಷ ಸ್ಥಗಿತಗೊಂಡು ಈಗ ಹೊಸ ರೂಪದೊಂದಿಗೆ, ಸ್ವಂತ ಪರಿಕರಗಳೊಂದಿಗೆ, 'ಸಂಯಮಂ(ರಿ)' ಆಗಿ ಪುನಹ ತಿರುಗಾಟ ಮಾಡುತ್ತಿದೆ.
(Photo courtesy: http://www.daijiworld.com/images1/savi_070511_samaga8.jpg)
ವಾಸುದೇವ ಸಾಮಗರ ಬಗ್ಗೆ ಹೇಳಲು ನಾನಲ್ಲ , ಬೇರೆ ಯಾರೂ ಶಕ್ತರಲ್ಲ. ಅವರ ಬಗ್ಗೆ ಹೇಳಿದರೆ ಅದು ನಾಲ್ಕಾರು ಜನ ಕುರುಡರು ಆನೆಯೊಂದನ್ನು ಮುಟ್ಟಿನೋಡಿಕೊಂಡು ವರ್ಣಿಸಿದಂತೆ ಆದೀತು ಅಷ್ಟೆ. ಅವರು ತೆಂಕು ಹಾಗೂ ಬಡಗು ಎರಡೂ ತಿಟ್ಟುಗಳಲ್ಲಿ , ಎಲ್ಲಾ ರೀತಿಯ ವೇಷಗಳನ್ನೂ ಮಾಡಿದವರು , ಹರಿಕತೆ ದಾಸರೂ ಆಗಿರುವುದರಿಂದ ರಾಗ ಜ್ಞಾನವನ್ನೂ ಉಳ್ಳವರು , ತಾಳಮದ್ದಲೆಯಲ್ಲಿಯೂ ಕೂಡಾ ಎಲ್ಲಾರೀತಿಯ ಪಾತ್ರಗಳನ್ನು ಸಮರ್ಥವಾಗಿ ನಿಭಾಯಿಸಬಲ್ಲವರು. ಅಂತಹ ಬಹುಮುಖ ಪ್ರತಿಭೆಯ ವಾಸುದೇವ ಸಾಮಗರ ಕನಸಿನ ಕೂಸು ಈ 'ಸಂಯಮಂ'.
ಕರಾವಳಿ ಮಾತ್ರವಲ್ಲದೇ ಮಲೆನಾಡಿನಲ್ಲಿಯೂ ಕೂಡಾ, ಮಳೆಗಾಲದಲ್ಲಿ ಅಲ್ಲಲ್ಲಿ ತಾಳಮದ್ದಲೆ ಕಾರ್ಯಕ್ರಮಗಳನ್ನು ನಡೆಸಿಕೊಂಡು ಬರುತ್ತಿರುವ ಈ ಸಂಸ್ಥೆಗೆ ಕೆಲವು ಕಟ್ಟುಪಾಡುಗಳಿವೆ. ಅವುಗಳಲ್ಲಿ ಕಾಲಮಿತಿ ಪ್ರಮುಖವಾದುದು - ಸುಮಾರು ಮೂರರಿಂದ ಮೂರುವರೆ ಗಂಟೆಗಳ ತಾಳಮದ್ದಲೆ. ಎರಡನೇದಾಗಿ ಪಾತ್ರಮಿತಿ - ಕೇವಲ ನಾಲ್ಕೇ ಜನ ಅರ್ಥಧಾರಿಗಳು. ಹೆಚ್ಚು ಪಾತ್ರಗಳಿರುವ ಪ್ರಸಂಗವಾದರೂ ಅವರೇ ನಾಲ್ಕು ಜನ ನಿಭಾಯಿಸುವರು. ಅತಿಥಿ ಕಲಾವಿದರಿಗೆ ಇಲ್ಲಿ ಆಸ್ಪದ ಇಲ್ಲವಾದರೂ ಕೆಲವೊಮ್ಮೆ ಸಂಘಟಕರ ಸ್ನೇಹಕ್ಕೆ ಕಟ್ಟುಬಿದ್ದು ಒಬ್ಬಿಬ್ಬರನ್ನು ಸೇರಿಸಿಕೊಂಡದ್ದೂ ಇದೆ, ಹೆಚ್ಚು ಸಮಯದ ತಾಳಮದ್ದಲೆ ಮಾಡಿದ್ದೂ ಇದೆ. ಮತ್ತೆ ಆಪತ್ಕಾಲಕ್ಕೆ ಬೇರೆಯವರನ್ನು ಸೇರಿಸಿಕೊಂಡದ್ದೂ ಇದೆ. ಹೀಗೆ ಕೆಲವು ಬಾರಿ ಭಾಗವತರಿಗೆ ಅನಾನುಕೂಲವಾದಾಗ, ನಾನೂ ಕೂಡಾ ಹೋಗಿದ್ದೆ. ಇನ್ನು ಅವರದ್ದೇ ಆದ ಸಮವಸ್ತ್ರ , ಅವರದೇ ಸ್ಟೇಜ್ , ಅವರದೇ ಮೈಕ್ , ಅವರದೇ ಹ್ಯಾಲೋಜಿನ್ ಲೈಟ್ , ಅವರದೇ ಜನರೇಟರ್ , ಅವರದೇ ವಾಹನ ... ಹೀಗೇ ಎಲ್ಲವೂ ಅವರದ್ದೇ ವ್ಯವಸ್ಥೆ. ಯಾವುದಕ್ಕೂ ಸಂಘಟಕರನ್ನು ಕೇಳಲಿಕ್ಕಿಲ್ಲ. ಸಂಘಟಕರಿಗೆ ಕಿರುಕುಳ ಉಂಟಾಗಬಾರದು ಎಂಬುದೇ ಅವರ ಉದ್ದೇಶ. ದೂರದ ಊರಾದರೆ ಸರಳವಾದ ವಸತಿ ವ್ಯವಸ್ಥೆಯೊಂದನ್ನು ಕೇಳಿಯಾರು ಮತ್ತು ಹೋಟೆಲ್ ಇಲ್ಲದ ಊರಾದರೆ ಆಹಾರವನ್ನು ಬಯಸಿಯಾರು ಅಷ್ಟೆ.
ಇದು ಸಾಮಗರ ನಿರ್ದೇಶನಕ್ಕೆ ಒಳಪಟ್ಟ ಸಂಸ್ಥೆ. ಇಲ್ಲಿ ಸಮಯಮಿತಿ ಇರುವ ಕಾರಣ ಅರ್ಥಗಾರಿಕೆಗೂ ಸಾಮಗರ ನಿರ್ದೇಶನ ಇದೆ. ತಾಳಮದ್ದಲೆಗೆ ಮೊದಲು ಮತ್ತು ನಂತರ ಕಲಾವಿದರೊಳಗೆ ಅವಲೋಕನದ ಕ್ರಮ ಇದೆ, ಒಳಿತು ಕೆಡುಕುಗಳ ಚರ್ಚೆ ಇದೆ. ಕೆಲವೊಮ್ಮೆ ಭಾಗವತಿಕೆಗೂ ನಿರ್ದೇಶನವಿದೆ. ಅದಕ್ಕೆ ಬೇಕಾಗಿ ಪ್ರಸಂಗಗಳನ್ನು ಎಡಿಟ್ ಮಾಡಿಕೊಂಡು ಎಪ್ಪತ್ತು ಪ್ರಸಂಗಗಳ ಒಂದು ಪುಸ್ತಕವನ್ನೂ ಕೂಡಾ ಅವರು ಮಾಡಿಟ್ಟುಕೊಂಡಿದ್ದಾರೆ. ಇಂದು ಬಹುತೇಕ ಎಲ್ಲಾ ಕಡೆಗಳಲ್ಲಿಯೂ ಅವರ ಆ ಪುಸ್ತಕವನ್ನೇ ಬಳಸುತ್ತಿದ್ದಾರೆ. ಯಕ್ಷಗಾನದಲ್ಲಿ ಬಹು ಬೇಡಿಕೆ ಇರುವ ಪುಸ್ತಕ ಅದು. ಈ ವರ್ಷ ಇನ್ನೂ ಹತ್ತಾರು ಪ್ರಸಂಗಗಳನ್ನು ಸೇರಿಸಿ , ಅ ಪುಸ್ತಕವನ್ನು ಮರು ಮುದ್ರಣ ಮಾಡಲು ಹೊರಟಿದ್ದಾರೆ. ಅ ಪುಸ್ತಕದಲ್ಲಿರುವ ಪ್ರಸಂಗಗಳಲ್ಲದೇ ಬೇರೆ ಪ್ರಸಂಗಗಳನ್ನೂ ಕೂಡಾ ಅವರು ಆಡುತ್ತಾರೆ.
ಎಲ್ಲಕ್ಕಿಂತಲೂ ಮಿಗಿಲಾಗಿ ಖರ್ಚಿನ ಮಿತಿ ಇರುವುದು. ಸಂಘಟಕರಿಗೆ ಹೊರೆಯಾಗಬಾರದೆಂಬ ಕಾರಣಕ್ಕಾಗಿ ಕಡಿಮೆ ಖರ್ಚಿನಲ್ಲಿ ತಾಳಮದ್ದಲೆ ಮಾಡುತ್ತಿದ್ದಾರೆ. ಬಹುಶಃ ಈ ಮುಂದಿನ ಮಳೆಗಾಲದಲ್ಲಿ ಅವರ ವೀಳ್ಯ ಎಂಟು ಸಾವಿರಕ್ಕೆ ಏರಬಹುದೋ ಏನೋ ಅಷ್ಟೆ , ಅದಕ್ಕಿಂತ ಖಂಡಿತಾ ಹೆಚ್ಚಾಗಲಿಕ್ಕಿಲ್ಲ. ನಮ್ಮಲ್ಲಿ ತಾಳಮದ್ದಲೆ ಮಾಡಿಸಿದಾಗ ಒಮ್ಮೆ ಸ್ವಲ್ಪ ಹೆಚ್ಚಿಗೆ ಹಣ ಕೊಟ್ಟಾಗ ಅವರು ಆ ಹೆಚ್ಚಿಗೆ ಹಣವನ್ನು ವಿನಯ ಪೂರ್ವಕವಾಗಿ ಹಿಂತಿರುಗಿಸಿ ಕೊಟ್ಟು ಹೋಗಿದ್ದರು. ಇತ್ತೀಚಿನ ದಿನಗಳಲ್ಲಿ ನಡೆಯುವ ಬೇರೆ ತಾಳಮದ್ದಲೆಗಳಲ್ಲಿ ಕೇವಲ ಒಬ್ಬ ಕಲಾವಿದನಿಗೆ ಕೊಡುವ ಸಂಭಾವನೆ ಹಣದಲ್ಲಿ ಸಾಮಗರ ಇಡಿ ತಾಳಮದ್ದಲೆ ನಡೆಯುತ್ತದೆ.
ಸೂರಾಲು ರವಿಕುಮಾರ್, ಹೆಬ್ರಿ ಗಣೇಶ್ ಕುಮಾರ್ , ಗಜಾನನ ಹೆಗಡೆ ಇವರೆಲ್ಲ 'ಸಂಯಮಂ'ನಿಂದಲೇ ಬೆಳಕಿಗೆ ಬಂದ ಭಾಗವತರು. ಅದೇರೀತಿ, ಅನೇಕ ಅರ್ಥಧಾರಿಗಳನ್ನು ಕೂಡಾ ಸಾಮಗರು ಬೆಳೆಸಿದ್ದಾರೆ. ಅವರನ್ನೆಲ್ಲಾ ಪಟ್ಟಿ ಮಾಡಲು ಸಾಧ್ಯವಿಲ್ಲ , ಏಕೆಂದರೆ ಸಂಖ್ಯೆ ಅಷ್ಟು ಹೆಚ್ಚಿಗೆ ಇದೆ. ಕಳೆದ ವರ್ಷ ಪೂಕಳ ಲಕ್ಷ್ಮೀನಾರಾಯಣ ಭಟ್ಟರು ಮತ್ತು ನಿಟ್ಟೂರು ಅನಂತ ಹೆಗಡೆಯವರು (ಇನ್ನೋರ್ವರ ಹೆಸರು ನೆನಪಿಲ್ಲ) 'ಸಂಯಮಂ'ನ ಖಾಯಂ ಕಲಾವಿದರಾಗಿದ್ದರು. ಪ್ರೊ. ಎಂ.ಎ.ಹೆಗಡೆ , ಡಾ.ವೈಕುಂಠ ಹೇರಳೆ ಮೊದಲಾದವರು ಆಪತ್ಕಾಲದ ಅರ್ಥಧಾರಿಗಳಾಗಿದ್ದರು. ಈ ವರ್ಷವೂ ಜುಲಾಯಿಯಲ್ಲಿ ಸಾಮಗರ 'ಸಂಯಮಂ' ರಥ ತಿರುಗಾಟವನ್ನು ನಡೆಸಲು ತಯಾರಿ ನಡೆಸುತ್ತಿದೆ.



 'ಸಂಯಮಂ' ತಂಡದ ತಾಳಮದ್ದಲೆಯನ್ನು ಯೋಜಿಸಲಾಸಕ್ತರು ಶ್ರೀಯುತ ವಾಸುದೇವ ಸಾಮಗರನ್ನು ಚರವಾಣಿ  9448624370ಯಲ್ಲಿ ಸಂಪರ್ಕಿಸಬಹುದು!

ಸವಿ ನೆನಪಿನ ದೃಶ್ಯ ದಾಖಲೆ - ಯಕ್ಷಗಾನ ಕಾಳಗ ಉತ್ಸವ - ಶಿವಮೊಗ್ಗ - ಅಕ್ಟೋಬರ್ ೬ ಮತ್ತು ೭, ೨೦೦೭


ಯಕ್ಷಗಾನ ಕಾಳಗ ಉತ್ಸವ - ಶಿವಮೊಗ್ಗ - ಅಕ್ಟೋಬರ್ ೬ ಮತ್ತು ೭, ೨೦೦೭
ಅಭ್ಯುದಯ (ರಿ) ಮತ್ತು ಕನ್ನಡ ಮತ್ತು ಸ೦ಸ್ಕೃತಿ ಇಲಾಖೆ ಅರ್ಪಿಸಿದ ಎರಡನೇ ಬಾರಿಗೆ ೨೪ ತಾಸುಗಳ ಆಹೋರಾತ್ರಿ ಅವಿರತ ಪ್ರದರ್ಶನ

ದಾಖಲೆ - ಡಾ. ರತ್ನಾಕರ್

೬.೧೦.೨೦೦೭
ಉದ್ಘಾಟನಾ ಸಮಾರ೦ಭ

೧. ಸುಧನ್ವಾರ್ಜುನ ಕಾಳಗ - ಯಾಜಿ ಯಕ್ಷ ಮಿತ್ರ ಮ೦ಡಳಿ, ವಾಲ್ಗಳ್ಳಿ - ಸ೦ಜೆ ೬ ರಿ೦ದ
೨. ಬಬ್ರುವಾಹನ ಕಾಳಗ - ಮಕ್ಕಳ ಮೇಳ, ಸಾಲಿಗ್ರಾಮ - ರಾತ್ರಿ ೯ ರಿ೦ದ

೩. ತಾಮ್ರಧ್ವಜ ಕಾಳಗ - ಕೋಟ ಹೆಚ್. ಶ್ರೀಧರ ಹ೦ದೆ ಆಯ್ದ ತ೦ಡ - ರಾತ್ರಿ ೧೧ ರಿ೦ದ

೭.೧೦.೨೦೦೭
೪. ಯಕ್ಷೋತ್ತಮ ಕಾಳಗ - ಯಕ್ಷಗಾನ ಕೇ೦ದ್ರ, ಉಡುಪಿ - ಬೆಳಿಗ್ಗೆ ೨ ರಿ೦ದ
೫. ಚಿತ್ರಸೇನ ಕಾಳಗ - ಶ್ರೀ ಲಕ್ಷ್ಮೀ ಜನಾರ್ದನ ಯಕ್ಷಗಾನ ಕಲಾ ಮ೦ಡಳಿ, ಅ೦ಬಲಪಾಡಿ - ಬೆಳಿಗ್ಗೆ ೪ ರಿ೦ದ

೬. ಲವ-ಕುಶ ಕಾಳಗ - ಪೂರ್ಣಚ೦ದ್ರ ಯಕ್ಷಕಲಾ ಪ್ರತಿಷ್ಟಾನ, ಕೊ೦ಡದಕುಳಿ - ಬೆಳಿಗ್ಗೆ ೬ ರಿ೦ದ

೭. ಮೈರಾವಣ ಕಾಳಗ - ಸುಣ್ಣ೦ಬಳ ವಿಶ್ವೇಶ್ವರ ಭಟ್ ನೇತೃತ್ವದ ತ೦ಡ - ಬೆಳಿಗ್ಗೆ ೯ ರಿ೦ದ

೮. ಇ೦ದ್ರಜಿತು ಕಾಳಗ & ರಾವಣ ವಧೆ - ಇಡಗು೦ಜಿ ಮೇಳ - ಮಧ್ಯಾಹ್ನ ೧೨ರಿ೦ದ

೯. ಕೃಷ್ಣಾರ್ಜುನ ಕಾಳಗ - ಶ್ರೀ ವೀರಾ೦ಜನೇಯ ಯಕ್ಷ ಮಿತ್ರ ಮ೦ಡಳಿ, ಬ೦ಗಾರಮಕ್ಕಿ - ಮಧ್ಯಾಹ್ನ ೩ ರಿ೦ದ

ಸಮಾರೋಪ ಸಮಾರ೦ಭ
https://www.youtube.com/playlist?list=PLfMnpdlFWcxdMFTlf3DGQIdQtbJK1WJ4e

ಪರಶುರಾಮ ಸೃಷ್ಟಿ ಕಥನಗಳ ನಿತ್ಯೋತ್ಸವ-ಪಾನಉ೦೧೪-Maiyas 'ಸು'ದರ್ಶನ ಯಕ್ಷಗಾನ ಮೇ ೨೦೧೬-ಸಮಗ್ರ ದೃಶ್ಯ + ಚಿತ್ರಾವಲೋಕನ


1. ದಕ್ಷ ಯಜ್ನ

ದೃಶ್ಯ
1.1 https://youtu.be/VwekoGCFR3A

ಚಿತ್ರ
1.2.1 https://www.facebook.com/media/set/?set=a.10154222662068436.1073742174.628853435&type=3

1.2.2 https://www.facebook.com/media/set/?set=a.10154222746193436.1073742175.628853435&type=3

1.2.3 https://www.facebook.com/media/set/?set=a.10154223437668436.1073742176.628853435&type=3

1.2.4 https://www.facebook.com/media/set/?set=a.10154223468803436.1073742177.628853435&type=3

1.2.5 https://www.facebook.com/media/set/?set=a.10154223483273436.1073742178.628853435&type=3


2. ಕರ್ಣಾರ್ಜುನ

ದೃಶ್ಯ
2.1 https://www.youtube.com/playlist?list=PLfMnpdlFWcxfuDt2AVIv9iKQFgPNK0gHl

ಚಿತ್ರ
2.2.1 https://www.facebook.com/media/set/?set=a.10154224882048436.1073742179.628853435&type=3

2.2.2 https://www.facebook.com/media/set/?set=a.10154225335153436.1073742180.628853435&type=3

2.2.3https://www.facebook.com/media/set/?set=a.10154225510108436.1073742181.628853435&type=3

2.2.4https://www.facebook.com/media/set/?set=a.10154225531658436.1073742182.628853435&type=3

2.2.5 https://www.facebook.com/media/set/?set=a.10154225552488436.1073742183.628853435&type=3

3. ಆದರ್ಶ ದಂಪತಿ

ದೃಶ್ಯ
3.1 https://www.youtube.com/playlist?list=PLfMnpdlFWcxd0HyU4Ig9QwmHyuRgcNai9

ಚಿತ್ರ
3.2.1 https://www.facebook.com/media/set/?set=a.10154227827118436.1073742184.628853435&type=3

3.2.2 https://www.facebook.com/media/set/?set=a.10154227859823436.1073742185.628853435&type=3


4. ಸುಧನ್ವಾರ್ಜುನ

ದೃಶ್ಯ
4.1 https://www.youtube.com/playlist?list=PLfMnpdlFWcxeQqSE3nr7h-CKjxlV_1AXB

ಚಿತ್ರ
4.2.1 https://www.facebook.com/media/set/?set=a.10154230596443436.1073742186.628853435&type=3

4.2.2 https://www.facebook.com/media/set/?set=a.10154230610228436.1073742187.628853435&type=3

4.2.3 https://www.facebook.com/media/set/?set=a.10154230628248436.1073742188.628853435&type=3

4.2.4 https://www.facebook.com/media/set/?set=a.10154230631738436.1073742189.628853435&type=3


5. ಸಭಾಕಲಾಪ

ದೃಶ್ಯ
5.1 https://www.youtube.com/playlist?list=PLfMnpdlFWcxfM2sOofp4qqp-wYjFMj1az

ಚಿತ್ರ
5.2 https://www.facebook.com/media/set/?set=a.10154231909698436.1073742192.628853435&type=3


6. ಕಂಸವಧೆ

ದೃಶ್ಯ
6.1 https://www.youtube.com/playlist?list=PLfMnpdlFWcxd4W5CPAmiCKflrInlJYSjF

ಚಿತ್ರ
6.2.1 https://www.facebook.com/media/set/?set=a.10154231624718436.1073742190.628853435&type=3

6.2.2 https://www.facebook.com/media/set/?set=a.10154231660138436.1073742191.628853435&type=3

Tuesday, May 24, 2016

ಪರಶುರಾಮ ಸೃಷ್ಟಿ ಕಥನಗಳ ನಿತ್ಯೋತ್ಸವ-ಪಾನಉ೦೧೩-ಮಂಟಪಾಭಿನಂದನ:ದೃಶ್ಯ+ಚಿತ್ರಾವಲೋಕನ

ಇಡೀ ದಿನ ಹೊಮ್ಮಿಕೊಂಡ ಕಾರ್ಯಕ್ರಮಗಳ ದೃಶ್ಯ +ಚಿತ್ರಾವಳಿಗಳಿಗಳ ಕೊಂಡಿಗಳು!

1. ಉದ್ಘಾಟನ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxctE4zzm5ovoFDt-TWRorGK
ಚಿತ್ರ:
https://www.facebook.com/media/set/?set=a.10154239831638436.1073742193.628853435&type=3

2. ವಿಚಾರ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxd3nsFtcfU3BKoYqmbm_hek
ಚಿತ್ರ:
https://www.facebook.com/media/set/?set=a.10154239942398436.1073742194.628853435&type=3

3. ಬಹುಮುಖಿ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxe8MPe2yx1MB7uy8gcAcyq8
ಚಿತ್ರ:
https://www.facebook.com/media/set/?set=a.10154240801703436.1073742195.628853435&type=3


4. ಸಂವಾದ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxejcol9ZGEiqPB-Sk2HPmcp
ಚಿತ್ರ:
https://www.facebook.com/media/set/?set=a.10154241030293436.1073742196.628853435&type=3

5. ಸಮ್ಮಾನ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxfl6B1kMbCwrIQeLHIyNK9V
ಚಿತ್ರ:
https://www.facebook.com/media/set/?set=a.10154241127598436.1073742197.628853435&type=3

6. ಪ್ರದರ್ಶನ ಮಂಟಪ:
ದೃಶ್ಯ:
https://www.youtube.com/playlist?list=PLfMnpdlFWcxcC35F1mvJ6f4wygjzviHda
ಚಿತ್ರ:
https://www.facebook.com/media/set/?set=a.10154241268458436.1073742198.628853435&type=3

ಮುಖಪುಸ್ತಿಕೆಯಲ್ಲಿನ ಚಿತ್ರಾವಳಿಯ ಕೊಂಡಿಗಳು ಆಯಾ ದೃಶ್ಯಾವಳಿಯ ಕೊಂಡಿಗಳ ತಲೆಬರಹದಲ್ಲೂ ಲಭ್ಯ!

ಮೇ ೨೦ರ ಉದಯವಾಣಿಯಲ್ಲಿ ಡಾ. ಶತಾವಧಾನಿ ಗಣೇಶರ ಸಾಂದರ್ಭಿಕ ಲೇಖನ


ಮುಖಪುಸ್ತಿಕೆಯಲ್ಲಿಅಶೋಕವರ್ಧನರ ವರದಿ
https://www.facebook.com/athreebook/posts/10209397929367192

ಪತ್ರಿಕಾ ವರದಿ:
https://www.facebook.com/photo.php?fbid=1594023290909746&set=a.1441028246209252.1073741828.100009062725801&type=3&theater

Monday, May 9, 2016

ಪರಶುರಾಮಸೃಷ್ಟಿಯ ನಿತ್ಯಕಥನ - ಎಸ್ಸೆಮ್ ಹೆಗ್ಡೆ - ೦೦೧ - ಯಕ್ಷಗಾನ ನಡೆದುಬಂದ ದಾರಿ - ನಾನು ಕಂಡಂತೆ

ಪರಶುರಾಮಸೃಷ್ಟಿಯ ನಿತ್ಯಕಥನ - ಎಸ್ಸೆಮ್ ಹೆಗ್ಡೆ - ೦೦೧ - ಯಕ್ಷಗಾನ ನಡೆದುಬಂದ ದಾರಿ - ನಾನು ಕಂಡಂತೆ

(ಶೇಷಗಿರಿ ಹೆಗ್ಡೆ, ಸಿದ್ಧಾಪುರ ಇವರು ಗುರು ಶಿಷ್ಯರು ವಾಟ್ಸ್ಯಾಪ್ ಸಮೂಹದಲ್ಲಿ ಬರೆದು ಬರುತ್ತಿರುವುದು - ಲೇಖಕರ ಅನುಮತಿ ಮೇರೆಗೆ ಮತ್ತೆ ಈ ವೇದಿಕೆಯಲ್ಲಿ ಪ್ರಸಾರ!)


ಯಕ್ಷಗಾನದ ಬಗೆಗೆ ನನ್ನ ಒಂದು ವೈಯ್ಯಕ್ತಿಕ ಅನಿಸಿಕೆ .
ಹಿಂದಿನ ಕಾಲದಲ್ಲಿ ಆಟ ಅದ್ಭುತವಾಗಿಯೂ ,ಆರ್ಭಟವಾಗಿಯೂ
ನಡೆಯುತ್ತಿತ್ತು ಎಂದು ನಾವು ಕೇಳಿದ್ದೇವೆ ಅಗಿನ ಪರಿಸ್ತಿತಿ ಹಾಗಿತ್ತು .
ಮೈಕ್ ವ್ಯವಸ್ಥೆ ಇಲ್ಲದ ಕಾರಣ ಭಾಗವತರು ಹಾಗೂ ಕಲಾವಿದರು
ಸಭೆಗೆ ಕೇಳುವಷ್ಟು ಕಂಠತ್ರಾಣದಿಂದ ಹಾಡ್ಬೇಕಿತ್ತು -ಮಾತಾಡಬೇಕಿತ್ತು .
ಆಗ ಅವರ ತ್ರಾಣ ನಾಭಿಯಿಂದ ಬರುತ್ತಿತ್ತು. ಪಂಜಿನ ಹಾಗೂ ಗ್ಯಾಸ್ ಲೈಟ್
ಬೆಳಕಿನ ವ್ಯವಸ್ಥೆ . ಇಲ್ಲಿ ಪಾತ್ರಗಳು ಪಾತ್ರಗಳಾಗಿಯೇ ಪ್ರೇಕ್ಷಕರಿಗೆ ಕಾಣುತ್ತಿತ್ತು .
ಮೊದಲನೇ ಕಲಾವಿದ ಭಾಗವತನಗಿದ್ದು ,ಆತನ ನಿರ್ದೇಶನದಲ್ಲಿ ಆಟ ನಡೆಯುತ್ತಿತ್ತು.ಆಗ ಪ್ರೇಕ್ಷಕರೂ ಸಹ ಕಲಾವಿದರೊಂದಿಗೆ ಕಲಾವಿದರಾಗಿ, ಭಾಗವತ ನಡೆಸುವ ದೋಣಿಯಲ್ಲಿ ತಾವೂ ಪ್ರಯಾಣಿಕರಾಗಿ ಸಹಕರಿಸುತ್ತಿದ್ದರು.(ಕಲಾವಿದರ ಜೊತೆ ಪ್ರೇಕ್ಷಕರೂ ಕೆಲವೊಂದು ಸಂಧರ್ಭಕ್ಕೆ ಸ್ಪಂದಿಸುತ್ತಿದ್ದರು ಎಂದು  ಅಜ್ಜ ದಿ.
ಬೆಳಸಲಿಗೆ ಗಣಪತಿ ಹೆಗಡೆಯವರು ಹಿಂದಿನ ಕಾಲದ ಯಕ್ಷಗಾನದ ಮಾತು ಬಂದಾಗಹೀಗೆ ಹೇಳುತ್ತಿದ್ದರು. ಉದಾಹರಣೆಗೆ - ಬನ್ನಿರೈ ಸಂಸಾರ ಸಾಗರವ ದಾಂಟುವರು।ಬನ್ನಿರೈ ಮೋಕ್ಷಕಾಂಕ್ಷಿಗಳು। ಎಂದು ಅತಿಕಾಯ ಹೇಳುವಾಗ, ನೀವು ಮುಂದಾಗಿ ನಾವು ಹಿಂದಿನಿಂದ ಬರುತ್ತೇವೆ ಎಂದು ಪ್ರೇಕ್ಷಕರು ಕೂಗಿಹೇಳುತ್ತಿದ್ದರಂತೆ(ಇದನ್ನು ನಾನು   ಸಣ್ಣವನಿದ್ದಾಗ ತಾಳಮದ್ದಳೆಯಲ್ಲಿ ಕೇಳಿದ್ದೆನೆ) ಮತ್ತೆ ಆಗ ಹಣ ಮಾಡುವ ಗಳಿಸುವ ಉದ್ದೇಶಕ್ಕೆ ಯಕ್ಷಗಾನ ಬಳಕೆಯಾಗುತ್ತಿರಲಿಲ್ಲ. ಒಂದು ಮಾತು ಽಅಗ ಜನ ಸಂಖ್ಯೆಯೂ ಬಹಳ ಕಡಿಮೆ ಇತ್ತು. ಕಸ್ಟವೂ ಇತ್ತು ಎಂದು ಕೇಳಿದ್ದೇನೆ . ಮಾತು ನಾಳೆ ಮುನ್ದುವರಿಯುವುದು........

ಒಂದನೆ ಹಂತದಲ್ಲಿ ಮೊದಲ ವೇಷಧಾರಿ ಭಾಗವತನಾಗಿದ್ದು, ಅದು ಎರಡನೇ ಹಂತಕ್ಕೆ ಮೇಳದ ಯಜಮಾನನ ಕೈಗೆ ಬಂತು. ವರ್ತಮಾನದಲ್ಲಿ ಯಕ್ಷಗಾನದಲ್ಲಿ ತುಂಬಾ ಬದಲಾವಣೆಗಳಾದವು. ಸುಲಭದಲ್ಲಿ ಕಟ್ಟಬಹುದಾದ ರೆಡಿಮೇಡ್ ವೇಷ ಬೂಷಣಗಳು ಬಂದವು.ಟ್ಯೂಬ್ ಲೈಟ್ ಬದಲಿಗೆ ಹೆಚ್ಚು ಪ್ರಕಾಶದ ಹೆಲೂಜಿನ್ ಬಲ್ಬುಗಳು ಬಂದವು. ಹಿಮ್ಮೆಳ ಹಾಗೂ ಮುಮ್ಮೇಳದ ಪ್ರತೀ ಕಲಾವಿದರಿಗೂ ಬೇರೆ  ಬೇರೆ ಟ್ಯೂನ್  - ವಿಶೇಷ ಎಫೆಕ್ಟ್ಸ್ ಕೊಡುವುದಕ್ಕೆ ಚಾನೆಲ್ ಮಿಕ್ಸರ್ ಗಳು  ಬಂದವು. ಅಂದರೆ ಕಲಾವಿದರ ಧ್ವನಿಯ ತ್ರಾಣ ನಾಭಿಯಿಂದ ಕಂಠಕ್ಕೆ ಬಂತು.ಇವು ಬಂದದ್ದೇ ಬಂದದ್ದು ಯಕ್ಷಗಾನದ ಒಂದು ಹಂತದ ಧಮ್ಮು ಕಡಿಮೆಯಾಯಿತು.ಈ ಹಂತದ ಮೊದಲ ದಶಕಕ್ಕೆ ಬದಲಾವಣೆಯ ಗಾಳಿ ಬಿರುಗಾಳಿಯಾಗಿ ಬೀಸಲಾರಂಭಿಸಿತು. ಇದರ ಹೊಡೆತಕ್ಕೆ ಹಳೆಯ ಪ್ರಸಂಗಗಳು,ರಾಗ -ತಾಳ-ಲಯಗಳು ತೂರಿ ಹೋಗಿ ಆ ಜಾಗಕ್ಕೆ ಹೊಸ ಪ್ರಸಂಗಗಳು ಬಂದವು. ಇದರೊಟ್ಟಿಗೇ ಕೊಂಟ್ರೆಕ್ಟುದಾರರು ಬಂದರು.  ಇಂತಿಷ್ಟು ತಾಸಿನ ಆಟಕ್ಕೆ ಇಷ್ಟು ಎಂದು ಎಂದು ನಿರ್ಧಾರವಾಗಿ, ಯಕ್ಷಗಾನ ಹಣ ಗಳಿಸುವ ಬಿಜಿನೆಸ್ಸ್ ಆಗಿ  ಮಾರ್ಪಾಡಾಯಿತು. ಯಕ್ಷಗಾನದ ಹಿಡಿತ ಮೇಳದ ಯಜಮಾನನ ಕೈಯಿಂದ ಜಾರಿ ಕೊಂಟ್ರೆಕ್ಟುದಾರರ ಕೈಗೆ ಬಂತು.ಆಟ ಹೇಗೇ ಆಗಲಿ ಯಜಮಾನರಿಗೆ ಹಣದ ಸಮಸ್ಯೆ ಇಲ್ಲದಂತಾಯಿತು. ಆಟಕ್ಕೆ ಹೋಗಲಿ ಬಿಡಲಿ ಟಿಕೆಟ್ಟು ಕೊಳ್ಳುವ ಪರಂಪರೆ ಇಲ್ಲಿಂದ ಶುರುವಾಯಿತು.
ಮುಂದುವರಿಯುವುದು ........

ಯಾವಾಗ ವೃತ್ತಿ ಮೇಳಗಳ ಒಪ್ಪಂದದ ಆಟ ಶುರು ಆಯಿತೋ  ಯಕ್ಷಗಾನದ ಗುಣಮಟ್ಟ ಕಡಿಮೆಯಾಗತೊಡಗಿತು. ಆಟ ಹೇಗಾದ್ರು ತಮ್ಮ ಗಳಿಕೆಗೆ ತೊಂದ್ರೆ ಇಲ್ಲ ಎನ್ನುವ ತೀರ್ಮಾನಕ್ಕೆ ಬಂದರು. ಇದರಿಂದ  ಯಕ್ಷಪ್ರಿಯರು ಅತಂತ್ರರಾದರು. ಇದೇ ಕಾಲಕ್ಕೆ ಮೇಳದ  ಕಲಾವಿದರಲ್ಲಿ ಭಿನ್ನಾಭಿಪ್ರಾಯ ಬಂದದ್ದರಿಂದ ಯಾರು ಮೊದಲನೇ ಕಲಾವಿದ ಯಾರು ಎರಡನೇ ಕಲಾವಿದ ಎಂದು ತೀರ್ಮಾನಿಸುವಲ್ಲಿ ಯಜಮಾನರು ಸೋತರು. ಇಲ್ಲಿಂದ  ಬಹುತೇಕ   ಹಿರಿಯ ಪ್ರಸಿದ್ಧ  ಕಲಾವಿದರದ್ದೇ ಒಂದೊಂದು ಮೇಳ ತಲೆ ಎತ್ತಿತು. ವೃತ್ತಿ  ಮೇಳಗಳಿಗೆ ಇದರಿಂದಾಗಿ ಪೌರಾಣಿಕ ಪ್ರಸಂಗಗಳನ್ನು  ರೈಸುವುದು ದುಸ್ತರವಾಯಿತು. ಸಾಮಾಜಿಕ ಕಥೆಗಳನ್ನು ರಂಗಕ್ಕೆ ತರುವ ಸಾಹಸ ಮಾಡಬೇಕಾಯಿತು.ಅಲ್ಲಿಂದ ಹೊಸಕಥೆಗಳ ಮಹಾಪೂರವೇ ಹರಿದು ಕೆಲಕಾಲ ಮಿಂಚಿದವು. ಇಂತಹ ಪ್ರಸಂಗದ ಪದ್ಯಗಳಲ್ಲಿ ಸತ್ವ ಇಲ್ಲದ ಕಾರಣ ಚಲನಚಿತ್ರ ಸಂಗೀತದ ಎಲ್ಲಾ ಎಫೆಕ್ಟ್ ಗಳನ್ನು ಇಲ್ಲಿ ಪ್ರಯೋಗ ಮಾಡಿದರು. ಪ್ರಮುಖವಾದದ್ದು ಎಕೋ ಎನ್ನುವ ಎಫೆಕ್ಟ್ .ಇದು ಆ ಕಾಲಕ್ಕೆ ಪ್ರಸಿದ್ದಿಗೆ ಬಂದ ಹಿಮ್ಮೇಳ ವೈಭವ
ಎಂಬ ಹೆಸರಲ್ಲಿ ನಡೆಯುವ ಕೇವಲ ಹಾಡುಗಾರಿಕೆಯೇ ಪ್ರಧಾನವಾದ ಕಾರ್ಯಕ್ರಮದಲ್ಲಿ, ಇಲ್ಲಿ ಮಾತಾಡುವ ಯಾ ಅರ್ಥ ಹೇಳುವ ಪ್ರಕ್ರಿಯೆ ಇಲ್ಲದೆ ಇರುವುದರಿಂದ ಇರುವುದರಿಂದ ಯಶಸ್ಸನ್ನೂ ಕಂಡಿತು. ಆದರೆ ರಂಗದಲ್ಲಿ ಇದು ಒಂದು ರೀತಿಯ ಭ್ರಮಾಲೋಕವನ್ನು ಸೃಷ್ಠಿಸಿರೂ . ಇದರ ಪ್ರಭಾವಕ್ಕೆ ಇದರ ಜೊತೆ ಶ್ರುತಿ ಸೇರಿಸಲಾರದೇ ಮುಮ್ಮೇಳದವರು ಮುಗ್ಗರಿಸಿ ಬಿದ್ದರು. ಹಾಡುವಾಗಿನ ಆರ್ಭಟ ಮತಾಡುವಲ್ಲಿ ಇಲ್ಲದೆ ಹೋದಾಗ ಪ್ರೇಕ್ಶಕರಿಂದ ಧ್ವನಿ ವರ್ಧಕದವರ ಬಗ್ಗೆ ಅಸಮಾದಾನ ಉಂಟಾಯಿತು. ಈರ್ವರಲ್ಲಿ ಗಲಾಟೆ ಆದದ್ದೂ ಇಲ್ಲದಿಲ್ಲ. ಆದರ್ಶ ನೀತಿಪಾಠಗಳಿಲ್ಲದ  ಕಾಲ್ಪನಿಕ ಕಥೆಗಳು ನಿಜ ಯಕ್ಷಗಾನದ  ಸೊಗಡು - ಅಬ್ಬರವನ್ನು ನಿರೀಕ್ಷಿಸಿ ಬರುವ ಯಕ್ಷಪ್ರಿಯರ ಹಸಿವನ್ನು ತಣಿಸಲಾಗದೇ ಸೋತವು.
ಮುಂದುವರಿಯುವುದು.....

ಸತತ ಅಭ್ಯಾಸದ ಕೊರತೆಯಿಂದ  ಮಾತಾಡುವಲ್ಲಿ ರಂಜಿಸಲಾಗದ( ಕಥೆಗೆ ಎಷ್ಟು ಬೇಕೂ ಅಷ್ಟನ್ನೇ ಮಾತಾಡಿದ್ರು ಯಕ್ಷಗಾನಕ್ಕೆ ಸಾಕಿತ್ತು) ಅನೇಕರು ಏನಾದ್ರು ಮಾಡಿ ತಮ್ಮತನ ಉಳಿಸಿಕೊಳ್ಳಲು ಹಾಡಿದ್ದನ್ನೇ ಪದೆ ಪದೇ  ಹಾಡಿಸಿ (ಮೂರು ನಾಲ್ಕು ಬಾರಿ ರಿಪೀಟ್ ಆದರೆ ಸರಿ. ಇಷ್ಟು ಬೇಕೇ ಬೇಕು) ಹೆಚ್ಹು ಕುಣಿಯುವುದು ಕುಣಿತದಲ್ಲಿ ಹೊಸತನ್ನು ತರುವ ಸಾಹಸ ಮಾಡಿದರು. ಇದರಿಂದ ಯಕ್ಷಗಾನೇತರರೂ ಸಹ ಯಕ್ಷಗಾನದತ್ತ ಆಕರ್ಶಿತರಾದದ್ದು  ಮಾತ್ರ ಸತ್ಯ. ಗಳಿಕೆಯ ದೃಷ್ಟಿಯಲ್ಲಿ ಮೇಳಗಳಿಗೆ ಅನುಕೂಲಾವಾದದ್ದೂ ಅಷ್ಟೇ ಸತ್ಯ. ಶ್ರುತಿ ತಪ್ಪಿದರೂ  ಚಪ್ಪಾಳೆಗೇನೂ ಕೊರತೆಯಾಗಲಿಲ್ಲ.( ಯಕ್ಷಗಾನ ಸರ್ವಾಂಗ ಸುಂದರ ಕಲೆ ಆದ್ದರಿಂದ  ಪರಂಪರೆಯಿಂದ ಬಂದ ಕುಣಿತವೇ ಸಾಕು ಹೊಸತೇನೂ ಬೇಕಿಲ್ಲ.) ಇದು ಎಲ್ಲಿಯವರೆಗೆ ಬಂತು ಅಂದರೆ ಯಕ್ಷಗಾನ - ದೊಂಬರಾಟ - ಸರ್ಕಸ್ಸು  ಈ ಮೂರೂ ಪ್ರಾಕಾರಗಳನ್ನು  ಒಂದೇ ವೇದಿಕೆಯ ಮೇಲೆ ನೋಡುವ ಸುಯೋಗ ಬಂದದ್ದು ಮಾತ್ರ ಯಕ್ಷಪ್ರಿಯರ ದೌರ್ಭಾಗ್ಯ. ಯಕ್ಷಗಾನ ಪರಂಪರೆಗೆ ಅದರ ಘನತೆ ಗೌರವಕ್ಕೆ ಧಕ್ಕೆ ಬಾರದ ಬದಲಾವಣೆಗಳು ಕಾಲಕಾಲಕ್ಕೆ ಆದರೆ ಸ್ವಾಗತಾಹ್ರವೇ ಹೌದು. ಈಗಿನ ಯಕ್ಷಗಾನ ಯಾಕೆ ರಂಜಿಸುವುದಿಲ್ಲ ಎನ್ನುವುದರ ಬಗ್ಗೆ ನಾಳೆ ಹೇಳುವೆ ......

(ಇನ್ನೂ ಇದೆ, ಮೂಲವೇದಿಕೆಯಲ್ಲಿ  ಮೂಡಿ ಬಂದಂತೆ ಇಲ್ಲಿ ಲಗತ್ತಿಸಲಾಗುವುದು)

Monday, April 25, 2016

ಪರಶುರಾಮಸೃಷ್ಟಿಯ ನಿತ್ಯಕಥನ - ಪಾನಉ - ೦೧೨ - ದೊಂದಿ ಮಾನವರು

ಪರಶುರಾಮಸೃಷ್ಟಿಯ ನಿತ್ಯಕಥನ - ಪಾನಉ - ೦೧೨ - ದೊಂದಿ ಮಾನವರು

(ಹಿಂದೆ ದೊಂದಿಯಾಟದ ದೊಂದಿಯ ಸುತ್ತಲಿನ ಸೊಬಗನ್ನು ಈ ಕೆಳಗಿನ ಕೊಂಡಿಯಲ್ಲಿ ವರ್ಣಿಸಿ ಬರೆದ ನಂತರ ಅದರ ಮೆಲುಕು ಮತ್ತೆ ಇಲ್ಲಿ ಈ ರೀತಿಯಾಗಿ!


ದೀವಟಿಗೆಯ ಆಟ ದೊಂದಿಯಾಟವಾಯಿತು. ಮಂಗಳೂರಿನ ದೊಂದಿಯಾಟದ ಸುತ್ತ ವಾಟ್ಸ್ಯಾಪ್ ಸಮೂಹ ಹುಟ್ಟಿತು. ದೊಂದಿಯಾಟ ಬರುತ್ತಲೇ ಹೋಗುತ್ತಲೇ ಇರುವಾಗ, ಈ ಸಮೂಹದಲ್ಲಿ ಸಮಾನ ಮನಸ್ಕರ ಒಂದು ಸಂಘಟನೆ ರೂಪುಗೊಂಡು ಬೆಳೆಯುತ್ತಲೇ ಇದೆ, ಸಮಾನ ಅಭಿರುಚಿಗಳ ಸುತ್ತ ಮಾಹಿತಿ, ವಿಷಯ ವಿನಿಮಯ ಮತ್ತು ಚರ್ಚೆಗಳು ನಡೆಯುತ್ತಲೇ ಇರುವಾಗ ದೊಂದಿಯ ಸುತ್ತಲಿನ ಹೊಸ ಅರ್ಥಗಳ ಸಾಧ್ಯತೆಯನ್ನು ನಾ ಹುಡುಕಹೊರಟೆ. ಈ ನಿಟ್ಟಿನಲ್ಲಿ ನಾ ಕಂಡುಕೊಂಡದ್ದು, ಧ್ಯೇಯೋದ್ದೇಶಗಳಿಗಿಂತ ಹೆಚ್ಚಿನ ತುಡಿತ ಇಲ್ಲಿ ಸಮಾನ ಮನಸ್ಸು ಮತ್ತು ಹೃದಯದ್ದು, ಆದರ ಸುತ್ತಲೂ ಸಂಬಂಧಿಸಿದ ಎಲ್ಲಾ ಧನಾತ್ಮಕ ತುಡಿತಗಳಿಗೆ ಇಲ್ಲಿ ಹೆಚ್ಚಿನ ಆದ್ಯತೆ.

ಹಾಗಾಗಿ ನಾನು ದೊಂದಿಯ ಅರ್ಥ ಬಿಟ್ಟು, "ದೊಂದಿಮಾನವ" ನ ಪರಿಕಲ್ಪನೆಗೆ ಹೊರಡುವುದು ಅನಿವಾರ್ಯ.

"ದೊಂದಿ" ಗೆ ನಾನು ಕೊಟ್ಟ ಅರ್ಥ ಆಧ್ಯಾತ್ಮಿಕ ತಳಹದಿಯದ್ದು, ಆದರೆ ಅದಕ್ಕೂ ಮೀರಿದ್ದು. ಆಧ್ಯಾತ್ಮಿಕ ಅರ್ಥವನ್ನು ಸಾರಲು "ಜ್ಯೋತಿ" ಯಾ "ದೀಪ"ದ ಪರಿಕಲ್ಪನೆ ಸಾಕು, ಅದು "ಬೆಳಕು". ಆದರೆ ಇದು ದೊಂದಿ. ದೊಂದಿ ಬೆಳಕನ್ನೂ ಹೊಂದಿದ್ದು, ಅದನ್ನೂ ಮೀರಿದ್ದು. ದೀಪ ಸೌಮ್ಯದಲ್ಲಿ ಬೆಳಗಿದರೆ, ದೊಂದಿ ಹೊತ್ತಿ ಉರಿಯುವಂತಹದ್ದು. ದೊಂದಿಯ ಉರಿಯಲ್ಲೂ ಶಾಂತಿಯ ಜೊತೆಜೊತೆಗೇ ಜೀವನೋತ್ಸಾಹದ ದಣಿವರಿಯದ ನಾಟ್ಯದ ನಿರಂತತೆ ಇದೆ. ದೊಂದಿ ಬರೇ ಬೆಳಕನ್ನು ಕೊಡುವುದಲ್ಲ, ಉರಿಯುತ್ತಲೇ, ಉರಿಯನ್ನು ಹಚ್ಚುತ್ತಾ ಹೋಗುವುದು. ಬೆಳಕನ್ನು ಮೀರಿದ ಉರಿಯ ಜ್ವಾಲೆ ವಾಸ್ತವದ  ಕುರಿತಾಗಿ ಶರಣಾಗತಿಯ ವಿನಮ್ರ ಸ್ವೀಕಾರವಿದ್ದರೂ ಜೀವನೋತ್ಸಾಹ, ಅಭಿವ್ಯಕ್ತಿ ಮತ್ತು ಅಭಿಯಾನಗಳ ಕ್ಷಾತ್ರವನ್ನೂ ಸಾರುತ್ತಿದೆ.


ದೊಂದಿಯ ಜ್ವಾಲೆಯಿಂದ ಆವರಿತ ರಂಗಸ್ಥಳವು, ಅಲ್ಲಿ ನಡೆಯುವ ವಿಧವಿಧದ ಆಟವು ದೊಂದಿಯ ಜ್ವಾಲೆಗೆ ಹೆಚ್ಚಿನ ಅರ್ಥವನ್ನು ತರುತ್ತದೆ. ಇಲ್ಲಿ ಕಾಲಚಕ್ರದ ರಥದ ನಿರಂತರ ಅಭಿಯಾನದಲ್ಲಿ ನಡೆವ ದೇವರ ರಥೋತ್ಸವದ ಆಚರಣೆ ಇದೆ, ಈ ರಥೋತ್ಸವದಲ್ಲಿ ಹಳೆಯದು ಮತ್ತು ಹೊಸದು ಎರಡಕ್ಕೂ ಸಮಾನ ಪುರಸ್ಕಾರ ಇದೆ. ಕಾಲಚಕ್ರದ ರಥದ ತಳ್ಳುವಿಕೆಯಲ್ಲಿ ಎಲ್ಲಾ ಸ್ಥಳೀಯ ಬೇಧಗಳನ್ನು ಮೀರಿದ ಕೈಗಳು ಮಿಲಾಯಿಸುವ ಕಾವ್ಯವಿದೆ. ರಥೋತ್ಸವದ ನಿರಂತರತೆಯ ಕುರಿತ ಅಘೋಷಿತ ಮುಡಿಪು ಇದೆ. ಒಂದು ರಥೋತ್ಸವ ದಿಂದ ಇನ್ನೊಂದಕ್ಕೆ ಸಾಗುತ್ತಾ ಹೊಸ ಚಿಗುರು ಹಳೇ ಬೇರುಗಳ ಹೊಸ ಪಾಕದ ಕುರಿತಾಗಿ ನಿರಂತರ ತಪಸ್ಸು, ತಾಲೀಮು ಇದೆ.  ಎಲ್ಲಾ ಅಭಿವ್ಯಕ್ತಿಗಳು ಸೇವೆಯ ರೂಪದಲ್ಲಿ ಸಾಗುತ್ತಿರುವುದರಿಂದ ಸೇವಕನಾಗದೇ ಸಲ್ಲುದೇ ಅಂತರಿಕ್ಷದಲ್ಲೇ ಕಣ್ಣಿಟ್ಟು ಹಾರಾಡುವವರ ಕಾಣಿಗೆ ಏನೂ ಕಾಣಿಸದಂತೆ ಎಲ್ಲವೂ ನಡೆಯುತ್ತಿದೆ. ಸೇವಾ ಮನೋಭಾವದವರ ಅನೌಪಚಾರಿಕ ಕೂಡಾಟ ಎಂದಿಗೂ ನಡೆಯುತ್ತಲೇ ಇದೆ, ಸದ್ದು ಗದ್ದಲವಿಲ್ಲದೇ!

ದೊಂದಿ ಸುತ್ತಲೂ ಸೇವೆಗೈಯುವವರೇ ದೊಂದಿಮಾನವರು. ಒಳಗಿನ ದೊಂದಿಯ ಪ್ರಖರತೆ, ಹೊರಗಿನ ಚರ್ಯೆಯಲ್ಲಿ ಕಾಣಸಿಗದು, ದೊಂದಿ ಮಾನವರೆಲ್ಲ ಸೇರಿ ಮಾಡುವ ಸಾಹಸವು ಲಂಕಾದಹನದಂತೆ ಋಣಾತ್ಮಕವನ್ನು ದಹದಹಿಸಿ ಧನಾತ್ಮಕತೆಯ ವಿಜಯಪತಾಕೆಯನ್ನು ಹಾರಿಸುವುದನ್ನು ನೋಡಿದಾಗಲೇ ಈ ದೊಂದಿಮಾನವರೊಳಗಿನ ದೊಂದಿ ರಂಗಸ್ಥಳದ ಮೇಲಿನ ದೊಂದಿಗೂ ಮೀರಿ ಉರಿಯುವುದರ ಅನುಭವ ಸಿಗುತ್ತದೆ.

ದೊಂದಿ ಮಾನವನ ಒಳಗಿನ ಉರಿ, ಹೊರಗಿನ ಅಭಿಯಾನದ ಸಹಕಾರದ ಅಭಿವ್ಯಕ್ತಿಯ ನಡುವೆ ಆತನ ಮುಖ ನಿರ್ವಿಕಾರ ಮತ್ತು ಶಾಂತ. ಎಲ್ಲವೂ ಅಭಿವ್ಯಕ್ತಿಯ ಸುತ್ತಲಿನ ದೊಂದಿಯಾಟದಲ್ಲೇ ಸ್ಪಷ್ಟವಾಗಿ, ಕರಾರುವಕ್ಕಾಗಿ ವ್ಯಕ್ತ. ಸಹನೆಯ ಸಾಕಾರ ಮತ್ತು ಶಾಂತಿಪ್ರಿಯನಾದರೂ ನಮ್ಮ ವಾಸ್ತವದ ಅನ್ಯಾಯಗಳ ಕುರಿತು ಒಳಒಳಗೇ ಉರಿಯುತ್ತಾ ವೇದನೆಯಲ್ಲಿರುವವ. ವೇದನೆಯು ಹೆಚ್ಚಿದಂತೆ ಬರುವ ಕೋಪವನ್ನು ದೊಂದಿಯಾಟದಂತ ಅಭಿಯಾನದಲ್ಲಿ ತರ್ಪಣವಿಟ್ಟು ಘನತೆಯಲ್ಲಿ ನಿರ್ವಹಿಸಿ ಕೈತೊಳೆದುಕೊಳ್ಳುವವ.

ದೊಂದಿಮಾನವ ವಯಕ್ತಿಕವಾಗಿ ಯಾರಿಗೂ ಸಲ್ಲುವನಲ್ಲ, ಆದರೆ ಇಡೀ ಮನುಕುಲಕ್ಕೆ ಸಲ್ಲುವತ್ತ ವಿಶ್ವಮಾನವತೆಯ ತಳಹದಿಯಲ್ಲಿ ಯಾರಿಗೂ ಸಲ್ಲಬಲ್ಲವ. ಸ್ಥಳೀಯ, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ವಿಷಯಗಳಲ್ಲಿ ಗೋಡೆಗಳಿಲ್ಲದೇ ಸಂಕಲನವನ್ನು ತರಬಲ್ಲವ.

ದೊಂದಿಮಾನವನದ್ದು ಮನುಷ್ಯತ್ವ ಮೀರಿದ ಸ್ಥಿತಿ ಮತ್ತು ನಡೆ. ದೈವಿಕತೆ, ಮನುಷ್ಯತ್ವ, ಮಕ್ಕಳಾಟಿಕೆ, ಪುರುಷತ್ವ, ಸ್ತ್ರೀಲಾಲಿತ್ಯ, ಯೋಜಕತ್ವ, ಸಾಮಾಜಿಕ ಕಳಕಳಿ, ನಾಗರಿಕ ಸಮಾಜದ ಜವಾಬ್ದಾರಿ, ಧನಾತ್ಮಕ ವಿಷಯಗಳ ಕುರಿತು ಅಭಿಯಾನ ಮತ್ತು ಆವಿಷ್ಕಾರ, ವಾಸ್ತವ ನೆಲೆ, ಸದಾ ಕನಸಿಗೆ ಕೈಗೂಡುವ ಸಾಧ್ಯತೆಗಳ ಸುತ್ತಲಿನ ಯೋಜನೆ, ಯೋಜನೆಗಳ ಸುತ್ತಲಿನ ಸಹಕಾರ ಮತ್ತು ಸಹಯೋಗ, ದೊಂದಿಯಾಟದಂತಹ ವಿಜಯಗಳ ನಂತರ ಮತ್ತೆ ಚೌಕಿಗೆ ಬಂದು ಇನ್ನೊಂದು ಕನಸಿನ ಕೂಸಿನ ಸುತ್ತ ಮತ್ತೆ ತಲೆಕೆಡಿಸಿಕೊಂಡು ಒದ್ದಾಡುವತ್ತ ಮತ್ತೆ ತಹತಹ!

ದೊಂದಿಮಾನವ, ಇಂದಿನ ಮಾನವ ಮತ್ತು ಮುಂದಿನ ಸುಧಾರಿತ ಮಾನವನ ನಡುವಿನ ವಿಕಾಸದ ಸರಪಳಿಯ ಅತೀ ಮುಖ್ಯ ಕೊಂಡಿ!

"ದೊಂದಿ ಬೆಳಕು" ಎಂಬ ವಾಟ್ಸ್ಯಾಪ್ ಸಮೂಹದಲ್ಲಿ ಈ ದೊಂದಿಮಾನವರು ಸಾಕಷ್ಟು ಕಲೆತಿದ್ದಾರೆ. ಸಾವಿರಗಟ್ಟಲೆ ಇನ್ನಷ್ಟು ಸೇರುವತ್ತ ಈ ಸಮೂಹ ಬೆಳೆಯಲಿಕ್ಕಿದೆ! ದೊಂದಿಮಾನವನ ಗಾಥೆ ಇನ್ನು ಶುರುವಷ್ಟೇ, ಇನ್ನೂ ಮುನ್ನುಡಿಯಲ್ಲಿದೆ! ಮಹಾಕಾವ್ಯವಾಗಿ ಹರಿದು ಮೊಳಗಲಿದೆ!

ಬನ್ನಿ, ದೊಂದಿಮಾನವರಾಗೋಣ! ದೊಂದಿಮಾನವರಾಗುವವರು, ಅಪರಿಮಿತ ದೊಂದಿ ಮಾನವ, ಮಹಾಲಿಂಗ ಭಟ್ಟರನ್ನು ಸಂಪರ್ಕಿಸಿ!



Friday, April 22, 2016

ಪರಶುರಾಮ ಸೃಷ್ಟಿ ಕಥನಗಳ ನಿತ್ಯೋತ್ಸವ - ಭಾಸ್ಕರ ಬಂಗೇರ - ಬಿಲಿಂಡರನ್ನ್ ಕಾಂಬುಕ್ ಬೇಗ್ ಹೊಯ್ಡಿ ಅಕಾ.


ಭಾಸ್ಕರ ಬಂಗೇರ
ಕುಂ ದಾಪ್ರ ಕನ್ನಡ!
ಒಂದು
ತಾಲೂಕು ಹಾಗು ಅದರ
ಸುತ್ತಮುತ್ತಲಿನ ಕೆಲವೇ
ಕಿಲೋಮೀಟರುಗಳಿಗೆ
ಸೀಮಿತವಾದ ಈ
ಆಡುಭಾಷೆಯನ್ನು ಹಲವಾರು
ರೀತಿಯಲ್ಲಿ ಬೆಳೆಸುವ ಹಾಗು
ಮುಂದಿನ ತಲೆಮಾರಿಗಾಗಿ ಜತನದಿಂದ ಕಾಪಿಡುವ ಕಾರ್ಯಗಳು
ಸಾಕಷ್ಟು ನಡೆಯುತ್ತಿವೆ. ತಂತ್ರಜ್ಞಾನ ಬೆಳೆದಂತೆ ಹಾಸ್ಯಲೇಪಿತ
ಮಾತುಗಳು, ಲೇಖನಗಳು, ದೃಶ್ಯಾವಳಿಗಳ ಮೂಲಕ ಕುಂದಾಪ್ರ
ಕನ್ನಡವನ್ನು ಕಡತಡಿಯ ಆಚೆಗೂ ಪರಿಚಯಿಸುವ ಹಾಗು ಬೆಳೆಸುವ
ಪ್ರಯತ್ನಗಳು ಕೂಡ ಯಶ ಕಂಡಿವೆ. ಅದಕ್ಕೆ ಹೊಸ ಸೇರ್ಪಡೆಯಾಗಿ ಕಳೆದ
ವರ್ಷ “ಗರ್ ಗರ್ ಮಂಡ್ಲ” ಎನ್ನುವ ಸಂಪೂರ್ಣ ಕುಂದಾಪ್ರ ಕನ್ನಡದ
ಭಾಷೆಯನ್ನು ಬಳಸಿರುವ ಸಿನೆಮಾ ಬಿಡುಗಡೆಯಾಗಿ ಕರಾವಳಿಯಲ್ಲಿ
ಧೂಳೆಬ್ಬಿಸಿತ್ತು. ಈಗ ಅದೇ ತಂಡ ಬಿಲಿಂಡರ್ ಎನ್ನುವ ಮತ್ತೊಂದು
ಚಿತ್ರದೊಂದಿಗೆ ನಮ್ಮ ಮುಂದೆ ಬಂದಿದೆ. ನಾನು ಕಂಡ ಕುಂದಾಪ್ರ
ಕನ್ನಡ ಸಿನೆಮಾ ಬಿಲಿಂಡರ್ ವಿಮರ್ಶೆಯನ್ನು ಕುಂದಾಪ್ರ ಕನ್ನಡಲ್ಲೇ
ಬರೆದಿದ್ದೇನೆ. ನನ್ನ ಅನಿಸಿಕೆ ಹೀಗಿದೆ..
ಬಲಾ ಆದ್ದ್ ಮಕ್ಕಳ್ ಕಟಕಟ ಬಟಾಣಿ ಜಗದಂಗ್ ಮಾತಾಡು, ಹುಲ್
ಸುಡಿನ್ ಹಡ್ಮಂಚಕ್ ಬೆಚ್ಚಿ ಜೆಪ್ವಂಗ್ ಕೇಡಿಗಳಿಗ್ ಹ್ವಡು, ಅಬ್ಬಿನ್ ನೆನಪ್
ಮಾಡ್ಕ ಒಳಗೊಳಗೆ ಮರ್ಕು ಹೀರೋ, ಶ್ಯಾಮಂತಿ ಹೂಗಿನ್
ರಾಶ್ಯಂಗ್ ಪಿಳಿಪಿಳಿ ಕಣ್ಣ್ ಬಿಡ್ತ ನೆಗಾಡು ಮಲ್ಲಿಗಿ ಮಿಟ್ಟಿ ಕಂಡಂಗ್
ಕಣ್ಣಂಗೇ ಮಿಣ್ಣಕ್ ಚೂಂಪ್ ಬಾಣ ಬಿಟ್ಟ್ ಜೀವ್ ತೇಗು ಹಿರೋಯಿಣಿ,
ಜೀವ್ ನೆರಿದಿದ್ ಮಕ್ಕಳ್ ಸೊಡ್ಡ್ ಕಂಡ್ ಕೂಡ್ಲೇ ಚಿರ್ರೋ ಅಂದ್
ಕೂಗ್ತಾ ಕುಮ್ಚಟ್ ಹಾರುವಂಗ್ ಇಪ್ಪು ಕೇಡಿಗಳ್, ಕೌಳ್ ಚಿಪ್ಪ್ ಹೊಡಿ
ಆಯ್ ದವಡಿ ಮೇಲ್ ದಾಮ್ ಬೀಳ್ವಂಗ್ ನೆಗಾಡ್ಸು ಜೋಕ್, ಆಪ್ರೆಶನ್ ಆದ್ದ್
ಹೊಲಗಿ ಕಟ್ಟನ್ ತೆಗಿದೆ ಇದ್ದರಿಗೂ ಟಕರು ಟಕರು ಟಾವ್ ಟಾವ್ ಅಂದೇಳಿ
ಕೊಣಿಕ್ ಅಂಬಂಗ್ ಆಪು ಪದ್ಯ, ಒಂದೊಂದ್ ಸಲ ಕ್ಯಾಮರ
ಅಲ್ಲಾಡದಂಗು ಓಹ್ ಇದ್ ನಮ್ಮುರೆಯಾ ಅಂದ್ ಸ್ವಾಸ್ ಬಿಡುವಂಗ್
ಆಪು ಚೆಂದದ್ ಶೂಟಿಂಗ್.. ಹ್ವಾಯ್ ಒಂದ್ ಪಿಚ್ಚರಂಗ್ ಇನ್ ಯಂತ
ಕಿಚ್ಚಿಡದ್ ಬೇಕ್ ಮರ್ರೆ? ನೆರ್ಮನಿ ಸಮನೂಟಕ್ಕೊ ಬಯ್ಕಿ ಮದಿಗೋ ನಮ್ಮನಿ
ಬಾಗ್ಲ್ ಹಯ್ಕ ಒಬ್ರನ್ನು ಬಿಡದೆ ಎಲ್ಲ ಹ್ವಾತ್ತಲೇ ಹಾಂಗೆ ಬಿಲಿಂಡರ್
ಪಿಚ್ಚರಿಗೂ ಶಿಶುಮಗಿನಿಂದ ಹಳಿಕೊಯ್ಡಿನ್ವರಿಗೂ ಎಲ್ಲರೂ ಆರಾಮ್ಸೆ
ಕಾಣ್ಲಕ್.
ಟಾಕೀಸಲ್ ಕೂಕಂಡಲ್ಲ್ ಮಳ್ಗಾಲ್ದಂಗ್ ಅಳಿಕಡ್ಲಿಂದ ನೀರೆಲ್ಲ ಕಡ್ಲಿಗ್
ರಪ್ಗುಟ್ಕ ಹ್ವಾಪು ತರ ಬೇಗರ್ ಇಳ್ಕ ಹ್ವಾತಿಪತ್ತಿಗೆ ನಾಕ್ ಹನಿ
ಕಣ್ಣೀರು ಮೂಗ್ ಮತ್ ಕೆನ್ನೆ ಮದ್ಯ ಗುಟ್ಟಗ್ ಜಾರಿ ತ್ವಡಿ ಮೇಲ್ ಬಿದ್ರೆ
ಯಾರಿಗು ಹೇಳುಕ್ ಹೊಯ್ಬೇಡಿ. ಅಬ್ಬಿ ಮಕ್ಕನ್ ಕತಿಗೆ ಕರ್ಗದೆ ಇಪ್ಪು
ಕಲ್ಲ್ ಎದಿ ಯಾರದ್ದಾರು ಇತ್ತಾ ಹೇಳಿ. ಅಪ್ಪ ಅಬ್ಬಿ ಇಲ್ದೆ ಬೆಳ್ದ್ ಮಕ್ಕಳ್
ಕಷ್ಟನ್ ಬಾರಿ ಸೂಕ್ಷ್ಮದಂಗ್ ಹೇಳು ಜ್ವತಿಗೆ ಕಷ್ಟಕ್ ಯಾರಾರು
ಆಯೇ ಆತ್ರ್ ಅಂಬುದನ್ನು ಈ ಪಿಚ್ಚರ್ ಹೇಳತ್ತ್. ಗೂಡಿಂದ್ ಹೆರ್ಗ್ ಬಿದ್ದ್
ಹಕ್ಕಿ ಮರಿ ಎಲ್ಲೆಲ್ಲ ಸುತ್ತಿ ಮತ್ತದೇ ಗುಬ್ಬಿ ಗೂಡಿಗ್ ಹ್ವಾಪು ಕತಿಯೇ
ಬಿಲಿಂಡರ್. ಅದ್ರ್ ಮದ್ಯ ಹಡಿಪಳ್ದಿ ಗಂಡ್ ಮಾಡು ಕೈಕೊಚ್ಚ್,
ಯಾರದ್ದೋ ಸೀಂತ್ರಿ ಕೆಲ್ಸವೆಲ್ಲ ಹೀಂಗ್ ಬಂದ್ ಹಾಂಗ್
ಹ್ವಾತ್ತ್.
ಎದ್ರ್ ಇಪ್ಪು ಮನ್ಸರನ್ ನಂಬದೆ ಯಾರೋ ಬರದ್ದ್ ಜಾತ್ಕ ನಂಬ್ಕಂಡ್,
ಅವ್ರ್ ಹೇಳು ಹುಟ್ಕತಿ ಕೇಂಡ್ ಎಷ್ಟ್ ಮನಿ ಹಾಳಾಯ್ತ್ ಅಂಬುದ್
ಗುತಾಯ್ಕರೆ ನೀವ್ ಬಿಲಿಂಡರ್ ಪಿಚ್ಚರ್ ಕಾಣ್ಕ್. ಈ ಪುರಾತತ್ವ
ಇಲಾಖೆಯರೆಲ್ಲ ಹಳಿ ಕಾಲದ್ ಮೂರ್ತಿ, ಶಂಖ, ಮುತ್ತ್ ಮತ್ತ್
ಇನ್ನೆಂತೆಂತದೋ ಕಿಚ್ಚಿಡದ್ದನ್ನೆಲ್ಲ ಹುಡಕ್ತ ಇಪ್ಪುದ್ ನಮ್ಗ್ ಗುತಿತ್.
ಅದಕ್ಕ್ ಪಾರಿನ್ನಂಗ್ ಕುಯ್ಡ್ ಕಾಸ್ ಜೋರ್ ಸಿಕ್ಕತ್ತ್ ಅಂದೇಳಿ
ಸುಲಬ್ದಂಗ್ ದುಡ್ಡ್ ಮಾಡುಕ್ ಹೊರ್ಟರೆಲ್ಲ ಹೀಂಗಿಂದೆಲ್ಲ ಹುಡಕ್ತ
ಮಂಡಿವಡು ಕೆಲ್ಸ ಮಾಡ್ತ್ರ್. ಅದಕ್ಕೆ ಅಬ್ಬಿ ಮಗನ್ ಕತಿ, ಗಮ್ಮತ್ತಿನ್ ಲವ್,
ಜೋಕ್, ಪದ್ಯವೆಲ್ಲ ಸೇರ್ಸಿ ಚೆಂದದ್ ಚಿತ್ರಕತಿ ಮಾಡಿರ್ ನಮ್ ರವಿ
ಬಸ್ರೂರು. ಕೋಳಿಮರಿನ್ ಹದ್ದ್ ಕಚ್ಕ ಹ್ವಾಪು ಸ್ಪೀಡಂಗೆ ಪರ್ದಿಯಂಗ್
ಸೀನ್ ಅಂಬುದ್ ಓಡ್ತ್ ಇರತ್ತ್. ಕೇಡಿಗಳೆಲ್ಲ ಹಿರೋಯಿಣಿಗ್ ಓಡಸ್ಕ ಬಂದ್
ಹೋಳಿ ಬಣ್ಣ ಹಾಕುದ್ ಒಂದ್ ಸಲ ಬತ್ತ್. ಆರೇ ಇಡಿ ಪಿಚ್ಚರೆ ಕ್ವಾಲೆಜಂಗ್
ಸೀರಿ ದಿನ ಮಾಡದಲ್ ಎಲ್ ಕಂಡ್ರು ಬಣ್ಣ ತೋರುದಿಲ್ಯ ಹಾಂಗೆ
ಬಣ್ಬಣ್ಣ ಆಯಿ ಬಾರಿ ಸಾಪಾಯ್ ಬಂದಿತ್.
ಬಿಲಿಂಡರಿದ್ ಮೇಸ್ತ್ರಿಗಳಾದ ರವಿ ಬಸ್ರುರ್.. ಈ ಜನಿನ್
ಬಗ್ಗೆ ಯಂತ ಅಂದೇಳಿ ಹೇಳುದ್ ಮರ್ರೆ. ಕತಿ, ಚಿತ್ರಕತಿ,
ಪದ್ಯ ಬರದ್ದು ಇವ್ರೆ. ಪದ್ಯಕ್ಕ್ ಪೀಂಪಿರ್ಕಿ, ಡೋಲ್,
ಬೇಂಡಿನ್ ಶಬ್ದ ಕೊಟ್ಟರು ಇವ್ರೆ ಕಾಣಿ. ಹಾಡದ್ದ್,
ಕೊಣದ್ದ್, ಉಯ್ದಾಡ್ಕಂಡದ್ದ್, ಮರ್ಕದ್ದ್ ಎಲ್ಲದು ಇವ್ರೆ
ಮಾಡದ್ದ್ ಹ್ವಾಯ್. ಆರು ಎಲ್ಲದನ್ನು ಬಾರಿ ಲಾಯ್ಕ್
ಮಾಡಿರ್. ಇನ್ ಹಿರೋಯಿಣಿ ಶೀಜಾ ಶೆಟ್ಟಿ ಮೊದಲ್
ಮುಂಚ್ ದೊಡ್ಡ್ ಪರ್ದಿ ಮೇಲ್ ಬಂದ್ರು ನಾಚ್ಕಣದೆ
ನಾಚ್ಕಂಬು ಆಕ್ಟಿಂಗೆಲ್ಲ ಚೆಂದ ಮಾಡಿ ಮಾಡಿರ್. ಕಳ್ಳ್
ಕಣ್ಣಂಗೆ ಕಾಂಬುದ್, ಪುಸಕ್ಕ್ ಅಂದೇಳಿ
ನೆಗಾಡುದೆಲ್ಲ ಅಯ್ಯಬ್ಯಾ ಬಾರಿ ಚೆಂದ ಬಾರಿ
ಚೆಂದ. ಇನ್ ನಮ್ ರಘು ಪಾಂಡೇಶ್ವರ ಮತ್ತ್ ಮಾಧವ
ಕಾರ್ಕಡ ಬಾರಿ ನೆಗಾಡಸ್ತ್ರ್. ರಪ್ಪ ಎದ್ರ್ ಸಿಕ್ರೆ ಸ್ವಾಸ್
ಕಟ್ಟದಂಗ್ ಆಪು ಕೇಡಿಗಳಲ್ ಚಂದ್ರಶೇಖರ್ ಬಸ್ರೂರು,
ವಿಜಯ್ ಬಸ್ರೂರು, ಓಂ ಗುರು ಬಳ್ಕೂರು ನಟ
ಭಯಂಕರರು ಮರ್ರೆ. ಮತ್ತೆ ಲಕ್ಷ್ಮಿ ಅಲೆವೂರು,
ಪ್ರಭಾಕರ್ ಕುಂದರ್, ಕಿರಣ್ ದಾನಪ್ಪನವರ್, ನಟರಾಜ್ ವಿ.
ಎನ್ ಸಹ ತಮ್ಗ್ ಕೊಟ್ಟದ್ದನ್ ಅಚ್ಕಟ್ಟಾಯ್ ಮಾಡಿರ್.
ಎಲ್ಲದರೋಟ್ಟಿಗೆ ಹೇಳ್ಲೇ ಬೇಕಾದ್ದ್ ಸಚಿನ್ ಬಸ್ರೂರ್
ಕ್ಯಾಮರ ಕೆಲ್ಸ. ನಮ್ಮೂರನ್ ಎಷ್ಟ್ ಚೆಂದ ಮಾಡಿ
ತೋರ್ಸಿರಂದ್ರೆ ನಾಕ್ ಜನಿಗ್ ಹ್ವಾ ಕಾಣ್ ನಂಬದಿ
ಹ್ಯಾಂಗ್ ಇತ್ತ್ ಅಂದ್ ಜಾಪ್ ಮಾಡುಕ್ ಆತ್ತ್. ಕೆಲವ್ ಸಲ ಅವ್ರ್
ಕ್ಯಾಮರನ್ ಕಾಕಿ ಬೆನ್ನಿಗ್ ಕಟ್ಟಿ ಶೂಟಿಂಗ್ ಮಾಡ್ಸಿರೋ ಏನೋ
ಅನ್ಸತ್ತ್.
ಪಿಚ್ಚರಂಗ್ ಲಾಯ್ಕ್ ಆಯ್ದೆ ಇಪ್ಪುದ್ ಯಂತದು ಇಲ್ಯ? ಇತ್ತ್ ಮರ್ರೆ.
ನಂಗ್ಯಾಕೋ ಹೊಡ್ಕಂಬುದ್ ಸ್ವಲ್ಪ ಕಮ್ಮಿ ಇದ್ದಿರೆ ಬಿಲಿಂಡರಿಗ್
ಇನ್ನು ಕಳಿ ಕಟ್ತಿದಿತ್ ಅನಸ್ತ್. ಜೋಕೆಲ್ಲ ಬಾರಿ ಲಾಯ್ಕ್ ಬಂದಿತ್ ಆರೇ
ಇನ್ನು ಸ್ವಲ್ಪ ಕತಿ ಒಟ್ಟಿಗೆ ನೆಗಾಡುದನ್ನು ಸಮಾ ಹದ ಮಾಡಿ ಕಲ್ಸಿರೆ
ಒಳ್ಳೆದಿತ್ತೋ ಏನೋ ಅನಸ್ತ್. ಮೂಲ ಅಬ್ಬಿಗ್ ನಾಕ್ ಮಾತ್ ಇದ್ದಿರೆ
ಇನ್ನೆರಡ್ ಹನಿ ಕಣ್ಣೀರ್ ಜಾಸ್ತಿ ಬೀಳ್ತಿತ್ತೋ ಏನೋ ಅಂಬಂಗ್ ಆಯ್ತ್.
ಇದನ್ನೆಲ್ಲ ಬರ್ದು ಒಂದ್ ಮಾತ್ ಹೇಳ್ಕಾತ್ತ್ ಮರ್ರೆ, ದುಡ್ಡ್ ಮಾಡುಕ್
ಮಾಡದ್ ಪಿಚ್ಚರ್ ಅಲ್ಲಾ ಇದ್. ರವಿ ಬಸ್ರೂರಿಗೆ ಪುರಸೋತ್ತೆ ಇಲ್ದಶ್ಟ್
ಬೇರೆ ಕೆಲ್ಸ ಇತ್ತ್. ಆ ಗ್ವಾಯ್ಗುಲ್ಲಂಗು ನಮ್ ಬಾಶಿ ಮೇಲಿನ್
ಗೊಬ್ರದ್ ಹೆಡ್ಗಿ ಪ್ರೀತಿಗ್ ಇದನ್ನೆಲ್ಲ ಮಾಡುದ್ ಅವ್ರ್. ಬಾಷಿ ಬರ್ದರೆಲ್ಲ
ಪಿಚ್ಚರ್ ಮಾಡುವತಿಗ್ ನಮ್ಮುರಿಂದ್ ಇಷ್ಟ್ ಚೆಂದದ್ ಬಾಶಿಯಂಗು ಯಾಕ್
ಪಿಚ್ಚರೆಲ್ಲ ಬಪ್ಪುಕಾಗ ಅಂದೇಳಿ ಎದಿಗ್ ತಕಂಡ್ ಮಾಡದ್ದ್ ಪಿಚ್ಚರಿದ್.
ಕೂಡ್ ಕುಟುಂಬ ಸಮೇತ ಒಂದ್ ಗಳ್ಗಿ ಎಲ್ಲರು ಬಿಲಿಂಡರನ್ನ್ ಕಂಡ್ಕ
ಬನಿ. ಇದ್ ಗೆದ್ರೆ ಇದಕ್ಕಿಂತ ದೊಡ್ಡ್ ಪಿಚ್ಚರೆಲ್ಲ ನಮ್ಗು ನಿಮ್ಗು
ಇನ್ಮುಂದ್ ಕಾಂಬುಕ್ ಸಿಕ್ಕತ್ತ್. ಬಿಲಿಂಡರನ್ನ್ ಕಾಂಬುಕ್ ಬೇಗ್
ಹೊಯ್ಡಿ ಅಕಾ.

Monday, April 18, 2016

ಪರಶುರಾಮ ಸೃಷ್ಟಿ ಕಥನಗಳ ನಿತ್ಯೋತ್ಸವ - ಸುರೇ೦೧೧ - ಸದೀ ಮಾಸ್ತ್ರು ಒಂದು ಕಿರು ಕಥೆ

ಸದೀ ಮಾಸ್ತ್ರು ಒಂದು ಕಿರು ಕಥೆ
ಸುರೇ೦೧೧
ಪರಶುರಾಮ ಕಿರು ಕಥನಗಳ ಭಾಗವಾಗಿ
ಸದೀ ಮಾಸ್ತ್ರು ಒಂದು ಕಿರು ಕಥೆ
(ನನ್ನ ಧ್ವನಿ ಹಾಗೂ ಧಾಟಿಯಲ್ಲಿ, ಮತ್ತು ಸ್ಟೈಲಿನಲ್ಲಿ)

(Author)


ಇದುವರೆಗೆ ನೀವೆಲ್ಲಾ ಸದೀ ಮಾಸ್ತ್ರು ಭಾಗ-೧, ಭಾಗ-೨, ಭಾಗ-೩ಗಳನ್ನ ಶ್ರೀಯುತರಾದ ಮಂಟಪ ನಟರಾಜ ಉಪಾಧ್ಯರು ಬರೆದದ್ದನ್ನ ಓದಿದಿರಿ . ಅವರು ಕುಂದಾಪುರ ಭಾಷೆಯಲ್ಲಿ ಬಹಳ ಅಂದರೆ ಅತೀ ಉತ್ತಮವಾಗಿಯೇ ಬರೆದಿರುವುದರಲ್ಲಿ ಸಂದೇಹವೇ ಇಲ್ಲ. ಬರಡು ಬಂಜರ ಭೂಮಿಯಲ್ಲಿ ನೀರಿನ ಸೆಲೆಯನ್ನ ಕಂಡಂತೆ, ಅದನ್ನ ಓದಿದ ಪ್ರತೀಯೊಬ್ಬರಿಗೂ ಅನ್ನಿಸುತ್ತೆ. ಈ ಪ್ರಶಂಷೆ ಅತಿಷಯೋಕ್ತಿ ಅನ್ನಿಸದು ಅಂತ ನನ್ನ ಭಾವನೆ. ಯಾವುದೇ ಒಬ್ಬ ವ್ಯಕ್ತಿಯ ವೈಯುಕ್ತಿಕ ಜೀವನದ ರೀತಿ, ನೀತಿಯನ್ನ ಬೇರವರಿಗೆ ರುಚಿ ಹತ್ತುವ ಹಾಗೆ ಬರೆಯುವುದು, ಅದೊಂದು ಉತ್ತಮವಾದ ಕಲೆ ಎಂದು ನಾನು ಭಾವಿಸುತ್ತೇನೆ. ಅದನ್ನ ಅಕ್ಷರ ಸಹ, ಶ್ರೀಯುತರಾದ, ಮಂಟಪ ಚಂದ್ರಶೇಖರ ಉಪಾಧ್ಯರ ನಾಲ್ಕನೇ ಪುತ್ರರಾದ ಶ್ರೀ ನಟರಾಜ ಉಪಾಧ್ಯರು ಬರೆದು ತೋರಿಸಿದರು. ಅದಕ್ಕಾಗಿ ನಾನು ಎಸ್ಟು ಧನ್ಯವಾದಗಳನ್ನ ಹೇಳಿದರೂ ಅದು ಕಮ್ಮಿಯೇ. ಇರಲಿ. ಆದರೆ, ಅವರು ಬರೆದದ್ದು ನನಗೆ ಪ್ರಚೋದನೆ ಸಿಕ್ಕಿದ ಹಾಗಾಯಿತು. ಅವರೇನೋ "ಕುಂದಾಪ್ರ ಭಾಷೆಯೇ ಸರಿ ಬರ್ದ, ಕನ್ನಡ ಬರುಕೇ ಬರ್ದ, ಈ ಬಿಕ್ನಾಶಿ ಬೇವರ್ಸಿ ಇಸ್ಟ್  ಕುಂದಗನ್ನಡದಲ್ಲಿ ಬರೀ ಬೇಕೆಂದರೆ, ಇನ್ನು ಬೇರವರು, ಅವರುಗಳ ವಿಷಯವನ್ನ ಚೆನ್ನಾಗಿ ತಿಳಿದವರು ಯಾಕೆ ಬರೆಯಲು ಮುಂದೆ ಬರಬಾರದೆಂದು ತಮ್ಮನ್ನ ತಾವೇ ಬೈದ ಹಾಗೆ, ಬೇರವರಿಗೆ ಬರೆಯಲು ಪ್ರೋತ್ಸಾಹ ಕೊಡುವಂತೆ ಪ್ರಚೋದನೆ ಸಿಗಲೀ ಎಂಬರ್ಥದಲ್ಲಿ ಆ ಶಬ್ದಗಳ ಬಳಕೆಯನ್ನ ಮಾಡಿದ್ದು ಅವರ ಬುಧ್ಧಿವಂತಿಕೆ, ಶ್ರೀಮಂತಿಕೆ ಹಾಗೂ ಸರಳವಂತಿಕೆಯ ಮನೋಭಾವವಗಳನ್ನ ತೋರಿಸುತ್ತೆ. ಅದು ಏನೇ ಇರಲಿ, ನಾನಂತೂ ಅವರು ಬರೆದದ್ದರಿಂದ, ಅದೂ ನಮ್ಮ ಅಪ್ಪಯ್ಯನ ಬಗ್ಗೆ ಇಸ್ಟೊಂದು ಚೆನ್ನಾಗಿ ಬರೆದಿದ್ದಾರಲ್ಲಾ ಎಂದು  ನಾನು ಕೂಡಾ ಅವರು ಹಾರಿದಂತಹ ನಮ್ಮೂರ ಅರಬ್ಬೀ ಸಮುದ್ರಕ್ಕೆ ಎದೆಗುಂದದೆ, ಎದೆಯನ್ನ ಮುಂದೆ ಮಾಡಿ ಹಾರಿದೆ. ಎಸ್ಟೊಂದರೂ ನಮ್ಮ ನೆರೆಮನೆಯವನಲ್ಲವೇ? ಹಾಗೆ ಸಮುದ್ರಕ್ಕೆ ಹಾರಿದವನು, ಈಗ ಈಜಾಡುತ್ತಿರುವೆ. ಮಧ್ಯ, ಮಧ್ಯದಲ್ಲಿ ಮುಳುಗುತ್ತಲೂ ಇರುವೆ ಎನ್ನುವ ಭಾಸವೂ ಆಗುತ್ತಿರುತ್ತದೆ. ಅದೇನೇ ಇರಲಿ, ಶ್ರೀಯುತ ನಟರಾಜ ಉಪಾಧ್ಯರಿಗೆ ತಿಳಿಯದ ಕೆಲವೊಂದು ವಿಚಾರಗಳನ್ನ ತಮ್ಮ ಮುಂದೆ ಪ್ರಸ್ತುತ ಪಡಿಸಲು ನಾನೀಗ ಹೊರಟಿದ್ದೇನೆ. ಇದಕ್ಕೆಲ್ಲಾ ನಿಮ್ಮಗಳ ಜಟಿಲ ಪ್ರೋತ್ಸಾಹ ಸಿಗುತ್ತೇ ಅನ್ನುವ ಅಟಲ ವಿಶ್ವಾಸ ಹಾಗೂ ಧೈರ್ಯವೂ ಇದೆ ಅನ್ನಿ! ಒಬ್ಬ ವ್ಯಕ್ತಿಯ ವೈಯುಕ್ತಿಕ ವಿಚಾರಕ್ಕೆ ಕಥೆಯ ರೂಪವನ್ನ ಕೊಡುವುದು ಬಹಳ ಕಸ್ಟ. ಈ ನಿಟ್ಟಿನಲ್ಲಿ ಶ್ರೀಯುತರಾದ ನಟರಾಜ ಉಪಾಧ್ಯರು ಮಾಡಿದ ಸಾಹಸಕ್ಕೆ, ನನ್ನ ಅನಂತಾನಂತ ವಂದನೆಗಳು. ಅವರು ಹೀಗೆಯೇ ಬರೆದು ಒಂದು ಪುಸ್ತಕವನ್ನೇ ತರಲಿ ಹಾಗೂ ಆಪುಸ್ತಕಕ್ಕೆ ಮತ್ತು ಅವರು ಬರೆದ ಪರಿಶ್ರಮಕ್ಕೆ ತಕ್ಕುದಾದ ಫಲ ಆ ದೇವರು ನೀಡಲೀ ಅಂತ ನಾನು ಆದೇವರನ್ನ ಹಾಗೂ ಇಸ್ಟದೇವತೆಯನ್ನ ಪ್ರಾರ್ಥಿಸುತ್ತೇನೇ ವಿನಹ, ಮತ್ತೇನೂ ನಾನು ಮಾಡಲು ಸಾಧ್ಯವಿಲ್ಲ.

ಈಗ ನೀವುಗಳು ಪಾರಂಪಳ್ಳೀ ಸುಬ್ರಾಯ ಉಪಾಧ್ಯರು ಎನ್ನುವ ಹೆಸರು ಅಳಿಸೆ, ಮುಂದೆ ಪರಿವರ್ತಿತಗೊಂಡಂತಹ  “ಸದೀಮಾಸ್ತ” ರ ಬಗ್ಗೆ ಇನ್ನು ಹೆಚ್ಚು, ಹೆಚ್ಚಿನ ವಿವರಗಳನ್ನ ನನ್ನಿಂದ ನೀವುಗಳು ಈ ಕಥೆಯ ಮೂಲಕ ನೋಡಲಿಕ್ಕಿರುವಿರಿ. ಶ್ರೀಯುತರಾದ ಸುಬ್ರಾಯ ಉಪಾಧ್ಯರು ಹೇಗೆ ಸದಿಯ ಮಾಸ್ತರು ಆದರು ಎಂಬುದು ಹೆಚ್ಚಿನವರಿಗೆ ತಿಳಿದಿರಲಿಕ್ಕಿಲ್ಲ. ಇದಕ್ಕೆ ಮೊತ್ತ ಮೊದಲ ಕಾರಣ ಮಾಸ್ಟ್ರು ಕೃಷ್ಣ ಉಪಾಧ್ಯರ ಉದಾರ ಮನೋಭಾವನೆ. ಇಲ್ಲಾಂದ್ರೆ, ಹೋಟೆಲ್ಲಿಗೆ ಹೋಗಿ, ಮಾಣಿಯಂತೆ ಕೆಲಸವನ್ನ ಮಾಡುತ್ತಿದ್ದಂತಹ  ಈ “ಸದಿಯನನ್ನ”, ನಮ್ಮ ಅಜ್ಜ ಹೇಳಿದಮೇರೆಗೆ ಬೆಂಗಳೂರಿನಿಂದ ,ಎಂಕ್ಟೈಯ್ಯನ ಮನೆ ಕೃಷ್ಣ ಉಪಾಧ್ಯರು ಊರಿಗೆ ಕರೆತಂದಿರಬೇಕಾದರೆ ಅದು ಎಸ್ಟು ಕಸ್ಟ ಅಂತ ನಮಗೆ ಗ್ಒತ್ತು. ಕಾರಣ ಹೋಟೇಲಿನಲ್ಲಿ ಉಣ್ಲಿಕ್ಕೆ, ಜಿಲೇಬಿ (ನಮ್ಮ ತಂದೆಯ ಅತೀ ಇಸ್ಟವಾದ ಸಿಹಿ ತಿಂಡಿ. ಹಾಗೆ ನೋಡಿದರೆ ಅವರಿಗೆ ಸಿಹಿಗಳೇ ಜಾಸ್ತಿ ಇಸ್ಟ. ಪಾಯಸವನ್ನು ಮಾಡಿದರೂ ಸಾಮಾನ್ಯವಾಗಿ ಮಿಶ್ರಣ ಮಾಡುವ ಬೆಲ್ಲ ಸಾಕಾಗದೇ ಇನ್ನಸ್ಟು ಮುದ್ದೆ ಬೆಲ್ಲ ಅವರೆದುರು ಹಾಕಲೇ ಬೇಖು. ಇಲ್ಲಾಂದ್ರೇ, ಅವರ ಬಟ್ಟಲಿಗೆ ಹಾಕಲೇ ಬೇಕು.) ಪುಕ್ಕಟೆಯಾಗಿ ಹೊಡೆಯಲಿಕ್ಕೆ ಯಾವ ಅಡ್ಡೀ ಆತಂಕಗಳೂ ಇಲ್ಲ. ಅಂತಹವರನ್ನ ನಮ್ಮ ವರಟು, ಹಟಮಾರಿತನದ ಅಜ್ಜೈಯ್ಯ, ಅವರನ್ನ ಬೆಂಗಳೂರಿಗೆ ಅಟ್ಟಿ, ಕರೆಸಿ, ಗುಡ್ಡೀ ಶಾಲೆಯಲ್ಲಿ (ಇದೊಂದು ಪ್ರೈವೇಟ್ ಶಾಲೆ. ಪಾಪ ಈಗ ಮಕ್ಕಳಿಗಾಗಿ ಈ ಶಾಲೆಯ ಮುಕ್ತೇಷರಾದ ಶ್ರೀಯುತ ಸುಬ್ರಹ್ಮಣ್ಯ ಉಪಾಧ್ಯರು, ಮಾಸ್ಟ್ರ (ಕೃಷ್ಣ ಉಪಾಧ್ಯರು-ಈಗ ಅವರು ಇಲ್ಲ ಅನ್ನಿ.) ಹಿರೇ ಮಗ ಹಾಗೂ ರಿಟಾಯರ್ಡ್ ಪ್ರಾಂಶುಪಾಲ , ಕೋಟ ಜೂನಿಯರ್ ಕಾಲೇಜ್, ಅವರು ಈಗ ಒದ್ದಾಡುವುದನ್ನ ನೋಡಿದರೆ ನನಗೇ ಅಯ್ಯೋ ಪಾಪ ಅನ್ನಿಸುತ್ತೆ. ೩೦೦ ಮಕ್ಕಳಿಂದ, ೭ ಜನ ಅಧ್ಯಾಪಾಕರಿಂದ ತುಂಬಿ ತುಳುಕುತ್ತಿರುವ ಶಾಲೆಯಲ್ಲೀಗ ಬರೇ ೪೦-೫೦ ಮಕ್ಕಳು, ಒಬ್ಬ ಟೀಚರ್! ಅವರ ಸಂಬಳಕ್ಕೂ ಊರವರೊಡನೆ ವಂತಿಕೆ ಹಾಕಬೇಕು.! ಕೆಲಸವನ್ನ ಕೊಟ್ಟಿರುವುದು ಅವರ ದೊಡ್ಡತನವನ್ನ ಸೂಚಿಸುತ್ತೆ. ಅಂತೆಯೇ ನಮ್ಮ ಅಪ್ಪನೂ ಕೂಡ ಈ ಪಡೆದಂತಹ ದೇಣಿಗೆಯನ್ನ ಬಡ್ಡೀ ಸಮೇತವಾಗಿ, ಅವರ ಸಂಸಾರದವರಿಗೆ ಚುಕ್ತ ಮಾಡಿರುತ್ತಾರೆ ಎಂಬುದು ನನಗೆ ಅಥವಾ ನಮಗೆ ಒಂದು ಹೆಮ್ಮೆಯ ವಿಷಯವೇ ಸರಿ. ಹೇಗೆಂದರೆ ಏನು? ಅಂತ ನೀವುಗಳು ಕೇಳಬಹುದು. ಅದು ಹೀಗೆ. ಮಾಸ್ಟ್ರು ಮನೆಯಲ್ಲಿ ನಡೆಯುವಂತಹ ಯಾವುದೇ ಮದುವೆ, ಉಪನಯನ , ವಡ್ಡಂತಿ ಉತ್ಸವ ಹೀಗೇ ಯಾವುದೇ ಸಮಾರಂಭಗಳನ್ನ ನಮ್ಮ ಅಪ್ಪಯ್ಯ ಚಾಚೂ ತಪ್ಪದೆ ಹೋಗಿ ಅದನ್ನ ಒಳ್ಳೇ ರೀತಿಯಲ್ಲಿ ನೆರವೇರುವಂತೆ ನಿಗ್ರಹಿಸುತ್ತಿದ್ದರು. ಮಾಸ್ಟ್ರು ಸತ್ತ ಮೇಲೂ, ಶ್ರೀಯುತ ರಂಗಯ್ಯ ನಾವಡರು ಆ ಹೊರೆಯನ್ನ ತೆಗೆದುಕೊಳ್ಳುವವರೆಗೂ ನಮ್ಮ ಅಪ್ಪಯ್ಯನದ್ದೇ ಘುರಿಕಾರತ್ವ ಎಂದರೆ ತಪ್ಪಾಗದು.(ಇಲ್ಲಿ ಅಪ್ಪೈಯ್ಯನ ಯಾನಾರ ತೊಟ್ಟಂಬೀ ಘುರಿಕಾರ ಪೋಂಕೇ ಅನ್ನುವ ಪದ ನನಗೆ ಜ್ನಾಪಕಕ್ಕೆ ಬರುತ್ತೇ ನೋಡಿ!.) ಅಸ್ಟೊಂದು ಶ್ರಧ್ಧೆ ಹಾಗೂ ಅವರ ಮೇಲಿಟ್ಟ ಅಚಲವಾದ ಭಕ್ತಿ! ಆದರೆ ಇದು ನಮ್ಮ ಅಪ್ಪೈಯ್ಯನದ್ದು ಸ್ವಲ್ಪ ಜಾಸ್ತಿಯೇ ಆಯ್ತೋ ಅಂತ ಅನ್ನಿಸುತ್ತೇ ನನಗೆ. ಕಾರಣ ನಾನ್ ತಾನೇ ಹೆಚ್ಚಿಗೆ ಅವರ ಜೊತೆಯಲ್ಲಿ ಊರಲ್ಲಿ ಇದ್ದವ!  ನಮ್ಮ ಅಪ್ಪಯ್ಯ ಮಾತ್ರ ಶಾಲೆಯಲ್ಲಿ ಒಳ್ಳೇ ಶ್ರದ್ಧೆಯಿಂದ, ಪೂರ್ತಿ ತಮ್ಮ ಶಕ್ತಿಯನ್ನ ಹಾಕಿ ಕೆಲಸ ಮಾಡಿ ಹೆಸರನ್ನ ತರಿಸಿಕೊಟ್ಟರಲ್ಲದೆ, ಅತೀ ಹೆಚ್ಚು ಮಕ್ಕಳು ಆ ಬ್ಯಾಳಿ ಗುಡ್ಡಿ ಶಾಲೆಗೆ ಬರುವ  ಹಾಗೆ ಮಾಡಿದ್ದು ಇನ್ನೊಂದು ರೀತಿಯಲ್ಲಿ ಮಾಸ್ಟ್ರು ಕೃಷ್ಣ ಉಪಾಧ್ಯರ ಕುಟುಂಬಕ್ಕೆ ಇವರಿಂದ ಒಳ್ಳೇ ಕಪ್ಪ ಸಂದಾಯವೇ ಸರಿ!. ಏನೇ ಇರಲಿ, ಈ ಸದಿಯ (ಆಂಗ್ರೇಜಿಯಲ್ಲಿ ನಿಕ್ ನೇಮ್ ಅನ್ತಾರಲ್ಲಾ ಹಾಗೆ ಇವರಿಗೂ ಪ್ರೀತಿಯಿಂದ ಈ ಹೆಸರಿನಿಂದ ಕರೆಯುತ್ತಿದ್ದದ್ದು) ಎನ್ನುವ ಹೆಸರು ಹೋಗಿ ಕ್ರಮೇಣ ಪ್ರಸಿಧ್ಧವಾದ, ಗೌರವಿತರಾದ “ಸದಿಯ ಮಾಸ್ತರ್” ಆದರು! ಅದೂ ಈ ಹಳ್ಳಿಯಲ್ಲಿ! ಹಾಗೂ ಬ್ಯಾಳಿ ಗುಡ್ಡಿಯಲ್ಲಿ!  ಈಗ ಇವರ ಬಾಲ್ಯದ ಕಥೆಗೆ ಬರೋಣ.

ಸದಿಯ ಹಾಗೂ ಒಬ್ಬರೇ ಅಕ್ಕನಾದ ಭೀಮಕ್ಕ ಅಥವಾ ಭೀಮಜ್ಜಿ(ನಮಗೆಲ್ಲಅಂದರೇ ಇಡೀ ಊರವರಿಗೆ ಕೂಡಾ!) ಓಟ್ಟೊಟಿಗೆ ಬೆಳೆದವರು. ಈ ಭೀಮಕ್ಕನ ಮೇಲೆ ಎಲ್ಲಿಲ್ಲದ ಪ್ರೀತಿ ಈ ಸದಿಯನಿಗೆ (ಕ್ಷಮಿಸಿ ಮಗನಾಗಿ ಇಲ್ಲಿ ಏಕವಚನದಲ್ಲಿಯೇ ಬರೆಯುತ್ತಿರುವೆನು. ತಪ್ಪು ತಿಳಿಯದಿರಿ) ಈ  ಭೀಮಕ್ಕನ ಪುರಾಣ ಬೆಳಿಗ್ಗೆ ೪ ಗಂಟೆಗೆ ತನ್ನ ತಮ್ಮನ ಹತ್ತಿರ ಶುರುವಾಯಿತೆಂದರೆ ಅದು ಕೊನೆಗಾಗುವುದು ಬೆಳಿಗ್ಗೆ ೬ ಗಂಟೆಗೇ. ಅದೂ ನಮ್ಮ ಅಮ್ಮ ವಾಗಮ್ಮ ಬಯ್ಯುವರೆಗೆ ಆ ಪುರಾಣ ಈ ಸದಿಯನ ಹತ್ತಿರ ನಡೆಯುತ್ತಾ ಇರುತಿತ್ತು. ಆ ಪುರಾಣದಲ್ಲಿ ಹೆಚ್ಚಿನದ್ದು ಭೀಮಕ್ಕನ ಮಗ ಸೋಮಯ್ಯ ಮೈಯ್ಯರ ಮತ್ತು ಅವರ ಹೆಂಡತಿ ಗಂಗಮ್ಮನದ್ದೇ ಜಾಸ್ತಿ ಇರುತಿತ್ತು. ಭೀಮಕ್ಕನು ಬಹು ಬೇಗ ಮುಂಡಿಯಾಗಿದ್ದಳು. ಆದರೆ ನಮ್ಮ ಅಜ್ಜಯ್ಯನಿಗೆ ಅವರೊಬ್ಬರು ಮಗನಿಗಿಂತಲೂ ಹೆಚ್ಚಿಗೆ!  ಭೀಮಜ್ಜಿ ಹೇಳಿದ್ದು ಪರಮಜ್ಜನಿಗೆ ವೇದ ವಾಕ್ಯ. ಜಾಸ್ತಿ ಯಾಕೆ, ಪಾರಂಪಳ್ಳಿ, ಪಡುಕೆರೆಯಲ್ಲಿರುವ ,ನಮ್ಮ ಮೂಲ ಮನೆಯ ಇಡೀ ಅಡುಗೆ ಮನೆಯನ್ನ ಕಟ್ಟಿದವರೇ ಭೀಮಜ್ಜಿ. ಅದೂ ಅವರ ಸ್ವಂತ ಖರ್ಚಿನಲ್ಲಿ! ಇವರ ಗಂಡ ಆ ಕಾಲದಲ್ಲಿ ಸರ್ವೇಯರ್ ಆಗಿದ್ದರಂತೆ. ನೂರು ಚಿನ್ನದ ನಾಣ್ಯಗಳನ್ನೂ ಕಲೆ ಹಾಕಿದ್ದರೆಂದು ನಮ್ಮ ಅಪ್ಪನ ವರದಿ! ಅದು ಸುಳ್ಳಾಗಿರಲಿಲ್ಲ ಅನ್ನಿ. ಈ ಸಂಗ್ರಹಿಸಿದಂತಹ ನಾಣ್ಯಗಳು , ಮನೆಯನ್ನ ಅಳಿದು ಕಟ್ಟುವಾಗ, ಮನೆಯ ಹಳೆಯ ಗೋಡೆಯೊಳಗೆ ಸಿಕ್ಕಿತು ಅಂತ ನಮಗ್ ಸಿಕ್ಕಿದ ವರದಿಯಲ್ಲುಂಟೂ ಅನ್ನಿ! ಆ ನಾಣ್ಯಗಳಲ್ಲಿ, ನಮ್ಮ ಅಪ್ಪೈಯ್ಯ ೪ ನಾಣ್ಯಗಳನ್ನ ದುಡ್ಡು ಕೊಟ್ಟು ಕೊಂಡಿದ್ದರು. ಮತ್ತೆ ೨೫ ನಾಣ್ಯಗಳು ಸೋಮೈಯ್ಯ ಮೈಯ್ಯರ , ಅಂದರೆ ಭೀಮಜ್ಜಿಯ ಏಕ ಮಾತ್ರ ಪುತ್ರರ ಮಗಳ ಮದುವೆಗೆ ಸೊಂಟದ ಪಟ್ಟಿಯಿಂದ ಹಿಡಿದು, ಒಡವೆಗಳವರೆಗೆ ಖರ್ಚನ್ನ ಮಾಡಿದರಂತೆ!. ಮತ್ತುಳಿದ ನಾಣ್ಯಗಳ ಕಥೆ ಏನಾಯಿತೋ ಅಂತಾ ಈಗ ಕೇಳಿದರೆ ಅವರ ಯಾರೊಬ್ಬಮಕ್ಕಳಿಗೂ ಗೊತ್ತಿಲ್ಲವಂತೇ! ಬಿಡಿ ನಮಗೇಕೇ? ಬೇರವರ ಮನೆ ವಿಚಾರ? ಭೀಮಜ್ಜಿ ಗಂಡ ಸತ್ತ ಮೇಲೆ, ನಮ್ಮ ಪಡುಕೆರೆಯಲ್ಲಿರುವ ಅನಾದಿ ಮನೆಯಲ್ಲಿಯೇ, ಮನೆಕೆಲಸದಿಂದ ಹಿಡಿದು, ಗದ್ದೆ ಕೆಲಸದವರೆಗೆ ಹಾಗೂ ಸಮುದ್ರಕ್ಕೆ ಜಿಗಿದು ಬಳಿದುಕೊಂಡು ಬರುವಂತಹ ಸಾಮಾನುಗಳನ್ನ ಹಿಡಿದು ತರುವವರೆಗೆ ನಮ್ಮಜ್ಜ ಪರಮಜ್ಜನಿಗೆ ಊರುಗೋಲಾಗಿದ್ದರಂತೆ! ನಮ್ಮ ಊರಿನಲ್ಲಿರುವ ಹಳೇ ಮನೆಯಲ್ಲಿರುವ ಅಡುಗೇ ಮನೆಯನ್ನ ಕಟ್ಟಿಸಲೂ ಭೀಮಜ್ಜಿಯೇ ಕಾರಣೀಭೂತಳಂತೆ. ಹೆಚ್ಚೇಕೆ? ಅದು ಅವಳದ್ದೇ ದುಡ್ಡಂತೆ. ಪರಮಜ್ಜನ ಹಳೇ ಮನೆಯ ಮೇಲಿನ ಉಪ್ಪರಿಗೆಯವರೆಗೆ ಒಂದು ಕೊಗ್ಳ ಕಂಬವನ್ನ ಹಾಕಿರುವುದು ನೀವೆಲ್ಲಾ ಇವತ್ತಿಗೂ ನಮ್ಮ ಊರಿಗೆ ಹೋದಲ್ಲಿ ನೋಡಬಹುದು. ಏನೇ ಇರಲಿ, ಪರಮಜ್ಜ ಕಟ್ಟಿದಂತಹ ಮಣ್ಣಿನ ಮನೆಯ ವಿಚಾರವನ್ನ ಮಾತನಾಡಿದಾವಾಗ, ಇಲ್ಲಿ ಬಂತು ನೋಡಿ ನಮ್ಮ ಪರಮಜ್ಜನ ವಿಚಾರ. ಸದಿಯ ಮಾಸ್ತರ ಬಗ್ಗೆ ಹೇಳಬೇಕೆಂದರೆ, ಅವರ ಅಪ್ಪ, ಅಂದರೆ ನಮ್ಮ ಅಜ್ಜ, ಪರಮಜ್ಜನ ಬಗ್ಗೆ ಹೇಳಲೇ ಬೇಕು.

ಇವರ ಹೆಸರು ಪರಮೇಷ್ವರ ಉಪಾಧ್ಯರು. ಇವರು ಬಹಳ ಕಟ್ಟು ನಿಟ್ಟಿನ, ಸಿಟ್ಟಿನ ಮನುಷ್ಯರು ಹಾಗೂ ಬಹಳ ಕಸ್ಟವಾನಿಗಳು. ಪೂಜೆ ಪುನಸ್ಕಾರದಲ್ಲಿ ಎತ್ತಿದ ಕೈ. ಗ್ರಾಮದ ದೇವತೆಯಾದ ಇಸ್ಟದೇವತೆಗೆ ೧೦೮ ಗಾಯತ್ರೀ ಮಂತ್ರವನ್ನ ಹೇಳಿ ಒಂದು ಚಂಬು ನೀರನ್ನ ಪ್ರತೀ ದಿನವೂ ಹಾಕುವುದೆಂದರೆ, ನಮ್ಮ ಅಜ್ಜ ಪರಮಜ್ಜ ಮಾತ್ರ! ಆ ಪಾರಂಪಳ್ಳೀ , ಪಡುಕೆರೆಯಲ್ಲಿ!. ಆದರೆ ಒಂದೊಮ್ಮೆ, ಗ್ರಾಮ ಪಟೇಲರು, ಕೇರಳದ ಮಲೆಯಾಳೀ ಮಂತ್ರವಾದಿಯನ್ನ ಕರೆದು ಇಸ್ಟದೇವತೆಯ ಬಗ್ಗೆ ಪ್ರಶ್ನೆಯನ್ನ ಕೇಳಿದಾವಾಗ, ಆ ಮಂತ್ರವಾದಿ, ಹೀಗೆ ಹೇಳಿದ:-
" ನಿಮ್ಮಲ್ಲಿ ಯಾರೋ ಒಬ್ಬರು ದೇವರಿಗೆ ಗಾಯತ್ರೀ ಮಂತ್ರವನ್ನ ಹೇಳಿ, ನೀರನ್ನ ಹಾಕುವುದರಿಂದ, ದೇವರ ಕಳೆ ದಿನದಿಂದ ದಿನಕ್ಕೆ ಕಳೆಗುಂದುತ್ತಿದೆ" ಅಂದನಂತೆ.!"
ಅದು ಯಾರೂ ಎಂದು ಪಟೇಲರು ಯೋಚಿಸಿದಾವಾಗ, ಇದು ಪರಮಜ್ಜನ ಕೆಲಸ ಅಂತ ಗೊತ್ತಾಯುತು. ಒಂದು ದಿನ ಅವರು ಪೂಜೆಯಲ್ಲಿ ಕುಳಿತ್ತಿದ್ದಾವಾಗ, ಪಟೇಲರು ತಮ್ಮ ಇಬ್ಬರು ಆಪ್ತರಿಗೆ "ಅವನ ರೆಟ್ಟೆಯನ್ನ ಹಿಡಿದು ಆಚೆ ದಬ್ಬಿರೋ" ಅಂದರಂತೆ.
ಮುಂದೊಂದು ದಿನ ಇದೇ ರೀತಿ ಶ್ರಿಯುತರಾದ ಕಾಫಿಪುಡಿ ನಾರಾಯಣ ಉಪಾಧ್ಯರು ದಕ್ಕೆ ಬಲಿಯಲ್ಲಿ, ಪಟೇಲರನ್ನ ಎರಡೂ ಕೈಯಿಂದ ಹಿಡಿದು ದೇವಸ್ತಾನಕ್ಕೆ ಕರೆದೊಯ್ದಿದ್ದರು. ಇದು ಏಕೆಂದರೆ ಅವರು ನಾನು ಬರುವುದಿಲ್ಲ ಎಂದು ಹಠ ಮಾಡಿದ್ದಕ್ಕೆ. ಅವರು ಬಾರದೆ ಇಸ್ಟ ದೇವತೆಗೆ ಮಂಗಳಾರತಿ ಆಗುತ್ತಿಲ್ಲ. ಇರಲಿ ಈ ಕಥೆ ಬೇಡ ಈಗ. ಕಾರಣ ಇದನ್ನ ನಾನು ಆವಾಗಲೇ ನಿಮಗೆ ಈ ಬಗ್ಗೆ ಹೇಳಿರುತ್ತೇನೆ. ಪಟೇಲರು ಹೀಗೆ ಹೇಳಿದ್ದೇ ತಡ, ಆ ವ್ಯಕ್ತಿಗಳು ನಮ್ಮ ಅಜ್ಜ ಪೂಜೆಯನ್ನ ಮಾಡುತ್ತಿದ್ದವರ ರೆಟ್ಟೆಯನ್ನ ಹಿಡಿದು ಹೊರಗೆ ಎಳೆದು ಹಾಕಿದರು. ಇದನ್ನ ಸಹಿಸದ ನಮ್ಮ ಅಜ್ಜ, ಪರಮಜ್ಜ, ತಂಬಿಗೆ ನೀರನ್ನ ಮರಳಿನ ಮೇಲೆ ಸಂಪೂರ್ಣ ಸುರಿದು, ನೀವು ಹಾಳಾಗಿ ಹೋಗಿ ಅಂತ ಶಾಪ ಕೊಟ್ಟರಂತೆ. ಆ ಉರಿ ಬಿಸಿಲಿನಲ್ಲಿ, ಅದೂ ಮಟ ಮಟ ಮಧ್ಯಾಹ್ನದಲ್ಲಿ, ಸುಡುತ್ತಿರುವ ಹೊಯಿಗೆಯಲ್ಲಿ, ಸಿಟ್ಟಿನಲ್ಲಿ ಬೇಗನೆ ಒಂದು ಬಿಳಿ ಬೆಣಚು ಕಲ್ಲನ್ನೊಂದು ಹಿಡಿದು, ಮನೆಗೆ ಬಂದು, ಸದಿಯನಿಗೆ, ಹೇಳಿದರು:-ಇನ್ನು ಮುಂದೆ ಇದೇ ಇಸ್ಟದೇವತೆ ಎಂದು ಮನೆಯಲ್ಲಿಯೇ ದೇವರ ಗೂಡಿನಲ್ಲಿಟ್ಟು ಪೂಜೆಯನ್ನ ಮಾಡಿ. ಅದಕ್ಕಾಗಿ ನೀವುಗಳು ದೇವರ ಗುಡಿಗೆ ಹೋಗುವ ಅಗತ್ಯವಿಲ್ಲ ಅಂದರು. ಮರುದಿನದಿಂದ, ನಮ್ಮ ಅಜ್ಜೈಯ್ಯನು, ಆ ಕಲ್ಲನ್ನೇ ಇಸ್ಟದೇವತೆಯೆಂದು ಪೂಜಿಸತೊಡಗಿದರು. ಆದರೆ ಮುಂದೆ ಏನಾಯಿತೆಂದರೆ, ಇಬ್ಬರು ರೆಟ್ಟೆಯನ್ನ ಹಿಡಿದು ಹೊರಗೆ ಹಾಕಿದಂತಹ ಆ ಇಬ್ಬರಲ್ಲಿ ಒಬ್ಬರಿಗೆ ಲಕ್ವ ಹೊಡೆದು, ಕೊನೆಗೆ ಅವರಿಗೆ ಬ್ರಹ್ಮಾವರಕ್ಕೆ ಹೋಗಿ ಪಾರಿವಾಳದ ಎಣ್ಣೆಯನ್ನ ತಂದು ಮೊಸ್ಸೇಜ್ ಮಾಡಲು ನಮ್ಮ ಅಪ್ಪ ಸದಿಯ ಮಾಸ್ತರೇ ಬೇಕಾಯಿತು.! ಅವರ ಮನೆ ಸುಮಾರು ೧೫ ವರುಷಗಳ ಕಾಲ ಭೂತ ಬಂಗ್ಲೆಯಂತೆ ಇದ್ದಿತ್ತು. ಇನ್ನೊಬ್ಬರು ದೈವಾಧೀನರಾದರೆಂದು ವದಂತಿ. ಇದನ್ನ ಯಾಕೆ ಹೇಳಿದೆನೆಂದರೆ, ನಮ್ಮ ಅಜ್ಜನ ಮಾತು ಬಹಳ ಸತ್ಯವಾಗಿ ನಡೆಯುತ್ತಿತ್ತಂತೆ. ಇದಕ್ಕೆ ಅವರು ಮಾಡುವ ಶ್ರಧ್ಧೆಯ ಪೂಜೆಯೇ ಕಾರಣವಂತೆ ಅಂತ ಅಪ್ಪಯ್ಯ ಹೇಳುತ್ತಿದ್ದರು. ಇವರ ಸಿಟ್ಟು ನೆತ್ತಿಯ ಮೇಲೆಯೇ ಇರುತ್ತದಂತೆ. ಈಗ ಅದೇ ಸಿಟ್ಟು ನನಗೆ ಬಂದಿದೆ ಅಂತ ಅಮ್ಮ ಮತ್ತು ಅಪ್ಪಯ್ಯ ಹೇಳುತ್ತಿದ್ದರು. ಇದನ್ನ ನೀವು ಜ್ನಾನ ಪೀಠ ಪುರಸ್ಕರಿತ, ಶ್ರೀ ಶಿವರಾಮ ಕಾರಂತರ ಮೂಕಜ್ಜಿಯ ಕನಸುಗಳು ಅಥವಾ ಮರಳಿ ಮಣ್ಣಿಗೆ ಪುಸ್ತಕದಲ್ಲಿ ವ್ಯಕ್ತವಾಗಿದೆಯಂತೆ. ಅದರಲ್ಲಿ ನಮ್ಮ ಅಜ್ಜನು ಬೇಲಿಯ ಮೇಲೆ ಇರುವಂತಹ ಸರ್ಪದ ಹೆಡೆಯಾಕಾರದಲ್ಲಿ ಬೆಳೆದಿರುವ ಸರ್ಪಕಳ್ಳೀ ಮುಳ್ಳಿನಿಂದ ನಮ್ಮ ಅಜ್ಜಿ ಕಾವೇರಮ್ಮನಿಗೆ ಆ ಸಿಟ್ಟು ಬಂದಾವಾಗ ಹೊಡೆದಿರುವುದು ಉಲ್ಲೇಖಗೊಂಡಿದೆಯಂತೆ. ನಾನಿನ್ನೂ ಆ ಪುಸ್ತಕವನ್ನ ಓದಬೇಕಸ್ಟೆ. ಮೊನ್ನೆಯ ದಿನ ತೆಗೆದುಕೊಂಡು ಬಂದಿದೆ. ಆದರೆ ನಮ್ಮ ಮನೆಯನ್ನ ಕ್ಲೀನ್ ಮಾಡುವ ನಿಟ್ಟಿನಲ್ಲಿ, ನಮ್ಮ ಎರಡೂ ಹೆಣ್ಣು ಮಕ್ಕಳಿಗೆ ಕನ್ನಡ ಬಾರದ ಕಾರಣ, ಎಲ್ಲಾ ನನ್ನ ಕನ್ನಡ  ಪುಸ್ತಕಗಳನ್ನ (ಅದರಲ್ಲಿ ಶಿವರಾಮ ಕಾರಂತರ ಪುಸ್ತಕ ಮೂಕಜ್ಜಿಯ ಕನಸುಗಳು ಹಾಗೂ ಮರಳಿ ಮಣ್ಣಿಗೆಯೂ ಇತ್ತು. ಅದನ್ನ ಕೇಜಿಗೆ ರೂಪಾಯಿ ೨೦ ರಂತೆ ಹಳೆ ಪುಸ್ತಕ, ಹಳೆ ಸಾಮಾನೂ ಅಂತ ರಸ್ತೆಯಲ್ಲಿ ಕೂಗುತ್ತಾ ಬರುವಂತಹ ವ್ಯಕ್ತಿಗೆ ಮಾರಿದರು ಅಂದರೆ ಇವರನ್ನ ಏನನ್ನಬೇಕು? ಇವರ ಕಥೆ ಹಾಗೇ ಇರಲಿ. ನಮ್ಮ ಅಪ್ಪೈಯ್ಯನಿಗೆ ಮಾತ್ರ, ಅವರಮ್ಮನ ತಾಳ್ಮೆಯ ಗುಣ ಬಂದಿದೆ ಅಂತ ನಮ್ಮ ಭೀಮಜ್ಜೀ ಹೇಳುತ್ತಿದ್ದರು. ಅದಿರಲಿ, ನಮ್ಮ ಅಪ್ಪಯ್ಯ ಮಾತ್ರ ಆ ಕಾಲದಲ್ಲಿ ಕುಂದಾಪುರ ಪ್ರಿಂಟಿಂಗ್ ಪ್ರೆಸ್ಸಿನಲ್ಲಿ ಸುಮಾರು ೯ ವರುಷಗಳ ಕಾಲ ಬುಕ್ ಬೈಂಡಿಂಗ್ ಮಾಡುತ್ತಿದ್ದರಂತೆ. ಅವರ ಜೊತೆಯಲ್ಲಿ ಕುಂದಾಪುರ ಖ್ಯಾತ ಜ್ಯೋತಿಷ್ಯಗಳಾದ ಯಜ್ನ ಹೊಳ್ಳರೂ ಇದ್ದರಂತೆ. ಆದ್ದರಿಂದ ಅವರಿಗೂ ನಮ್ಮ ಅಪ್ಪಯ್ಯನಿಗೂ ಗಳಸ್ಯ-ಕಂಠಸ್ಯ. ಅವರ ಮಗನಾದ ದಿವಂಗತ ಸೂರ್ಯ ಹೊಳ್ಳರೂ ನನ್ನ ಆಪ್ತ ಸ್ನೇಹಿತರಾಗಿದ್ದರೆನ್ನೀ. ಇದು ಹಾಗೇ ಇರಲಿಇರಲಿ ಈಗ.

ಕೊನೆಗೆ ಒಂದು ದಿನ ನಮ್ಮ ಅಪ್ಪಯ್ಯ ಬೆಳಿಗ್ಗೆ ಎದ್ದು ಬೆಂಗಳೂರಿಗೆ ಪದ್ರಾಡ್ (ಓಡೀ ಹೋದರು). ಇದನ್ನ ನಮ್ಮ ಸೂಲ್ಕನಡಿ ಗೆದ್ದೆಯಲ್ಲಿ ಕೆಲಸವನ್ನ ಮಾಡುತ್ತಿದ್ದ ಭೀಮಜ್ಜಿ ನೋಡಿತಂತೆ. ಣೋದಿ, ಯೋ ಸದಿಯಾ ಎಲ್ಲಿಗೋಡ್ ಹೋಗುತ್ತೀಯಾ? ಮಹಾರಾಯಾ ಎಂತ ಬೊಬ್ಬೆ ಇಟ್ಟಿತಂತೇ ಅದೇ ಗದ್ದೆಯಲ್ಲಿ. ಇದನ್ನ ನೋಡಿದ ಅಪ್ಪೈಯ್ಯ,  ಭೀಮಜ್ಜಿಯ ಹತ್ತಿರ ಬಂದು, ಅಪ್ಪಯ್ಯನಿಗೆ ನಾನು ಹೋದ ಮೇಲೆ ಹೇಳು ಅಂತ ಬೆಂಗಳೂರಿನ ಅವೆನ್ಯೂ ರೋಡಿನಲ್ಲಿರುವ ಒಂಟೀ ರಾಮನ ಹೋಟೆಲ್ಲಿಗೆ ಕೆಲಸಕ್ಕೆ ಬಂದರಂತೆ. ಅಲ್ಲಿ ಸ್ವಲ್ಪ ಕಾಲ ಕೆಲಸವನ್ನ ಮಾಡಿ, ಆ ಮೇಲೆ ಬಳೇ ಪೇಟೆ ಕೃಷ್ಣಭವನದಲ್ಲಿ ಸೇರಿಕೊಂಡರು. ಇವರೊಂದಿಗೆ ಈಗಿನ ಮೆಜೆಸ್ಟಿಕ್ನಲ್ಲಿರುವ ರಾಮಕೃಷ್ಣ ಲೋಡ್ಜಿನ ಮಾಲಿಕರಾದ, ಐರೋಡಿಯ ಕಾಡ ಅಲ್ಸೇಯವರು, ಸಿದ್ದಿ ಕಟ್ಟೆ ರಾಮ ಅಲ್ಸೇರು , ಶೇಷಪ್ಪ ಹೊಳ್ಳರು ಹಾಗೂ ಇನ್ನಿತರರು ಇರುತ್ತಿದ್ದರಂತೆ. ಅಲ್ಲಿ ಹಲವು ವರುಷಗಳ ಕಾಲ ಕೆಲಸವನ್ನ ಮಾಡುತ್ತಿದ್ದರಂತೆ. ಇಲ್ಲಿನ ಕೆಲವು ಅನುಭವಗಳನ್ನ ಅವರು ಹೇಳಿದ್ದು ಕೇಳಿದರೆ ನಮಗೂ ಮೈ ರೋಮಾಂಚನವಾಗುತ್ತೆ. ಒಂದೊಮ್ಮೆ ಕೋಂಪಿಟಿಷನ್ನಲ್ಲಿ ೪೪ ಜಿಲೇಬಿಯನ್ನ ತಿಂದು ಆಮೇಲೆ ಪೂರಾ ವಾಂತಿ ಮಾಡಿದ್ದರಂತೆ. ಕುದುರೆ ರೇಸಿಗೆ ಹೋಗಿ ರೂಪಾಯಿ ೧೦ ಹಾಕಿ ೨೦ ಮಾಡಿದ್ದು ಆಮೇಲೆ ಅಲ್ಲಿಗೆ ಹೋಗಲು ನಿಲ್ಲಿಸಿದ್ದರಂತೆ. ಅಸ್ಟೇಕೆ ಪ್ರತಿಜ್ನೆಯನ್ನೇ ಮಾಡಿದ್ದರಂತೆ. ಇವರು ಕಾಣಲು ಸೊಣಕಲು ಇದ್ದರೂ ಊಟ ತಿಂಡಿಯಲ್ಲಿ ಬಕಾಸುರನೇ ಆಗಿದ್ದರು!. ಈ ಹೆಸರನ್ನ ಈಗ ನನಗೂ ಮನೆಯಲ್ಲಿ ಹೇಳುತ್ತಾರೆನ್ನಿ! ಆದರೆ ಎಸ್ಟೇ ತಿಂದರೂ ಅವರಿಗೆ ಹೊಟ್ಟೆ ಬರುತ್ತಿರಲಿಲ್ಲ. ಇದಕ್ಕೆ ಕಾರಣ ಬೆಳಿಗ್ಗೆ, ಅಂದರೆ ಬ್ರಾಹ್ಮ್ಯ ಮುಹೂರ್ಥದಲ್ಲಿ ಬರೀ ಕಾಲಿನಲ್ಲಿ ಗದ್ದೆಗಳಿಗೆ ಸುತ್ತು ಹಾಕಿ ಸುಮಾರು ೪ ರಿಂದ ೫ ಕಿಲೋಮೀಟರ್ ನಡೆಯುತ್ತಿದ್ದರು. ಬೆಳಿಗ್ಗೆ ಎದ್ದು ಕೊಚ್ಚಕ್ಕಿ ಗಂಜಿಯನ್ನ ಊಟ ಮಾಡಿ ಶಾಲೆಗೆ ಹೋಗುತ್ತಿದ್ದರು. ಮಧ್ಯಾಹ್ನ ಒಂದು ಗಂಟೆಗೆ ಊಟ ಮಾಡಿದ್ದು, ಒಂದೂ ಮುಕ್ಕಾಲು ಗಂಟೆಯವರೆಗೆ ನಿದ್ದೆ ಮಾಡಿದ್ದು, ಆ ಮೇಲೆ ಶಾಲೆಗೆ ಹೋಗುತ್ತಿದ್ದರು. ಸಾಯಂಕಾಲ, ಶಾಲೆಯಿಂದ ಬಂದ ಮೇಲೆ ಸಾಲಿಗ್ರಾಮ ಪೇಟೆಗೆ ತಪ್ಪದೆಯೇ ಹೋಗುತ್ತಿದ್ದರು. ರಾತ್ರಿ ೮ ಗಂಟೆಗೆ ಊಟ ಮಾಡಿದ್ದು, ೮.೩೦ ಗೆ ನಿದ್ದೆಗೆ ಶರಣು ಹೋಗುತ್ತಿದ್ದರು!.ಇದು ಅವರ ದೈನಂದಿನ ಕ್ರಮವಾಗಿತ್ತು! ಈ ಒಂದು ಶಿಸ್ತು ಕೊನೆಯವರೆಗೆ ಪಾಲನೆ ಮಾಡಿಕೊಂಡು ಬಂದಿದ್ದರು. ಈವಾಗಲೂ ನಮ್ಮ ಅಣ್ಣ ತಮ್ಮಂದಿರಲ್ಲಿ ಈ ಶಿಸ್ತನ್ನ ನೀವುಗಳು ಕಾಣಬಹುದು. ನಮ್ಮಲ್ಲಿ ಊಟವಿದ್ದಲ್ಲಿ , ಅಂದರೆ ಯಾವುದೇ ಸಮಾರಂಭಗಳಿದ್ದಲ್ಲಿ ಠಣ್ ಎಂದು ೧ ಗಂಟೆಗೆ ಬಾಳೆ ಎಲೆ ಬೀಳುತ್ತದೆ. ಅದು ಸುಮಾರು ೧೯೫೦ಯಿಂದಲೇ ಶುರುವಾದಂತಹ ಒಂದು ಶಿಸ್ತು ಬದ್ಧವಾದ ಕ್ರಮ. ಇದು ಹೀಗೇ ಇರಲಿ. ಈ ಹೋಟೆಲ್ಲಿನಲ್ಲಿರುವ ಖುಷಿಯಿಂದಿರುವ ಈ ಸದಿಯ ಮಾಸ್ತರನ್ನ ಹೇಗೆ ಊರಿಗೆ ಕರೆದು ಗುಡ್ಡೀ ಶಾಲೆಗೆ ಸೇರಿಸಿದರೆಂದು ಈಗ ತಿಳಿಯೋಣ. ಈ ಕೃಷ್ಣ ಭವನ್ನಿಂದ, ಎಂಕ್ಟೈಯ್ಯನ ಮನೆ ಈಗಿನ ವಿವೇಕಾ ಜೂನಿಯರ್ ಕಾಲೇಜಿನ ನಿವ್ರತ್ತ ಪ್ರಾಧ್ಯಾಪಕರಾದ, ಶ್ರೀಯುತರಾದ ಶ್ರೀಧರ ಉಪಾಧ್ಯ ಹಾಗೂ ಅವರ ಅಣ್ಣ ಮಹಾಬಲೇಷ್ವರ ಉಪಾಧ್ಯರ ತಂದೆಯವರಾದ ದಿವಂಗತ ಕೃಷ್ಣ ಉಪಾಧ್ಯರು ನಮ್ಮ ಅಜ್ಜನ ಹೇಳಿಕೆಯ ಮೇರೆಗೆ ಬೆಂಗಳೂರಿಗೆ ಬಂದು ಊರಿಗೆ ಕರೆದುಕೊಂಡು ಹೋದರಂತೆ. ಇವರನ್ನ ಮಾಸ್ಟ್ರು ಕೃಷ್ಣ ಉಪಾಧ್ಯರು ಮಾಡಿದಂತಹ ಗುಡ್ಡೀ ಶಾಲೆಗೆ ರೂಪಾಯಿ ೫.೦೦ ಪ್ರತೀ ತಿಂಗಳ ಸಂಬಳಕ್ಕೆ ಸೇರುವಂತೆ ಮಾಡಿದರು. ಆ ಮೇಲೆ ಇವರು ಟೀಚರ್ ಹುದ್ದೆಗೆ ಟ್ರೈನಿಂಗನ್ನ ಪಡೆದು ಪೂರ್ತಿಯಾಗಿ ಪ್ರಾಧ್ಯಾಪಕರಾಗಿ ಒಂದನೇ ಕ್ಲಾಸಿನಲ್ಲಿ ಪಾಠವನ್ನ ಹೇಳುತ್ತಿದ್ದರು.

ಇವರ ಇನ್ನೊಂದು ವಿಶೇಷವೇನೆಂದರೆ ಪೂರ್ತಿಯಾಗಿ ತಮ್ಮ ಕಾರ್ಯದಲ್ಲಿ ಮಗ್ನನಾಗುವುದು ಹಾಗೂ ಇವರಲ್ಲಿರುವ ಹೊರಹೊಮ್ಮುವಂತಹ ಬಹುಮುಖ ಪ್ರತಿಭೆ. ಇವರಲ್ಲಿ ಹಾಡು ಹೇಳುವ, ಕಥೆ ಹೇಳುವ ಹಾಗೂ ಬರೆಯುವ, ನಾಟಕವನ್ನ ಬರೆಯುವ ಹಾಗೂ ನಿರೂಪಿಸುವ, ನೃತ್ಯವನ್ನ ಹೇಳಿಕೊಟ್ಟು ಮಕ್ಕಳನ್ನ ವಾರ್ಷಿಕೋತ್ಸವದಲ್ಲಿ ಕುಣಿಸುವಂತಹ, ಭಜನೆಯನ್ನ ಹಾಡುವಂತಹ ಹಲವು ಪ್ರತಿಭೆಗಳು ಇರುತ್ತಿದ್ದವು. ಇವಿಸ್ಟೂ ಜನರನ್ನ ರಮಿಸಿ ಹೆಸರನ್ನ ಗಿಟ್ಟಿಸುವ ಹಾಗೂ ಎಲ್ಲರೂ ಸದೀ ಮಾಸ್ತರ್ , ಸದೀ ಮಾಸ್ತರ್ ಅಂತ ಹೇಳಲೀ ಅನ್ನುವ ಒಂದು ದುರಾಸೆಯೂ ಒಳಗೊಳಗೇ ಇರುತ್ತಿರುವುದೇ ಇವರ ಬಹುಮುಖ ಪ್ರತಿಭೆ ಅರಳಲು ಕಾರಣವಾಯಿತು. ಇವರ ಮಕ್ಕಳೆಲ್ಲರನ್ನೂ  ಈ ಕಾರ್ಯದಲ್ಲಿ ನಮ್ಮ ಅಪ್ಪಯ್ಯ ತಮ್ಮ ಕಾರ್ಯದಲ್ಲಿ ತೊಡಗಿಸಿಕೊಳ್ಳುತ್ತಿದ್ದರು. ಶಾಲಾ ವಾರ್ಷಿಕ ಹಬ್ಬದಲ್ಲಿ, ಹಿರಣ್ಯ ಕಷ್ಯಪುವಿನ ನಾಟಕ, ಸತ್ಯ ಹರಿಚಂದ್ರನ ನಾಟಕ ಇವರದ್ದು ಬಹಳ ಹೆಸರುವಾಸಿ ಆಯಿತು. ಇವರ ಮಗ ಸುರೇಂದ್ರನು, ಅಜ್ಜಿ ವೇಷ, ಸತ್ಯ ಹರಿಶ್ಚಂದ್ರನ ಪಾತ್ರ, ಹಿರಣ್ಯ ಕಷ್ಯಪುವಿನ ಪಾತ್ರ, ಹೆಣ್ಣೀನ ವೇಷ ಹೀಗೆ ವಿವಿಧ ಪಾರ್ಟನ್ನ ಹಾಕಿದ್ದು ಬಹಳ ಹೆಸರುವಾಸಿಯಾದನೆಂದರೆ ಅದು ಅತಿಷಯವಾಗದು. ಅದೇ ನಮ್ಮ ರಮೇಶಣ್ಣನು ಹನುಮಂತನ ವೇಷದಲ್ಲಿ ಮಿಂಚಿದನಂತೆ. ಇದರಿಂದಾಗಿ ಸದೀ ಮಾಸ್ತರ ಮಕ್ಕಳೂ ಕೇರಿಯಲ್ಲಿ, ಊರಿನಲ್ಲಿ ಹೆಸರುವಾಸಿಯಾದರು. ಊಟಕ್ಕೆಲ್ಲಿಯಾದರೂ ಹೋದಲ್ಲಿ, "ಓ ಇವನು ಸದೀ ಮಾಸ್ತರ ಮಗ ಅಲ್ಲವಾ" ಅಂತ ಒಂದು ರೂಪಾಯಿ ಹೆಚ್ಚಿಗೆ ದಕ್ಷಿಣೆಯನ್ನ ಕೊಡುತ್ತಿದ್ದರು. ಅದನ್ನ ಆ ಮೇಲೆ ಮನೆಗೆ ಬಂದಾವಾಗ , ಅಪ್ಪಯ್ಯ ತೆಗೆದುಕೊಳ್ಳುತ್ತಿದ್ದರು. ಕಾರಣ ನನ್ನ ಹೆಸರಿನಿಂದ ನಿನಗೆ ಹೆಚ್ಚಿಗೆ ದಕ್ಷಿಣೆ ಕೊಟ್ರಪ್ಪಾ, ಅಂತ!. ಇದು ಕೂಡ ಬಡತನಕ್ಕೆ ಒಂದು ನಿದರ್ಷನ. ಏಕೆಂದರೆ ಸದೀ ಮಾಸ್ತರ ಹತ್ತಿರ ಇರುವುದು ಬರೇ ಮೂರು ಮುಡಿ ಗದ್ದೆಮಾತ್ರ!. ಆದರೆ ಇವರ ಸಮಯದಲ್ಲಿ, ಅದನ್ನ ಐದು ಮುಡಿಗೆ ಏರಿಸಿದರು. ಅದು ಹೇಗೆಂದರೆ, ಶಾಲೆಯ ಸಂಬಳವಲ್ಲ. ಇವರಿಗೆ ಒಂದು ಚಟವಿತ್ತು. ಅದೇನೆಂದರೆ, ಚಿನ್ನವನ್ನ ಅಡ ಇಟ್ಟುಕೊಂಡು ಅದರ ಮೇಲೆ ಬಡ್ಡಿ ವ್ಯವಹಾರ ಮಾಡುತ್ತಿದ್ದರು. ನಮ್ಮೂರ ಶೂದ್ರರೂ, ಮೊಗೇರರೂ ಹಾಗೂ ಬ್ರಾಹ್ಮಣರೂ, ಬೇಧ ಭಾವವಿಲ್ಲದೇ ಇವರ ಹತ್ತಿರ ಬಂದು ಸಾಲವನ್ನ ತೆಗೆದುಕೊಂಡು ಹೋಗುತ್ತಿದ್ದರು. ಅದು ಒಂದು ವೇಳೆ ಮೂಲಕ್ಕೆ ಬಡ್ಡೀ ಸೇರಿ ತೀರಿಸಲು ಅವರಿಗೆ ಕಸ್ಟವಾದಲ್ಲಿ, ಅಡವಿಟ್ಟ ಮಾಲು ಸದೀ ಮಾಸ್ತರಿಗೇ!. ಇದೇ ರೀತಿ ಪಾತ್ರಗಳನ್ನೂ ಅಡವಿಟ್ಟುಕೊಂಡು ದುಡ್ಡು ಕೊಡುತ್ತಿದ್ದರು. ಹೀಗೆ ಇವರ (ನಮ್ಮ)ಮನೆಯಲ್ಲಿ ೫೦೦ ಅಡಿ ಸಂತರ್ಪಣೆ ಮಾಡುವಸ್ಟು ಪಾತ್ರಗಳು ಇರಲು ಕಾರಣ. ನಾಲ್ಕು ಅಕ್ಕಿ ಹಪ್ಪಳ ಇಡುವಸ್ಟು ತಾಮ್ರದ ದೊಡ್ಡ ಹಂಡೆಗಳು ನಮ್ಮ ಮನೆಯಲ್ಲಿದ್ದವು. ಈಗ ಅದು ಎಲ್ಲಿಗೆ ಹೋಯಿತೆಂದು ಮಾತ್ರ ಕೇಳಬೇಡಿ.! ಅದೂ ನಮಗೂ ಬೇಡ ಬಿಡಿ. ಆದರೆ ನಮ್ಮ ಅಪ್ಪಯ್ಯನ ಕಸ್ಟ ಹೀಗುಂಟೂ ಅಂತ ಹೇಳಿದೆ ಅಸ್ಟೆ. ಹೀಗೆ ಸೆಣ್ಸಿಗೆ ಒಂದು ಮುಡಿ ಹೆಚ್ಚು ಭತ್ತ ಬೆಳೆದು, ಬಡ್ಡಿಗೆ ಕೊಟ್ಟು ದುಡ್ಡನ್ನ ಇಮ್ಮಡಿ ಮಾಡಿದ್ದು, ಮನೆಯಲ್ಲಿ ಹದಾ ಖರ್ಚನ್ನ ಮಾಡುತಿದ್ದದ್ದು ಇವರು ಪೈಸಾ, ಪೈಸಾ ಜೋಡಿಸಿದ್ದನ್ನ ನೋಡಿದರೆ, ಜೀವನ ಎಸ್ಟು ಕಸ್ಟ ಅಂತ ಈಗ ನಮಗೆ ತಿಳಿಯುತ್ತದೆ. ಆದರೆ ಇದನ್ನೇ ಜನರು ಸದಿಯ ಮಾಸ್ತರು ಕಂಜೂಸ್ ಅಂತ ಹೇಳಿದ್ದೂ ನನ್ನ ಕಿವಿಗೆ ಬಿದ್ದಿದೆ. ಆದರೆ ಈ ಹೇಳಿದ ವ್ಯಕ್ತಿಗಳು ಏನೂ ಧಾರಾಳಿಗಳಲ್ಲ ಅಂತ ನಿಮಗೆ ನಾನು ಹೇಳುತ್ತೇನೆ. ಊರಿನಲ್ಲಿ ಕೆಲವರು ಬೇರವರಿಗೆ ಹೇಳಲೋಸುಗ ಇರ್ತಾರೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಚಾರವೇ.ಆದರೆ ನಮ್ಮ ಅಪ್ಪಯ್ಯ ವ್ಯರ್ಥ ಖರ್ಚನ್ನ ಯಾವಾಗಲೂ ಮಾಡಲಾರರು ಹಾಗೂ ತಮ್ಮ ಮಕ್ಕಳಿಗೆ ಮಾಡಲು ಬಿಡುವುದಿಲ್ಲ.

ಈ ಬಡ್ಡೀ ವ್ಯವಹಾರ ಬಹಳ ತಪ್ಪು ಅಂತ ತಿಳಿಯಲು ಅವರು ಸುಮಾರು ೬೦ ವರುಷಗಳನ್ನೇ ತೆಗೆದುಕೊಂಡರೆಂದರೆ ಸಖೇದಾಸ್ಚರ್ಯ ಪಡಬೇಕಿಲ್ಲ! ಕಾರಣ ಇವರು ಆ ಕಾಲದಲ್ಲಿ ಸಂಸಾರವನ್ನ ಸಾಗಿಸುವುದೇ ಬಹಳ ಕಸ್ಟಕರವಾಗಿತ್ತು. ಆವಾಗಲೇ ಇವರು ಸುಮಾರಿಗೆ ಮೂರು ಮುಡಿ ಗದ್ದೆಯಿಂದ,  ೫ ಮುಡಿ ಗದ್ದೆಯನ್ನ ಬೆಳೆಗೆ ಅಳವಳಿಸಿಕೊಂಡಿದ್ದರು. ವರ್ಷಕ್ಕೆ ಮೂರು ಬೆಳೆಯನ್ನ ತೆಗೆಯುತ್ತಿದ್ದರು. ಮಕ್ಕಳ ಮದುವೆಯೂ ಸುಮಾರಿಗೆ ಮುಗಿಯುತ್ತಾ ಬಂದಿತೆಂದರೆ ತಪ್ಪಾಗದು. ನನ್ನ ಹಾಗೂ ನನ್ನ ತಂಗಿ ಶಾಂತಳ ಮದುವೆ ಮಾತ್ರ ಉಳಿದಿತ್ತು. ಕೊನೆಗೆ, ಮಾಡಿದ ತಪ್ಪಿಗೆ ಪ್ರಾಯಸ್ಚಿತ್ತವಾಗಿ ಹಾಗೂ ಪರಿಹಾರಾರ್ಥವಾಗಿ ಇದಕ್ಕೊಂದು ಶಾಂತಿಯನ್ನ ಮಾಡಿ, ಸುಮಾರು ೩೦೦ ಜನರಿಗೆ ಊಟವನ್ನ ಹಾಕಿ, ಬ್ರಾಹ್ಮಣರಿಗೆ ಕೈ ನೀಡಿ ದಕ್ಷಿಣೆಯನ್ನ ಕೊಟ್ಟಿದ್ದರು. ಸಮಾರಂಭದ ಅಂತ್ಯದಲ್ಲಿ ಇವರೊಂದು ಸಣ್ಣ ಭಾಷಣ ಮಾಡಿದ್ದು, ಅದರಲ್ಲಿ ತನ್ನ ಈ ತಪ್ಪನ್ನ ಸಾರ್ವಜನಿಕರ ಸಮಕ್ಷಮದಲ್ಲಿ ತೋಡಿಕೊಂಡಿದ್ದು, ಇನ್ಮೇಲೆ ಈ ವ್ಯವಹಾರಕ್ಕೆ ತಿಲಾಂಜಲಿಯನ್ನ ಕೊಟ್ಟಿದ್ದೇನೇ ಎಂದರು. ಈ ಮಾಡಿದಂತಹ ತಪ್ಪನ್ನ ಪಬ್ಲಿಕನಲ್ಲಿ ಒಪ್ಪಿಕೊಳ್ಳಲು ಎಸ್ಟು ಮಂದಿಗೆ ಎದೆಗಾರಿಕೆ ಉಂಟೆಂದು ನೀವೇ ಯೊಚಿಸಿ! ಅದಕ್ಕೆ ಗುಂಡ್ಮಿ ಸೋಮಯ್ಯ ಮೈಯರು, ಅರ್ಥಾತ್, ನಮ್ಮ ಭಾವಯ್ಯನವರು, ಭೀಮಜ್ಜಿಯ ಏಕೈಕ ಪುತ್ರರು ಹಾಗೂ  ಅಪ್ಪಯ್ಯನ ಏಕೈಕ ಸೋದರ ಅಳಿಯನವರು ಈ ರೀತಿ ನುಡಿದಿದ್ದರು. " ಕಾಣ್, ಮಾವ ಮಾಡಿದ ಪಾಪಕ್ಕೆ ಈಗ ಕೈ ಎಳ್ದೆಳ್ದು ದಕ್ಷಿಣೆ, ದಾನ ಕೊಡ್ತಾನೆ. ಈ ತರ ಮಾಡಿದರೆ ಬೇರವರಿಗೂ ತೊಂದರೆ ಆದೀತು ಅಂತ ಅವನಿಗೆ ಅನ್ನಿಸಲೇ ಇಲ್ಲ!" ಅಂತ ಅಂದದ್ದುಈಗಲೂ ನನಗೆ ಜ್ನಾಪಕ್ಕಿದೆ. ಇದನ್ನ ಅಪ್ಪಯ್ಯನಿಗೆ ಹೇಳಿದರೆ ಹ್ಹಹ್ಹಹ್ಹಹಹಾ ಅಂತ ನಕ್ಕು ಸೋಮೈಯ್ಯಾ ಹಾಗೀ ಬಿಡಪ್ಪಾ ಅಂತ ಸುಮ್ಮನಿರುತ್ತಿದ್ದರು.

ನಾನು ಹುಟ್ಟಿದಾವಾಗ ಬಹುಷ್ಯ ನಮ್ಮ ಅಜ್ಜ ತೀರಿಕೊಂಡ ಹಾಗಿತ್ತು. ಕಾರಣ ನಮ್ಮ ಅಜ್ಜನ ನೆನೆಪು ನನಗಿಲ್ಲ. ಆದರೆ ಅವರ ಸತ್ತದ್ದು ಒಂದು ವಿಚಿತ್ರದ ಸನ್ನಿವೇಷವೆಂದು ಆ ಕಥೆಯನ್ನ ನಮಗೆಲ್ಲಾ ಅಪ್ಪಯ್ಯ ಹೇಳುತ್ತಿದ್ದರು. ಅದೊಂದು ಬಹಳ ವಿಶೇಷ ಸಾವು. ಪರಮಜ್ಜನದ್ದು ಭೀಷ್ಮ ಮರಣ! ಅದೊಂದು ಇಛ್ಛಾಮರಣವಾಗಿತ್ತು. ಇಲ್ಲಿ ಅದರ ಕಥೆಯನ್ನ ಹೇಳ್ತೇನೆ ಕೇಳಿ. ಬೆಳಿಗ್ಗೆ ಬೆಳಿಗ್ಗೆ ಓ ಸದಿಯಾ ಬೇಗ ಗಂಜೀ ಊಟ ಮಾಡು. ಅಪ್ಪಯ್ಯ ಏಕೆ ಅಂತ ಈ ಮಗ, ಸದಿಯ ಕೇಳಿದಾವಾಗ, ನೀ ಸುಮ್ನೆ ಮಾತ್ನಾಡದೆ ಹೋಗಿ ಊಟ ಮಾಡಿ ಬಾರ ಅಂತ ಜೋರು ಮಾಡಿದ್ರು. ಊಟವಾದ ಮೇಲೆ ಮಾಸ್ಟ್ರು ಕೃಷ್ಣ ಉಪಾಧ್ಯರನ್ನ ಕರೆದುಕೊಂಡು ಬಾ. ಕೋಡಿ ಕನ್ಯಾಣಕ್ಕೆ ಹೋಗಿ, ಆ ಯಜ್ನ ಮಾಸ್ಟ್ರಿಗೆ ಬರ ಹೇಳು. ಅವರು ಬಂದ ಮೇಲೆ ತೊರವೇ ರಾಮಾಯಣದ ಸುಂದರ ಕಾಂಡವನ್ನ ಓದಲು ಹೇಳಿದರು. ಈ ಯಜ್ನ ಮಾಸ್ಟ್ರು ಯಾರೂ ಅಂತ ಕೇಳ್ತೀರಾ? ಇವರು ನಮ್ಮ ಅಪ್ಪಯ್ಯನ ಜೊತೆಯಲ್ಲಿಯೇ ಗುಡ್ಡಿ ಶಾಲೆಯಲ್ಲಿ ಮಾಸ್ಟ್ರು ಆಗಿದ್ದರು.  ಇವರು ಕ್ಲಾಸಿನಲ್ಲಿ ನಿದ್ದೆ ಹೋಗುವುದು ಜಾಸ್ತಿ! ಅವರು ಮಳೆಗಾಲದಲ್ಲಿ ತಮ್ಮ ಮಕ್ಕಳಾದ ಶೇಷ ಹಾಗೂ ಶೀನರನ್ನ ಕರೆದುಕೊಂಡು ಮನೆ ಮನೆಗೆ ಹೂವಿನ ಕೋಲನ್ನ ಮಾಡುತ್ತಿದ್ದರು. ಎಲ್ಲರ ಮನೆಗೆ ಅವರು ಹೋಗುತ್ತಿರಲಿಲ್ಲ. ಕೇರಿಯ, ಹಾಗೂ ಊರಿನ ಕೆಲವೊಂದು ಮನೆಗೆ ಮಾತ್ರ ಹೋಗಿ, ಅವರು ಕೊಡುವ ದುಡ್ಡಿನಿಂದ ಹಾಗೂ ಶಾಲೆಯವರು ಕೊಡುತ್ತಿರುವ ಕಡಿಮೆ ಸಂಬಳದಿಂದ ಅವರ ಸಂಸಾರ ಸಾಗಬೇಕಿತ್ತು. ಇದೂ ಕೂಡ ಪರಷುರಾಮ ಕ್ಷೇತ್ರದಲ್ಲಿ ಹೇಗೆ ಜೀವನೋಪಾಯವನ್ನ ಮಾಡುತ್ತಿದ್ದರೆನ್ನುವುದು ನಿಮಗೆ ತಿಳಿಯುತ್ತದೆ. ಸಂಸಾರವನ್ನ ತೂಗಿಸಿಕೊಂಡು ಹೋಗುವುದು ಬಹಳ ಕಸ್ಟ. ಎಸ್ಟೇ ದೂರವಿದ್ದರೂ ಊಟಕ್ಕೆ ನಡೆದುಕೊಂಡೇ ಹೋಗುತ್ತಿದ್ದರು. ನಮ್ಮ ಅಪ್ಪ ಪಡುಕೆರೆಯಿಂದ ಉಡುಪಿಗೆ ಸಮುದ್ರದ ಬದಿಯಲ್ಲಿ ನಡೆದುಕೊಂಡು ಕೋಡಿಯಲ್ಲಿ ಬರುವ ಅಳಿವೆಯನ್ನ ಹಾರಿಕೊಂಡು ಬೊಜ್ಜದ ಊಟಕ್ಕೆ ಹೋಗುತ್ತಿದ್ದರಂತೆ. ನಮ್ಮ ಮನೆಯಿಂದ ಉಡುಪಿಗೆ ಸುಮಾರು ೩೦ ಕಿಲೋ ಮೀಟರ್ ದೂರವಿದೆ. ನಾನು ಕೂಡಾ ನಮ್ಮ ಮನೆಯಿಂದ ಕಾಳವಾರ ಷೃಷ್ಠಿಗೆ, ಹಬ್ಬದ ಊಟಕ್ಕೆ ಹೋಗುತ್ತಿದ್ದೆನು. ನಮ್ಮದೊಂದು ದೊಡ್ಡ ಗುಂಪೇ ಇದ್ದಿತ್ತು. ಅದು ಸುಮಾರು ೨೦-೨೫ ಕಿಲೋ ಮೀಟರ್ ದೂರವಿರುತಿತ್ತು. ಇರಲಿ, ಈಗ ಮುಖ್ಯ ಸಮಾಚಾರಕ್ಕೆ ಬರೋಣವೇ. ನಮ್ಮ ಅಜ್ಜಯ್ಯನ ಅಪ್ಪಣೆಯ ಮೇರೆಗೆ ನಮ್ಮ ಅಪ್ಪಯ್ಯನ ಬಲ ತೊಡೆಯ ಮೇಲೆ ತಲೆಯನ್ನ ಇಟ್ಟು ಸುಂದರ ಕಾಂಡವನ್ನ ಕೇಳ ತೊಡಗಿದರು. ಈ ಮಧ್ಯೆ ಮಾಸ್ಟ್ರು ಕೃಷ್ಣ ಉಪಾಧ್ಯರು ಬಂದರು. ಅವರನ್ನ ಕರೆದು ಅವರ ಕೈ ಮೇಲೆ ನಮ್ಮ ಅಪ್ಪಯ್ಯನ ಕೈಯನ್ನ ಇಟ್ಟು, ನನ್ನ ಅಸ್ತಿಯನ್ನ ನಾ ಸತ್ತ ಮೇಲೆ ಕಾಶಿಯಲ್ಲಿರುವ ಗಂಗಾ ನದಿಗೆ ವಿಸರ್ಜನೆಯನ್ನ ಮಾಡುತ್ತೇನೆ ಎಂದು ಆಶ್ವಾಸನೆಯನ್ನ ತೆಗೆದುಕೊಂಡರು. ಕೊನೆಗೆ ಗಂಗೆಯ ನೀರನ್ನ ಬಾಯಿಗೆ ಹಾಕಲು ಹೇಳಿದರು.  ಎರಡು ಬಿಂದು ಗಂಗೆಯ ನೀರು ಅವರ ಬಾಯಿಗೆ ಬಿದ್ದದ್ದೇ ತಡ, ಅವರು ಸ್ವರ್ಗ ವಾಸಿಯಾದರು.! ಆಶ್ಚರ್ಯ! ಎಂತಹ ಮರಣ! ಸಾಮಾನ್ಯವಾಗಿ ಪುಣ್ಯರಿಗೇ ಬರುವಂತಹ ಮರಣ ಇದು ಎಂದು ನೆರೆದಿದ್ದವರೆಲ್ಲಾ ಆಡುತ್ತಿದರಂತೆ.

ಇನ್ನೊಂದು ವಿಚಾರವನ್ನ ನಿಮ್ಮ ಮುಂದಿಡಬೇಕೆಂದಿರುವೆ. ಅದೇನೆಂದರೆ, ನಾವುಗಳು ಕಮಲಶಿಲೆಯ ಚೋಣುಮನೆ ಉಪಾಧ್ಯಾರಂತೆ. ಅಲ್ಲಿ ನಮಗೆ ಅಡಿಗಳು (ಇದು ಸುಮಾರು ೧೯೬೦ರ ಇಸವಿಯಲ್ಲಿ ನಡೆದದ್ದು. ಅವರಿಗೆ ನಾಲ್ಕು ಮದುವೆ ಆಗಿತ್ತಂತೆ. ನಾವು ಹೋದಾವಾಗ್, ಅವರದ್ದು ನಾಲ್ಕನೇ ಮದುವೆ. ಮದುಕ, ಎಡಬೆಟ್ಟಿನ ನೆಂಟಸ್ಥಿಕೆಯನ್ನ ಮಾಡಿದ್ದ!. ) ಅದೇನೇ ಇರಲಿ, ನಾವು ಚೋಣು ಮನೆ ಉಪಾಧ್ಯರು ಹೋಗಿ ಮಂಟಪ ಉಪಾಧ್ಯರು ಆದವ್ರಂತೆ ಎಂದು ಮೊನ್ನೆ ಮೊನ್ನೆ ಕಮಲಶಿಲೆಗೆ ಭೇಟಿ ಕೊಟ್ಟಾವಾಗ ಪ್ರಧಾನ ಅರ್ಚಕನೊಬ್ಬ ನನಗೆ ಮತ್ತು ನನ್ನ ದೊಡ್ಡಣ್ಣನಿಗೆ ಹೇಳಿದ. ನಮಗೆ ಇದು ಹೌದೆಂದು ಅನ್ನಿಸಿತು. ಕಾರಣ ನಮಗೂ ಮಂಟಪದ ನಮ್ಮ ದೊಡ್ಡಪ್ಪ, ಚಿಕ್ಕಪ್ಪರಿಗೆ ತಲಾ ೧೧ ಎಕ್ರೆ ಜಮೀನು ಕಮಲಶಿಲೆಯಲ್ಲಿದ್ದಿತ್ತು. ಅದಕ್ಕಾಗಿ ವರ್ಷಕ್ಕೆ ಒಂದು ಮುಡಿ ಅಕ್ಕಿಯ ರಂಗಪೂಜೆಯನ್ನ ಅಮ್ಮನವರಿಗೆ ಮಾಡಿಸಬೇಕಿತ್ತು. ಕೊನೆಗೆ ಈ ವಕ್ಕಲು ಮಸೂದೆ ಬಂದು ನಾವೆಲ್ಲರೂ ಸೇರಿ (ಅಂದರೆ ಸುಮಾರು ೧೪ ಜನರಿದ್ದರು) ಈ ಗದ್ದೆಯನ್ನ ಅಲ್ಲಿಯ ಶೆಟ್ಟರಿಗೆ ಬಿಟ್ಟು ಕೊಟ್ಟು, ದೇವಿಗೆ ಕೈ ಮುಗಿದು ಬಂದೆವು. ಆವತ್ತಿನಿಂದ ದೇವಿಗೆ ರಂಗಪೂಜೆಯನ್ನ ಮಾಡುವುದು ನಿಂತು ಹೋಯಿತು. ಆದರೆ ಅದು ನಮ್ಮ ಎರಡನೇ ಅಣ್ಣನ ಮಗ ಗಣೇಷನು,ತನ್ನ ೫ನೇ ವರ್ಷದಲ್ಲಿ ತೀರಿಕೊಂಡಾವಾಗ, ಜ್ಯೋತಿಷ್ಯಗಾರರೊಬ್ಬರಿಂದ ನೀವು ಒಂದು ದೇವಿಗೆ ಹರಕೆಯನ್ನ ಮಾಡುವುದು ನಿಲ್ಲಿಸಿದ್ದೀರಿ ಎಂದು ಹೇಳಿದಾವಾಗ ಗೊತ್ತಾಯುತು ಈ ವಿಚಾರ. ಹಾಗೆ ಆತನೂ ಕಮಲಶಿಲೆಗೆ ಹೋಗತೊಡಗಿದ. ಅಂತೆಯೇ ನಾವೂ ಕೂಡ ಅವನನ್ನೇ ಅನುಸರಿಸಿದೆವು. ಆದರೆ ಈಗಲೂ ನಾವುಗಳು ಆ ದೇವಿಯ ಭೇಟಿಯನ್ನ ಊರಿಗೆ ಹೋದಲ್ಲಿ, ವರ್ಷಕ್ಕೊಮ್ಮೆ ಮಾಡಲು ಮರೆಯುವುದಿಲ್ಲ. ಈ ಭಾರಿಯಂತೂ ಬಹಳ ಜೋರು. ಶ್ರೀಯುತರಾದ ಸಚ್ಚಿದಾನಂದ ಛಾತ್ರರು ವಿಶೇಷ ಸೇವೆಯನ್ನ ಕೊಟ್ಟಂತಹ (ರೂಪಾಯಿ ೫೦೦.೦೦ ಮತ್ತು ಹೆಚ್ಚಿಗೆ) ಜನರಿಗೆ ಕಮಲ ಶಿಲೆಯ ದುರ್ಗಾ ಮಾತೆಯ ಎದಿರುಗಡೆ ನಿಲ್ಲಿಸಿ, ಮಲ್ಲಿಗೆ ಹಾರವನ್ನ  ಹಾಕಿ, ರೇಶ್ಮೆ ಶಾಲನ್ನ ಹೊದಿಸಿ, ಊಟ ಮಾಡಿಸಿ, ಒಳ್ಳೇ ಉಪಚಾರದೊಂದಿಗೆ ಕಳುಹಿಸಿದರೆಂದರೆ ನೀವುಗಳು ನಂಬುವಿರಾ?. ಇದು ಆ ದೇವಿಯ ಆಟ. ನಂಬಿದವರನ್ನ ಬಿಡುವುದೇ ಇಲ್ಲ.

ಆ ಮೇಲೆ ಆಶ್ವಾಸನೆ ಕೊಟ್ಟಂತೆ, ನಮ್ಮ ಅಪ್ಪಯ್ಯ, ಅಮ್ಮ, ಭೀಮಜ್ಜಿ, ಸೋಮೈಯ್ಯ ಮೈಯ್ಯರು, ಹಾಗೂ ಮಠದ ಮೋಟ್ ಕಿಸ್ಟೈಯ್ತಾಳರನ್ನೂ  ಸೇರಿಸಿ ಕಾಶಿಗೆ ಕರೆದುಕೊಂಡು ಹೋಗಿ, ನಮ್ಮ ಅಜ್ಜಯ್ಯನ ಅಸ್ತಿಯನ್ನ ವಿಸರ್ಜನೆಯನ್ನ ಮಾಡಿ ಬಂದರಂತೆ. ನಮ್ಮ ಅಜ್ಜಯ್ಯನ ಗುಣವೇ ಈಗ ನನ್ನಲ್ಲಿದೆ ಎಂದು ನಮ್ಮ ಅಮ್ಮ ಹಾಗೂ ಅಪ್ಪಯ್ಯ ಹೇಳಿತ್ತಿದ್ದ ನೆನಪು. ಅದೇನೇ ಇರಲಿ, ನಮ್ಮ ಅಪ್ಪಯ್ಯ ಅವರ ಕಾಲದಲ್ಲಿ ಅಜ್ಜ ಮಾಡಿಟ್ಟ ಆಸ್ತಿಗಿಂತ ಹೆಚ್ಚಿಗೆ ಮಾಡಿರುವಂತಹ ಆಸ್ತಿಯನ್ನೆಲ್ಲಾ ಮಾರಿ ಆ ಹಣವನ್ನ ಸ್ಥಿರವಾದ ಡೆಪಾಸಿಟ್ ಇಟ್ಟು ಬಹಳ ಸಂತೋಷಗೊಂಡರು. ಅದು ಬೇರೆ ನಮ್ಮ ಎರಡನೇ ಅಣ್ಣಯ್ಯ ಶ್ರೀ ರಮೇಶ ಉಪಾಧ್ಯರು ದೇವರ ತಲೆಯ ಮೇಲೆ ಹೋವು ಆದರೂ ತಪ್ಪಿ ಹೋದೀತು, ಆದರೆ ಆತ ತಿಂಗಳು ತಿಂಗಳು ಕಳುಹಿಸುವಂತಹ ರೂಪಾಯಿ ೪೦.೦೦ (ನಲವತ್ತು) ರೂಪಾಯಿ ಮಾತ್ರ ಆತ ರಿಟಾಯರ್ಡ ಆಗುವವರೆಗೂ ತಪ್ಪಿಸಲಿಲ್ಲ. ಅದೇ ಆತನನ್ನ ಈವಾಗ ನಡೆಸುತ್ತಿದ್ದದ್ದೆಂದರೆ ತಪ್ಪಾಗದು. ಗಂಡು ಮಕ್ಕಳಿಗೆ ಉತ್ತಮ ನೆಂಟಸ್ಥಿಕೆಯನ್ನ ಮಾಡಿಸಿ ಅದರಲ್ಲೂ ಹೆಸರನ್ನ ಗಳಿಸಿದರೆಂದರೆ ಅತಿಶಯೋಕ್ತಿ ಅನ್ನಿಸದು. ಇಡೀ ಕೋಟ ಹದಿನಾಲ್ಕು ಗ್ರಾಮದಲ್ಲಿ ಸದಿಯ ಮಾಸ್ತರೊಬ್ಬರು ಬಹಳ ಚಿರಪರಿಚಿತ ಹಾಗೂ ಪ್ರಸಿದ್ಧಿಯನ್ನ ಪಡೆದಂತಹ  ವ್ಯಕ್ತಿಯಾದರು. ಸೆಣ್ಸಿಗೆ ಒಂದು ಮುಡಿ ಭತ್ತವನ್ನ ಬೆಳೆದು ಇಡೀ ಕೋಟ ಹದಿನಾಲ್ಕು ಗ್ರಾಮದಲ್ಲಿ ಬೇಸಾಯದಲ್ಲಿ ಹೆಸರನ್ನ ಗಳಿಸಿದರು. ನಮ್ಮ ಪಡುಕೆರೆಗೆ ಜಬ್ಬಾದ ಮರದ ಸಂಕದ ಬದಲಿಗೆ ಕಲ್ಸಂಕ ಬರಲೂ ಹಾಗೂ ನಮ್ಮ ಮನೆಯವರೆಗೆ ರಸ್ತೆ ಬರಲು ನಮ್ಮ ಗದ್ದೆಗಳನ್ನ ಶೂದ್ರರ ಗದ್ದೆಗಳೊಂದಿಗೆ ಬದಲಾಯಿಸಿಕೊಂಡು ಪುಕ್ಕಟೆಯಾಗಿ ರಸ್ತೆ ಮಾಡಲೋಸುಗೆ ಬಿಟ್ಟುಕೊಟ್ಟರು. ನಮ್ಮ ೪ ಘನಾ ಗದ್ದೆಗಳು ರಸ್ತೆ ಮಾಡುವುದಕ್ಕೆ ಹೋದವು ಅಂತ ಪಸ್ಚಾತ್ತಾಪ ಪಟ್ಟಿಲ್ಲ. ಹೀಗೆ ಮಾಡದಿದ್ದಲ್ಲಿ, ನಮಗೆ ರಸ್ತೆ ಬರುತ್ತಿರಲಿಲ್ಲ. ಇದು ಎಸ್ಟು ಜನರಿಗೆ ತಿಳಿದಿದೆ ಹೇಳಿ? ಸೇತುವೆಗೆ ಪೂಜೆ ಮಾಡಿದವರೂ ನಮ್ಮ ಅಪ್ಪೈಯ್ಯ ಮತ್ತು ಅಮ್ಮನೇ ಅನ್ನಲಿಕ್ಕೆ ನನಗೆ ಹೆಮ್ಮೆಯನ್ನಿಸುತ್ತೆ!

ಇನ್ನು ರಾಮ ಭಜನೆಯಲ್ಲಿ ಇವರದ್ದೇ ಮೇಲುಗೈ. ಪಡುಕೆರೆ ತಂಡಕ್ಕೆ ಇವರೇ ಮುಖ್ಯಸ್ತರು. ಇವರು "ರಾಮ ರಕ್ಸಿಸೋ, ಪ್ರೇಮದಿಂದಲೀ, ಕಾಮಿತಾರ್ಥ ಫಲವನ್ನಿತ್ತ ಭೂಮಿ ಝಾಪತೇ" ಅಂತ ಅತೀ ಏರಿನ ಧ್ವನಿಯಲ್ಲಿ ಹೇಳಿದೆರೆಂದರೆ, ರಾತ್ರಿಯಲ್ಲಿ ಪಡುಕೆರೆಯಲ್ಲಿ ಹಾಡಿದಂತಹ ಪದ್ಯ, ಗುಂಡ್ಮೀ ಗ್ರಾಮಕ್ಕೆ ಕೇಳುವಂತಿತ್ತು.

ಅದೇ "ನಚ್ಚೇನ ಚರಿತಾ ನಂದೀ ತಾತೈಯ್ಯ ತೈಯ್ಯ" "ನಚ್ಚೇನ ಚರಿತಾ ನಂದೀ ತಾತೈಯ್ಯ ತೈಯ್ಯ"
 "ನಾರದಗಾರದ ವೈರೀ ಗಾವೇ, ತುಂಬರು ವೀರಬಜಾವೇ" ಎನ್ನುವ ಪದ್ಯ ಬಹಳ ಪ್ರಸಿದ್ಧಿ ಆಯಿತು.

ಅತೀ ಎತ್ತರದ ಸ್ವರದಲ್ಲಿ ಹಾಡುವಂತಹ "ನೋಡು ನೋಡೂ ಗೋಪೀ ನಿನ್ನಾ ಮಗನ ಲೂಟೀಯಾ’ ಎನ್ನುವ ಪದವು ಅವರ ನೆಚ್ಚಿನ ಪದವಾಗಿ ಹೊರ ಹೊಮ್ಮಿತು.
“ರಾಮನಮೋ ಕೃಷ್ಣನಮೋ, ರಾಮನಮೋ, ಸೀತಾರಾಮನಮೋ”
ಕೃಷ್ಣನಮೋ, ಕೃಷಣನಮೋ, ಕೃಷ್ಣನಮೋ ರಾಧಾ ಕೃಷಣನಮೋ”
ಅನ್ನುವ ಪದಾ ಕೂಡ ಇವರದ್ದೇ ಸಿಕ್ಕಾ ಬಿದ್ದಿತು!.

ಇವರ ಆರತಿ ಹಾಡು ಎಲ್ಲರಿಗೂ ಚಿರ ಪರಿಚಿತವಾಯಿತು. ಕೊನೇ ಕೊನೆಗೆ, ಹೋಯ್ ಸದೀ ಮಾಸ್ಟ್ರೇ, ನೀವ್ ಆ ಆರತೀ ಪದ ಹೇಳಿ ಕಾಂಬಾ ಅನ್ನ ತೊಡಗಿದರು. ಅದೇನೆಂದರೆ

ಹೃದಯ ಕಮಲವೆಂಬ ಹರಿವಾಣದೊಳಗಿರ್ದ,
ಸದಾಮಲ್ ಭಕ್ತಿ ಹೃದಯಾ ತೈಲದಿ
ಪದುಮನಾಭನ ನಾಮವೆಂಬ ಜ್ಯೋತಿಯ  ಬೆಳಗಿದೆ,
ಮುದದಿಂದ ಜ್ನಾನದಾರತಿ ಎತ್ತಿರೆ
ರಾಮಚಂದ್ರನಿಗಾರತೀ ಎತ್ತಿರೇ
ಯಾವುದೇ ಭಜನೆಯಲ್ಲಿ ಇದು ಇವರಿಗೇ ಮೀಸಲು.

ಎಲ್ಲೆಯಾದರೂ ಊಟಕ್ಕೆ ಹೋದಲ್ಲಿ (ಅಪರ ಕ್ರಿಯೆಯ ಊಟವಲ್ಲ, ಅಪರ ಕ್ರಿಯೆಯಾದಲ್ಲಿ ವೈಕುಂಠದ ದಿನ ಹೇಳುತ್ತಿದ್ದರು) "ವಿದ್ಯಾ ರತ್ನಂ, ಸರಸಿಜನಿತ್ಯಂ, ಧ್ಯಾನ ರತ್ನಂ ತುರಂಗೋ.....’
ವಾಛಾ ರತ್ನಂ, ಪರಮ ಪದವೀ ಯೋಗ ರತ್ನಂ ಮೃಗಾಕ್ಷೀ..."
“ಅಂಭೋ ರತ್ನಂ ಪರಮ ಪದವೀ, ಭೂರ್ಭ್ವಾ ರತ್ನಂ ಕನಕಶಿಖರೀ
ಭೂಪಾ ರತ್ನಂ ವಿವೇಕಾಹಾಆ ಆಆಆಆಆ ಅನ್ನುವ ಚೂರ್ಣಿಕ ( ಊಟದಲ್ಲಿ ಪಾಯಸವು ಬಂದಾವಾಗ ಹಾಡೂವಂತಹ ನಾಲ್ಕು ಲೈನಿನ ಶ್ಲೋಕ) ಬಹಳ ಪೇಟೆಂಟ್ ಆಯಿತು. ಅದನ್ನ ಈಗ ಸದೀ ಮಾಸ್ತರ ಕಿರೀ ಮಗನಾದ ಸುರೇಂದ್ರ ಉಪಾಧ್ಯರು ಹಾಡುತಿದ್ದಾರೆ. ಇವರಿಗೆ ತಂದೆಯದ್ದೇ ಎಲ್ಲಾ ಗುಣಗಳು ಬಂದಿವೆಯೆಂದು ನಮ್ಮ ಅಡುಗೆಗೆ ಪ್ರಸಿದ್ಧಿಯಾದ ಚಿತ್ರಪಾಡಿ ಗ್ರಾಮದ ಕಾಡ್ ಮಧ್ಯಸ್ಥರ ಮಗ ನರಸಿಂಹ ಮಧ್ಯಸ್ಥರು ಮೊನ್ನೆ ನಮ್ಮ ಮೊನೆಯಲ್ಲಿ ನಡೆದಂತಹ ಅಮ್ಮನ ಶ್ರಾಧ್ಧದಲ್ಲಿ ಹೇಳುತ್ತಿದ್ದರಂತೆ. ಅವರ ಎಲ್ಲಾ ಗುಣವಿಶೇಷಗಳೂ ಈಗ ಇವರಲ್ಲಿ ಗುಣದಿಷೆಯಾಗಿ ಬಳುವಳಿಯಾಗಿ ಬಂದಿವೆ ಎಂದರೆ ಅದು ಒಂದು ಉತ್ತಮವಾದ ಅನುದಾನವೇ ಸರಿ. ಇದು ಅಪ್ಪೈಯ್ಯನ ಆಶೀರ್ವಾದವೆಂದರೂ ತಪ್ಪಾಗದು. ಸುರೇಂದ್ರ ಉಪಾಧ್ಯರೂ ಕೂಡ ೧೪ ವರುಷಗಳ ಕಾಲ ದೇನಾ ಬ್ಯಾಂಕಿನಲ್ಲಿ ಪ್ರಾಧ್ಯಾಪಕರಾಗಿ, ಹಾಗೂ ಪ್ರಾಂಶುಪಾಲರಾಗಿ ಐ.ಟಿ. ಇನ್ಸ್ಟಿಟ್ಯೂಟನ್ನ ಕಾಂಡೀವಲೀ ಮುಂಬೈನಲ್ಲಿ ೧೯೯೭ ರಲ್ಲಿ ಸ್ಥಾಪನೆಯನ್ನ ಮಾಡಿದ್ದಲ್ಲದೆ ಅಲ್ಲಿಯೇ ೭ ವರುಷಗಳು ಕಂಪ್ಯೂಟರಿನಲ್ಲಿ ಬ್ಯಾಂಕಿನ ಕಾರಖೂನನಿಂದ ಹಿಡಿದು ಜನರಲ್ ಮೇನೇಜರ್ ವರೆಗೆ ಟ್ರೈನಿಂಗ್ ಕೊಟ್ಟೂ ಬಹಳ ಹೆಸರುವಾಸಿಯಾಗಿದ್ದರು. ಹಾಗೂ ಕೋಲಕತ್ತ ಮತ್ತು ನಯೀ ದೆಹಲೀ ಟ್ರೈನಿಂಗ್ ಸೆಂಟರಿನಲ್ಲಿ ಕೆಲಸವನ್ನ ಮಾಡಿದ್ದು, ಸುಮಾರು ಮತ್ತುಳಿದ ೨೦೦೦ ಜನರನ್ನ ಕಂಪ್ಯೂಟರಿನಲ್ಲಿ , ಸಾಲವನ್ನ ಕೊಡುವಲ್ಲಿ, ರಿಟೈಲ್ ಕ್ಷೇತ್ರದಲ್ಲಿ ಪಳಗಿಸಿದ್ದಾರೆನ್ನುವುದು ಬಹಳ ಹೆಮ್ಮೆಯ ವಿಷಯವೇ. ಅವರಿಗೂ ದೇನಾ ಬ್ಯಾಂಕಿನಲ್ಲಿ ಒಂದು ವಿಶೇಷ ಸ್ಥಾನ ಮಾನ ಉಂಟು. ಅವರೂ ರೇಕಿ ಮಾಸ್ಟರ್ ಕೂಡಾ. ಅವರು ಅಕ್ಯೂಪ್ರೆಸರ್ ಪ್ರೇಕ್ಟೀಷನರ್ ಕೂಡ. ಅವರಲ್ಲಿಯೂ ಅಪ್ಪನ ಥರಾ ಕಥೆ, ಕವನ, ನಾಟಕ ಬರೆಯುವ ಕಲೆಯೂ ಇದೆ!. ಅವರೂ ಕೂಡ ಕರ್ಣಾಟಕ ಸಂಘದ ಕಾರ್ಯದರ್ಷಿಗಳಾಗಿ ರಾಜಕೋಟ್, ಅಹ್ಮೆದಾಬಾದ್, ಸೂರತ್ ಹಾಗೂ ಕೋಲ್ಕತ್ತದಲ್ಲಿ ಸುಮಾರು ೧೨ ವರುಷಗಳ ಕಾಲ ಕೆಲಸವನ್ನ ಮಾಡಿದ್ದು, ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನ ಮಾಡುವಲ್ಲಿ , ಡೈರೆಕ್ಟ ಮತ್ತು ಏಕ್ಟ್ ಹಾಗೂ ಪಾರ್ಟಿಸಿಪೇಟ್ ಮಾಡುವಲ್ಲಿ ಬಹಳ ಹೆಸರನ್ನ ಗಳಿಸಿದ್ದರು. ಇವರ ಇನ್ನೊಂದು ವಿಶೇಷತೆ ಏನೆಂದರೆ ಹವ್ಯಾಸಿ ಜ್ಯೋತಿಷಿಯಾಗಿ, ಜನಶ್ರೀ ಟಿ.ವಿ ಹಾಗೂ ಈ.ಟಿವಿ. ಕಲರ್ಸ್ ಕನ್ನಡ ಚಾನಲ್ನಲ್ಲಿ ಬಂದಿರುತ್ತಾರೆ. ವರ್ಷ ಭವಿಷ್ಯ ೨೦೧೬ನ್ನ, ತಾರೀಕು ೩೦/೧೨/೨೦೧೫ ರಂದು ಸಂಜೆ ೬ ಗಂಟೆಯಿಂದ ೭ ಗಂಟೆಯವರೆಗೆ ಈ.ಟೀವಿ ಕಲರ್ಸ್ ಕನ್ನಡದಲ್ಲಿ ಕೊಟ್ಟಿದ್ದರು. ಹೀಗೆ ಮಾತಿನಲ್ಲಿ, ಕಲೆಯಲ್ಲಿ, ಸಂಗೀತದಲ್ಲಿ, ಭಜನೆಯಲ್ಲಿ, ಚೂರ್ಣಿಕದಲ್ಲಿ, ನಾಟಕದಲ್ಲಿ, ಕಥೆಯಲ್ಲಿ ಎಲ್ಲಾ ತರದ ಕಾರ್ಯಕ್ರಮಗಳಲ್ಲಿ ಇವರು ತಮ್ಮ ತಂದೆಯವರ ಹೆಸರನ್ನ ಜನಗಳ ಬಾಯಿಯಲ್ಲಿ ಪುನರುಚ್ಚರಿಸುವ ಹಾಗೆ ಮಾಡಿರುವುದು, ಇದೊಂದು ಗೋಡ್ ಗಿಫ಼್ಟೇ ಸರಿ. ಹೆಗ್ಗಳಿಕೆ ಅಲ್ಲ, ವಿಚಾರವನ್ನ ಬೇರವರಿಗೆ ತಿಳಿಸುವಿಕೆ ಮತ್ತು ಅರುಹುವಿಕೆ!. ಅಹಂಕಾರ ಅಲ್ಲ ಮತ್ತು ಬೇಕೂ ಇಲ್ಲ!, ಹಾಗೂ ಅವರಲ್ಲಿ ಕೊಂಚವೂ ಇಲ್ಲ. ಅವ್ರು ಬರೇ ನೆಲದ ಮೇಲೂ ಮಲಗಲು ಕಲಿತಿದ್ದರು ಹಾಗೂ ಮಲಗುತ್ತಾರೆ. ದಿಂಬು ಕೊಟ್ಟರೂ ಮಲಗುತ್ತಾರೆ, ಇಲ್ಲಾಂದರೂ ಮಲಗುತ್ತಾರೆ. ನಡೆದು ಹೋಗಲೂ ಗೊತ್ತಿದೆ. ಕಾರನ್ನ ಡ್ರೈವ್ ಮಾಡಿ ಸಂಚರಿಸಲೂ ಗೊತ್ತಿದೆ. ಯಾವ ಕೆಲಸಕ್ಕೂ ಸೈ. ಅಳುಕಿಲ್ಲ, ಭಯವಂತೂ ಮೊದಲೇ ಇಲ್ಲ! ಮತ್ತೇ ಇದ್ದದನ್ನ ಇದ್ದ ಹಾಗೇ ಹೇಳುವಂತಹ ಪ್ರಚಂಡವಾದ ಧೈರ್ಯವೂ ಅವರಲ್ಲಿ ಇದೆ. ಒಂದು ರೀತಿಯ ಕ್ರಾಂತಿಕಾರಿ ವ್ಯಕ್ತಿ. ಇವರೊಬ್ಬರು ಅಜಾತ ಶತ್ರುಗಳೆಂದರೆ ತಪ್ಪಾಗದು.ಕಾರಣ ಇಸ್ಟೇ. ಇವರು ಯಾರೊಬ್ಬರಿಗೂ ಹಾಳನ್ನ ಮಾಡಿದವರಲ್ಲ. ಇಸ್ಟರವರೆಗೆ ಸುಮಾರು ೮೦೦೦ ಜನರಿಗೆ ಪುಕ್ಕಟೆಯಾಗಿ ಜಾತಕವನ್ನ ಹೇಳಿದ್ದಾರೆಂದರೆ ನೀವುಗಳು ನಂಬುತ್ತೀರಾ?. ಇವರು ಒಂದು ೮ ಮದುವೆಗಳನ್ನೂ ಮಾಡಿದ್ದಾರೆ. ಒಂದು ಪೈಸಾ ತೆಗೆದುಕೊಳ್ಳಲಿಲ್ಲ. ಆದರೆ ಕೆಲವರಿಗೆ ಕ್ರತಜ್ನತೆಯೇ ಇಲ್ಲ!. ಒಂದು ಥೇಂಕ್ಸ್ ಕೂಡಾ ಇಲ್ಲ!. ಅದಿರಲಿ, ಆ ಮದುವೆಗೆ ಆಮಂತ್ರಣವನ್ನ ಕೊಡಲೂ ಗೊತ್ತಿಲ್ಲ!. ಕೆಲವೊಂದು ಬಾರಿ ಅನ್ನಿಸುತ್ತದೆ. ಈ ಜನರಿಗೆ ಉಪಕಾರವನ್ನ ಮಾಡಬೇಕೇ? ಅವರ ಮಕ್ಕಳು ಮದುವೆ ಆಗದೇ ಹಾಗೆಯೇ ಕೊಳೆಯಲೀ ಅನ್ನುವ ಮನೋಭಾವನೆಯೂ ನನ್ನಲ್ಲಿ ಬರುತ್ತದೆ. ಇರಲಿ. ಈ ಸೇವೆಗೆ ನನಗೆ ಮಾತ್ರ ಹೆಸರೂ ಮತ್ತು ನೆಮ್ಮದಿಯನ್ನೂ ಕೊಟ್ಟಿದೆ ಎಂದರೆ ಅದು ಸುಳ್ಳಲ್ಲ!.  ಅಂದರೆ , ಈ ಮಟ್ಟಿಗೆ ನಮ್ಮ ತಂದೆಯವರ ರಕ್ತ ಸಂಚಾರ ನನ್ನ ದೇಹದಲ್ಲಿಯೂ ಹರಿಯುತ್ತದೆ ಎನ್ನುವುದರ ಬಗ್ಗೆ ಸಾರ್ವಜನಿಕರಿಗೆ  ಈ ಮೂಲಕ ಅರಹುವಿಕೆ. ಅಸ್ಟೆ, ಮತ್ತು ಅವರಲ್ಲಿಯೂ ಇದೆ ಅನ್ನಿ.  ಏನೇ ಇರಲಿ, ಜನಗಳ ಪ್ರೀತಿಯ ಸದಿಯ,  ಸದಿಯ ಮಾಸ್ತರೆನಿಸಿಕೊಂಡರು. ಕೋಟ ಹದಿನಾಲ್ಕು ಜನರಲ್ಲಿ ಬಹಳ ಹೆಸರನ್ನ ತೆಗೆದುಕೊಂಡರು. ಯಾವುದೇ ಸಮಾರಂಭದಲ್ಲಿ ಇವರದ್ದೇ ಉಪಚಾರವಿರುತ್ತಿತ್ತು. ಇವರದ್ದೇ ಕಣ್ಣಿನ ಹದ. ಅದು ಎಸ್ಟರ ವರೆಗೆಂದರೆ, ಊಟಕ್ಕೆ ೨೦೦ ಜನರೇ ಬರಲಿ ಇಲ್ಲಾ ೧೦೦೦ ಜನರೇ ಬರಲಿ, ಆ ಸದೀ ಮಾಸ್ತರನ್ನ ಕರೀರಪ್ಪ ಅನ್ನುತ್ತಿದ್ದರು. ಅವರು ಹೇಳಿದ ಮೇಲೆ ಸೈ. ಬೇರೆ ಯೋಚಿಸಬೇಕಿಲ್ಲ ಅನ್ನುವಸ್ಟು ಇವರ ಕಣ್ಣೀನ ಅಂದಾಜು. ಕಡಿಗೆ ಪಲ್ಯಕ್ಕೆ ೨ ಅಥವಾ ೪ ಕಡಿಗೆ ಬೇಕಿತ್ತೆಂದರೆ ಅದು ಅಸ್ಟೇ ಸಾಕಿತ್ತು! ಸೌತೇ ಕಾಯಿ ೨೫ ಕತ್ತರಿಸು ಹುಳಿ ಹೋಳು ಮಾಡಲು ಹೇಳಿದರೆಂದರೆ ಅದು ಬ್ರಾಹ್ಮಣರ ಊಟ ಮುಗಿದು, ಶೂದ್ರರಿಗೂ ಹಂಚಲು ಸಾಕಾಗುತ್ತಿತ್ತು! ಇನ್ನೊಂದು ವಿಶೇಷವೇನೆಂದರೆ ಮದುವೆಯನ್ನ ಕೂಡಾ ಇವರು ಮಾಡಿಸುತ್ತಿದ್ದರು. (ಇದು ಶ್ರಿ ಸುರೇಂದ್ರ ಉಪಾಧ್ಯರಲ್ಲಿಯೂ ಬಂದಿದೆ. ಅವರು ಈವರೆಗೆ ಸುಮಾರು ೮ ಮದುವೆಗಳನ್ನ ಮಾಡಿಸಿದ್ದಾರೆ. ಒಂದು ವೇಸ್ಟಿ ಇಲ್ಲ, ಒಂದು ಗೌರವ ಇಲ್ಲ ಹಾಗೂ ದಕ್ಷಿಣೆ ಇಲ್ಲ. ಅದೊಂದು ಸಮಾಜ ಸೇವೆ ಮಾತ್ರ!) ಇಲ್ಲಿ ನನಗೆ ನೆನಪು ಆಗುವುದು ಅಪ್ಪೈಯ್ಯ ಮಾಡಿದಂತಹ ಈ ಕೆಳಗಿನ ಸ್ವಾರಸ್ಯಕರವಾದ ಮದುವೆ!

ಒಂದೊಮ್ಮೆ ಇವರು ಎಡಬೆಟ್ಟಿನ ನಮ್ಮ ಅಜ್ಜೈಯ್ಯನ (ನಮ್ಮ ಅಮ್ಮನ ಅಪ್ಪಉಪ್ಪಿನಕುದ್ರೂ ಅನಂತೈಯ್ಯ ಐತಾಳರು) ಮನೆಯಲ್ಲಿ ಊಟಕ್ಕೆ ಕುಳಿತಿದ್ದರು. ಅರ್ಧ ಊಟದಲ್ಲಿ ಇವರಿಗೆ ಉಪ್ಪುಂದಕ್ಕೆ ಕರೆ ಬಂದಿತು. ಅದೇನೆಂದರೆ "ಉಪ್ಪುಂದ ಶ್ರೀಯುತರಾದ .............ಹೊಳ್ಳರು (ಈಗ ಅವರು ಇಲ್ಲ) ಒಂದು ಬಿಳೀ ವೇಸ್ಟಿಯನ್ನ ಹೊದೆದುಕೊಂಡು, ಕವುಂಚ್ ಮಲಗಿದ್ದರಂತೆ. ನೀವು ಬರಬೇಕಂತೆ" ಅಂತ. ತಟ್ಟನೆ ಕೈ ತೊಳೆದು ಉಪ್ಪುಂದಕ್ಕೆ ಹೊರಟರು. ಅದು ಎಡಬೆಟ್ಟಿನಿಂದ ಸುಮಾರು ೩೦ ಕಿಲೋ ಮೀಟರ್ ದೂರದಲ್ಲಿತ್ತು. ಅಲ್ಲಿಗೆ ಹೋಗಿ ನೋಡಿದಾವಾಗ, ಅವರು ಮಾತನಾಡುವುದೇ ಇಲ್ಲ. ಅವರ ಹೆಂಡತಿ ನೋಡಿ ಅವರು ಹೆಣ್ಣನ್ನ ನೋಡಿ ಬಂದು ಹೀಗೆಯೇ ಮಲಗಿದ್ದರು. ನೀವೇ ಈಗ ಅವರನ್ನ ಮಾತನಾಡಿಸಿ ಎಬ್ಬಿಸಿ ಅಂತ ಗೋಳಾಡಿದರು. ಅದು ಮತ್ತೇನಿಲ್ಲ. ಮಾಸ್ಟ್ರ ಕೃಷ್ಣ ಉಪಾಧ್ಯರ ಎರಡನೆ ಮಗಳನ್ನ ಇವರ ಮಗನಿಗೆ ನಮ್ಮ ಅಪ್ಪಯ್ಯನೇ ಮಾಸ್ಟ್ರು ಮನೆ ಹೆಬ್ಬಾಗಿಲಿನಲ್ಲಿ ತೋರಿಸಿದ್ದರು. ಅವಳು ಮಾಸ್ಟ್ರು ತರ ಬಹಳ ಬೆಳ್ಳಗೆ. ಆದರೆ ಈ ............. ಹೊಳ್ಳರ ಅಭಿಪ್ರಾಯದಂತೆ, ಸದೀ ಮಾಸ್ತರು ಹುಡುಗಿಗೆ ಪೌಡರ್ ಹಾಕಿ ತೋರಿಸಿದ್ರು ಅಂತ ಆಪಾದನೆ. ನಮ್ಮ ಅಪ್ಪಯ್ಯನಿಗೆ ತಡೆಯಲಾಗಿಲ್ಲ. ಹೋಯ್, ಹೊಳ್ಳರೇ, ನನ್ನ ಹೆಸರು ಇಡೀ ಕೋಟ ಹದಿನಾಲ್ಕು ಗ್ರಾಮದಲ್ಲಿ ಬಹಳ ಪ್ರಸಿದ್ಧಿ. ನಾನು ನಿಮಗೆ ಹಾಗೆ ಮಾಡುವವನಲ್ಲ. ನಿಮಗೆ ಶಾಂತಿಯಾಗಬೇಕೆಂದರೆ, ನಾನು ಇನ್ನೊಮ್ಮೆ ಹುಡುಗಿಯನ್ನ ತೋರಿಸುವೆ. ಬನ್ನಿ ಅಂತ ಮರು ದಿನಕ್ಕೇ ಮುಹೂರ್ತವನ್ನ ಇಟ್ಟರು. ಸರೀ ಎಲ್ಲರೂ ಬಂದರು. ಎಲ್ಲರೂ ಮಾಸ್ಟ್ರು ಮನೆ ಹೆಬ್ಬಾಗಿಲಿನಲ್ಲಿ ಕುಳಿತಿದ್ದರು. ಆವಾಗ, ನಮ್ಮ ಅಪ್ಪಯ್ಯ, ಮಗಾ "......." ಅಂತ ಹೆಸರನ್ನ ಹೇಳಿ ಬಾವಿ ಕಟ್ಟೆಗೆ ಹೋಗಿ ಸೋಪಿನಲ್ಲಿ ಕಾಣುವ ಹಾಗೆ ಮುಖವನ್ನ ತೊಳೆದುಕೊಂಡು ಸೀದಾ ಹೆಬ್ಬಾಗಿಲಿಗೇ ಬಾ ಎಂದು ಎಲ್ಲರ ಎದಿರಿನಲ್ಲಿಯೇ ಗಟ್ಟಿಯಾಗಿ ಕೂಗಿ ಹೇಳಿದರು. ಅವಳು ಹಾಗೆಯೇ ಮಾಡಿ, ಹೆಬ್ಬಾಗಿಲಿಗೆ ಬಂದು ಕುಳಿತದ್ದು ನೋಡಿ , ಪಾಪ ................. ಹೊಳ್ಳರಿಗೆ ಬಹಳ ನಾಚಿಕೆ ಆಯಿತು. ನಮ್ಮ ಅಪ್ಪೈಯ್ಯನವರಲ್ಲಿ ಕ್ಷಮೆ ಕೇಳಿ, ಕೊನೆಗೆ ಉಪ್ಪುಂದದ ಗಂಡೀನ ಮನೆಯ ದಿಬ್ಬಣ ಮಾಸ್ಟ್ರು ಮನೆ ಮದುವೆಗೆ ನಮ್ಮ ಮನೆಯಿಂದಲೇ ಹೊರಡುವ ಹಾಗೆ ಆಯಿತು!. ಹೀಗೆ ಹಲವಾರು ವಿಚಿತ್ರಗಳನ್ನೂ ನಮ್ಮ ಅಪ್ಪಯ್ಯ ಎದಿರಿಸಿದ್ದರು.

ಇನ್ನೊಂದು ಇವರ ಎರಡನೇ ಮಗಳ ಮದುವೆಯ ವಿಚಾರವಾಗಿಯೇ ನಡೆಯಿತು. ಅದೇನೆಂದರೆ, ಗಂಡು ೩೧ ಹೆಣ್ಣುಗಳನ್ನ ನೋಡಿ ಬಿಟ್ಟಿರುವುದು ಇವರಿಗೆ ತಿಳಿಯಿತು. ಗಂಡಿಗೆ ಕೆಲಸವೇನೆಂದರೆ ಕರೀಂ ನಗರದ ಹೋಟೆಲ್ಲಿನಲ್ಲಿ ಸಪ್ಪ್ಲೈ ಮಾಡಿಕೊಂಡಿರುವ ಅಥವಾ ಕೇಶಿಯರ್ ಆಗಿ ಕೆಲಸವನ್ನ ಮಾಡುತ್ತಿದ್ದರು. ಹುಡುಗಿಯನ್ನ ಸಾಲಿಗ್ರಾಮದಲ್ಲಿರುವ ಬಳೆಗಾರನ ಅಂಗಡಿಯ ಮುಂದೆ ತೋರಿಸುವ ಯೋಜನೆಯನ್ನ ಮಾಡಿಕೊಂಡಿದ್ದರು. ಆದರೆ ಈ ಮುಂಚೆ ಗಂಡಿಗೆ ನಮ್ಮ ಅಪ್ಪೈಯ್ಯ, ಅರ್ಧ ಗಂಟೆ ಭಾಷಣವನ್ನ ಬಿಗಿದರು. ಅದರಲ್ಲಿ ಮುಖ್ಯವಾದದ್ದೇನೆಂದರೆ, ಹೋಯ್, ನೀವು ಬರೀ ಹುಳಿಯಾವ್ಲಕ್ಕಿ, ಉಪ್ಪಿಟ್ಟು ತಿನ್ನುತ್ತಾ ಹೋದಲ್ಲಿ, ಹುಡುಗಿಯರನ್ನ ನೋಡುತ್ತಾ ಹೋದಲ್ಲಿ ಅವರ ತಂದೆ-ತಾಯಿಯರ ಮೇಲಾಗುವ ಪರಿಣಾಮಗಳ ಬಗ್ಗೆ ಯೋಚಿಸಿದ್ದೀರಾ? ಅಲ್ಲಾ ನೀವು ನನ್ನ ಹುಡುಗಿಯನ್ನ ಮದುವೆ ಮಾಡ್ಬೇಕೆಂದು ನಾನು ಹೇಳುವುದಿಲ್ಲ! ಅಂತ ಇವರ ಭಾಷಣವನ್ನ ಮುಗಿಸಿದ್ದರು. ಇವರ ಮಾತನ್ನ ಕೇಳಿ ಅವರು ಕೊನೆಯಲ್ಲಿ, ನನ್ನ ಅಕ್ಕನನ್ನೇ ಒಪ್ಪಿ ಮದುವೆಯಾದರು. ಆ ಮೇಲೆ, ನಮ್ಮ ಅಪ್ಪಯ್ಯನೇ ಹಣವನ್ನ (ರೂ.೨೫೦೦.೦೦) ಹಾಕಿ ಮಹಾರಾಸ್ಟ್ರದಲ್ಲಿ ಹೋಟೇಲನ್ನ ಇಟ್ಟುಕೊಡಲು ಕಾರಣೀಭೂತರಾದರೆನ್ನಿ!. ಇದಕ್ಕೂ ಸದೀ ಮಾಸ್ತರ ಕಥೆಗೂ ಏನು ಸಂಬಂಧವೆಂದು ಕೇಳಿದಲ್ಲಿ, ನಾನು ಹೇಳುವುದು ಇಸ್ಟೆ. ನಮ್ಮ ಅಪ್ಪಯ್ಯ ಮಾಡಿರುವ ಕೆಸವೆಲ್ಲಾ ಹಾಗೆಯೇ. ಬಹಳ ಯೋಚಿಸಿಯೇ ಮಾಡುತ್ತಿದ್ದರು. ಇವತ್ತಿಗೂ ಯಾವ ಮದುವೆಯೂ ಸದೀ ಮಾಸ್ಟ್ರೂ ಮಾಡೀ ಹಾಳಾಯಿತೆನ್ನುವ ಅಪವಾದ ಇಡೀ ಊರಿನಲ್ಲಿಯೇ ಇಲ್ಲ. ಉಲ್ಟಾ ಉದ್ಧಾರವೇ ಆಗಿದೆ ಅನ್ನಿ!.

ಇನ್ನೊಂದು ಮದುವೆಯ ಕಥೆ ಇಲ್ಲಿ ಹೇಳಲೇ ಬೇಕು. ಇದು ನಮ್ಮ ಕಟ್ಟಿದೇವರ ಪೂಜೆಯನ್ನ ಮಾಡುತ್ತಿರುವಂತಹ ಶ್ರೀಯುತರಾದ ಸಣ್ಣಯ್ಯ ಉಪಾಧ್ಯರ ಎರಡನೇ ಪುತ್ರಿಯ ಮದುವೆ. ಅವರಿಗೆ ಮದುವೆ ಸ್ವಲ್ಪ ಲೇಟ್ ಆಗಿತ್ತೆಂದರೆ ಅದು, ಇವತ್ತಿನ ಕಾಲಕ್ಕೆ ಲೇಟ್ ಅಲ್ಲವೇ ಅಲ್ಲ. ಆದರೆ ವಿಚಿತ್ರ್ವೇನೆಂದರೆ ನಮ್ಮ ಕಟ್ಟಿದೇವರಲ್ಲಿ ನಡೆಯುತ್ತಿರುವಂತಹ ದೈವ ಪೂಜೆಯಲ್ಲಿ ಇಡೀ ಒಂದು ದೊಡ್ಡ ತಾಮ್ರದ ಚಂಬು ತಣ್ಣೀರನ್ನ ಗಟಗಟನೆ ಕುಡಿಯುತ್ತಿದ್ದಳು. ಅವಳಿಗೆ ಕೆಲವೊಮ್ಮೆ ಜನಗಳನ್ನ ನೋಡಿದಲ್ಲಿ ದರ್ಷನದ ತರಹ ಬರ್ತಿತ್ತು!. ಒಂದು ವಿಚಿತ್ರ ವಿಚಿತ್ರವಾಗಿ ವರ್ತಿಸುತ್ತಿದ್ದಳು!. ಅದನ್ನ ನಮ್ಮ ಅಪ್ಪಯ್ಯ ನೋಡಿ, ಸಣ್ಣಾ, ಈ ಹುಡುಗಿಗೆ ಮದುವೆ ಮಾಡು. ಎಲ್ಲಾ ಸರಿ ಹೋಗುತ್ತೆ ಅಂದರು. ಆದರೆ ತಿಳಿದವರು ಇವಳಿಗೆ ಗಂಡನ್ನ ಕೊಡುತ್ತಿರಲಿಲ್ಲ. ಅದಕ್ಕಾಗಿ ಬಹಳ ದೂರ ಹೋಗಬೇಕಿತ್ತು. ಸರಿ.  ಅಲ್ತಾರದ ಹತ್ತಿರ( ಮೂಡಿನೂರು) ಒಬ್ಬ ಗಂಡು ಇರುವುದು ಇವರುಗಳಿಗೆ ತಿಳಿಯುತು. ಆ ಹುಡುಗನನ್ನ ನೋಡಲು, ನಮ್ಮ ಅಪ್ಪನೇ ಸೈಕಲ್ ತೆಗೆದುಕೊಂಡು ಹೋಗಿ ನೋಡಿಕೊಂಡು ಇವರ ರೆಕಮೆಂಡೇಷನ್ನನ್ನ ಕೊಟ್ಟರು.ಹಾಗೆ ಹೋದಾವಾಗ, ಅಲ್ಲಿಯೇ ಹತ್ತಿರ ಇರುವ ಹೊಳೆಯಲ್ಲಿ ಸೈಕಲ್ಲೂ ಬಿದ್ದು, ಇವರೂ ಕೂಡ ಬಿದ್ದು ಗಾಯವನ್ನ ಮಾಡಿಕೊಂಡರಂತೆ! ಸರಿ ಆ ಹುಡುಗಿಗೆ ಮದುವೆ ಆಯಿತು. ಆದ ಮೇಲೆ ಎಲ್ಲಾ ಕಾಹಿಲೆಗಳು ಸರಿ ಹೋಗಿ ಈಗ ಅವಳು  ಮೂರು ಹೆಣ್ಣು ಮಕ್ಕಳ ತಾಯಿ. ಇಬ್ಬರು ವಿದೇಶದಲ್ಲಿದ್ದರೆ ಒಬ್ಬಳು ಇಲ್ಲಿಯೇ ಇರುವಳು. ಎಲ್ಲಾ ಇಂಜಿನೀರ್ಸ್. ಇನ್ನೇನು ಬೇಕಪ್ಪಾ? ಇದನ್ನೆಲ್ಲಾ ಯಾತಕ್ಕೆ ನಿಮಗೆ ಹೇಳುತ್ತಿದ್ದೇನೆಂದರೆ, ನಮ್ಮ ಅಪ್ಪೈಯ್ಯನೂ ಮದುವೆಯನ್ನ ಮಾಡಲು ಎಸ್ಟೊಂದು ಕಸ್ಟವನ್ನ ಪಡುತ್ತಿದ್ದರೂ ಅಂತ, ಅಸ್ಟೆ.

ಮತ್ತೊಂದು ಇಂಟರೆಸ್ಟಿಂಗ್ ಕಥೆ ನಮ್ಮ ಗ್ರಾಮದ ಪಟೇಲರ ಮನೆಯಲ್ಲಿ ನಡೆಯಿತು. ಅವರು ಒಂದು ಹುಬ್ಬಳ್ಳೀ  ಎಮ್ಮೆಯನ್ನ ಕಟ್ಟಿದ್ದರು. ಅದು ಒಳ್ಳೇ ೧೦ ಸಿದ್ದೆಗಿಂತ ಹೆಚ್ಚಿಗೆ ಹಾಲನ್ನ ಕೊಡೂತ್ತಿರುವ ಎಮ್ಮೆ. ಆದರೆ ಬೆಳಿಗ್ಗೆ ಕರೆಯಲು ಹೋದಾವಾಗ, ಒಂದು ಸಿದ್ದೆ ಹಾಲು ಕೂಡಾ ಇರುತ್ತಿರಲಿಲ್ಲ!. ಅವರಿಗೆ ತಲೆ ಬಿಸಿ ಆಯಿತು. ಆವಾಗಿನ ಕಾಲದಲ್ಲಿ ಸುಮಾರು ರೂಪಾಯಿ ೪೦೦ ಕೊಟ್ಟು ತೆಗೆದುಕೊಂಡು  ಬಂದಂತಹ ಎಮ್ಮೆ. ಅದನ್ನ ನಮ್ಮ ಈ ಸದೀ ಮಾಸ್ತರ ಹತ್ತಿರ ಹೇಳಿದರು. ಆಗ ನಮ್ಮ ಅಪ್ಪಯ್ಯ, ನೋಡೂ ಮಾಬ್ಲಾ ( ಪಟೇಲರ ಎರಡ್ನೇ ಪ್ರಾಧ್ಯಾಪಕ ಮಗ), ನೀನು ಬೆಳಿಗ್ಗೆ ೩ ಗಂಟೆಗೆದ್ದು ಹಟ್ಟಿಯನ್ನ ಕಾಯ್ಬೇಕು. ಯಾರಾದರೂ ಎಮ್ಮೆ ಕರೆಯಲು ಬರಬಹುದು. ನಾಳೆ ಈ ಕೆಲಸವನ್ನ ಮಾಡ್ಬೇಕು ಅಂತ ಹೇಳಿದರು. ಸರಿ ಇವರ ಮಾತಿನಂತೆ, ಮಾಬ್ಲ ಉಪಾಧ್ಯರು (ಈಗ ಅವರಿಲ್ಲ) ಬೆಳಿಗ್ಗೆ ೩ ಗಂಟೆಗೆ ಹಟ್ಟಿಯಲ್ಲಿ ಯಾರಿಗೂ ಕಾಣದ ಹಾಗೆ ಅಡುಗಿ ಕುಳಿತಿದ್ದರು. ಸರಿಯಾಗಿ ೩.೩೦ ಕ್ಕೆ ಒಂದು ದಪ್ಪದ ಹೆಂಗಸು ಬಂದು ಎಮ್ಮೆ ಕರೆಯಲು ಕುಳಿತಿತು. ಥಟ್ಟನೆ ಎದ್ದು ಹೋಗಿ ರೆಟ್ಟೆಗೆ ಕೈ ಹಾಕಿ ಹಿಡಿದು ಮನೆಯ ಅಂಗಳದಲ್ಲಿರುವ ತೆಂಗಿನ ಮರಕ್ಕೆ ಕಟ್ಟಿಹಾಕಿ ಸಾರ್ವಜನಿಕರ ಸಮಕ್ಷಮದಲ್ಲಿ ಒಂದು ಬೆತ್ತದಿಂದ ಛಡೀ ಏಟನ್ನ ಕೊಡುತ್ತಿದ್ದರು. ಆ ಮೇಲೆ ಅವರ ಹೆಸರ್ ಕಳ್ಳೀ .....ಯಮ್ಮ ಅಂತಲೇ ಆಯಿತು. ಅದು ಬಿಡಿ. ಆದರೆ ಈ ಸದೀ ಮಾಸ್ತರ ಚಾಣಕ್ಯನ ಬುದ್ಧಿಯಿಂದಾಗಿ, ಇವರ ಮನೆ ಎಮ್ಮೆಯು ಮುಂದಿನ ದಿನಗಳಲ್ಲಿ ೧೧ ಸಿದ್ದೆ ಹಾಲನ್ನ ಕೊಡುವಂತಾಯಿತು. ಆವತ್ತಿನಿಂದ ಊರ ಪಟೇಲರಿಗೂ ನಮ್ಮ ಅಪ್ಪಯ್ಯನಿಗೂ ಎಲ್ಲಿಲ್ಲದ ನಂಟು.

ಇಲ್ಲಿ ನಿಮಗೆಲ್ಲಾ ಅವರ ಸಮಕಾಲೀನ ವ್ಯಕ್ತಿಗಳ ಹೆಸರನ್ನ ಕೊಡಬೇಕೆಂದಿರುವೆ ಹಾಗೂ ಇವರಿಗೆ ಸಮಾಜದಲ್ಲಿ ಸ್ಥಾನ, ಮಾನ ಕೊಟ್ಟಂತಹ ಗಣ್ಯರಿಗೆ ಒಂದು ಧನ್ಯವಾದಗಳನ್ನ ಹೇಳಬೇಕೆಂದಿರುವೆ.

ಸಣ್ಣಯ್ಯ ಉಪಾಧ್ಯರು, ಪಾತ್ರಿ ವಿಷ್ಣುಮೂರ್ತಿ ಉಪಾಧ್ಯರು, ಪಟೇಲರ ಮನೆ ಗೋವಿಂದ ಉಪಾಧ್ಯರು, ಪಟೇಲ ಪರಮೇಷ್ವರ ಉಪಾಧ್ಯರು, ಮಾಸ್ಟ್ರು ಮನೆ ಕೃಷ್ಣ ಉಪಾಧ್ಯರು, ಎಂಕ್ಟೈಯ್ಯನ ಮನೆ ಕೃಷ್ಣ ಉಪಾಧ್ಯರು, ಮೀಸೆ ಶೀನ ಉಪಾಧ್ಯರು, ಅನಂತೈಯ್ಯ ಮಾಸ್ತರು, ತೆಂಕಿನ ಕೇರಿ ಗಣಪಯ್ಯ ಉಪಾಧ್ಯರು, ಅಂತಣ್ಣ ಉಪಾಧ್ಯರು, ಪಟೇಲರ ಮನೆ ವಾಸ ಉಪಾಧ್ಯರು, ಮಂಟಪ ಕಿಸ್ಟುಪಾಧ್ಯರು, ಅಂಗಡೀ ರಾಮ ಉಪಾಧ್ಯರು, ಶೇಶಾದ್ರಿಪುರ ನಾರಾಯಣ ಉಪಾಧ್ಯರು, ಮಂಟಪ ಶೀನ ಉಪಾಧ್ಯರು, ತೋಂಟಕೇರಿ ಸದಾಶಿವ ಉಪಾಧ್ಯರು, ಪಾರಂಪಳ್ಳಿ ರಾಮ ಭಟ್ಟರು, ಪಾರಂಪಳ್ಳಿ ಅನಂತಯ್ಯ ಉಪಾಧ್ಯರು, ಪಾರಂಪಳ್ಳಿ ವಾಸುದೇವ ಉಪಾಧ್ಯರು, ವೈಟ್ರು ಕಿಟ್ಟು ಉಪಾಧ್ಯರು, ಪೋಸ್ಟ್ ಮಾಸ್ಟರ್ ಶಂಕ್ರ ಮಧ್ಯಸ್ಥರು, ಜನ್ನ ಮಧ್ಯಸ್ಥರು, ವೆಂಕಪ್ಪಯ್ಯ ಮಧ್ಯಸ್ಥರು, ಪಾರಂಪಳ್ಳಿ ಯಜ್ನ ಮಯ್ಯರು, ರಾಮಚಂದ್ರ ಹೇರ್ಳೆಯವರು, ಸೂರ್ಯನಾರಾಯಣ ಹೇರ್ಳೆಯವರು, ಬಚ್ಚ ಭಟ್ಟರು, ಕಿಟ್ಟ ಭಟ್ಟರು, ಜನ್ನ ಭಟ್ಟರು, ವೀಣಾ ರಾಮಚಂದ್ರ ಐತಾಳರು, ಅಡುಗೇ ವಿಷ್ಣುಮೂರ್ತಿ ಐತಾಳರು, ಹೊಸಮನೆ ವಿಷ್ಣುಮೂರ್ತಿ ಉಪಾಧ್ಯರು, ಗುಂಡ್ಮೀ ಸೋಮಯ್ಯ ಮೈಯರು, ಗುಂಡ್ಮೀ ನರಸಿಂಹ ಮೈಯ್ಯರು, ಗುಂಡ್ಮಿ ಶಂಕ್ರ ಉಪಾಧ್ಯರು, ಗುಂಡ್ಮಿ ಲಕ್ಷ್ಮೀನಾರಾಯಣ ಉಪಾಧ್ಯರು,  ಕನ್ಯಾಣ ತಮ್ಮಯ್ಯ ಐತಾಳರು, ವಾಸಯ್ಯ ಐತಾಳರು, ಮೋಟ್ ಕಿಸ್ಟೈತಾಳರು, ಮಾಸ್ತರು ಯಜ್ನ ಐತಾಳರು, ಕೋಡಿ ಶಿವೈ ನಾವಡರು, ಕೋಡಿ ಶಿವ್ರಾಮ ನಾವಡರು, ದೋಣಮ್ಮನ ಮನೆ ಲಕ್ಷ್ಮಿನಾರಾಯಣ ಉಪಾಧ್ಯರು (ಇವರು ನಮ್ಮ ಅಪ್ಪನಿಗೆ ಮಾವನಾಗ ಬೇಕು.) ಕೋಡಿ ವೆಂಕ್ಟ್ರಮಣ ಉಪಾಧ್ಯರು, ಕೋಡೀ ಶೇಷಪ್ಪ ಉಪಾಧ್ಯರು (ಇವರ ಮೆನ್ಯಲ್ಲಿಯೇ ಅಪ್ಪೈಯ್ಯನು ಎರಡು ವರ್ಷಗಳ ಕಾಲ ತ್ಮ್ಮ ಬಾಲ್ಯವನ್ನ ಕಳೆದಿದ್ದರು. )ಕೋಡಿ ಉಡುಪರು, ಕೋಡಿ ಮಾಧವ ಕಾರಂತರು ಹಾಗೂ ನರಸಿಂಹ ಕಾರಂತರು, ಕೋಡಿ ಶೇಶಪ್ಪ ಉಪಾಧ್ಯರು, ಚಿತ್ರಪಾಡಿ ಗಣಪಯ್ಯ ಐತಾಳರು, ಬಾಳಕುದ್ರು ರಾಮ ಹೊಳ್ಳರು, ಚಿತ್ರಪಾಡಿ ಪರಮೇಷ್ವರ ಉರಾಳರು, ಯಜ್ನ ಉರಾಳರು, ಸಣ್ಣ ಉರಾಳರು, ಕಾರ್ಕಡ ಗಂಗಾಧರ ಐತಾಳರು, ಕಾರ್ಕಡ ಮಹಾಬಲ ನಕ್ಷತ್ರಿಗಳು ಹಾಗೂ ಭಜನೆಯ ಮಹಾಬಲ ಉಪಾಧ್ಯರು, ಎಡಬೆಟ್ಟು ಲಕ್ಷ್ಮೀನಾರಾಯಣ ಐತಾಳರು, ನಾರಾಯಣ ಹೊಳ್ಳರು, ಮುಂಡಾಸ್ ಹೇರ್ಳೆಯವರು ಹೀಗೆ ಹೇಳುತ್ತಾ ಹೋದಲ್ಲೀ ಈ ಪಟ್ಟಿ ಉದ್ದವಾಗಿ ಹೋಗುತ್ತೆ. ಇನ್ನು ಸೆಕೆಂಡ ಜನರೇಷನ್ನಿನವರು ಬಹಳ ಮಂದಿ ಇದ್ದಾರೆ ಬಿಡಿ.

ಇವರುಗಳಿಗೆ ನಮ್ಮ ಧನ್ಯವಾದಗಳನ್ನ ಹೇಳಲೇ ಬೇಕು. ಇವರುಗಳು ಯಾರೆಂದರೆ, ಮುಖ್ಯವಾಗಿ
೧. ಕೋಡೀ ನರಸಿಂಹ ಉಪಾಧ್ಯರು, ನಮ್ಮ ಅಪ್ಪಯ್ಯನನ್ನ ಬಾಲ್ಯದಲ್ಲಿ ಸಾಕಿದವರು.
೨. ಪಡುಕೆರೆ ಕೃಷ್ಣ ಉಪಾಧ್ಯರು, ನಮ್ಮ ಅಪ್ಪಯ್ಯನಿಗೆ ಗುಡ್ಡೀ ಶಾಲೆಯಲ್ಲಿ ಕೆಲಸವನ್ನ ಕೊಟ್ಟು ಸದಿಯನನ್ನ ಸದೀ ಮಾಸ್ತರ್ ಆಗಿ ಮಾಡಿದ್ದಕ್ಕೆ.
೩. ನಮ್ಮ ಅಣ್ಣ ಹಾಗೂ ಅಕ್ಕ ತಂಗಿಯರಿಗೆ. ಬೆಳಿಗ್ಗೆ, ಸಾಯಂಕಾಲ ಶಾಲೆ ಬಿಟ್ಟಾಗ ಗದ್ದೆಗಳಲ್ಲಿ ಗೊಬ್ರ ಹಾಗೂ ಶ್ಯಟ್ಟಿಯನ್ನ ಹೊತ್ತೂ, ಗದ್ದೆಗಳಲ್ಲಿ ಬಿತ್ತಿ, ನೆಟ್ಟಿ ನೆಡುವಲ್ಲಿ, ಕೊಯ್ಲನ್ನ ಕೊಯ್ಯುವಲ್ಲಿ, ಮನೆ ಕೆಲಸಗಳನ್ನ ಮಾಡುವಲ್ಲಿ, ಮುಡಿ ಕಟ್ಟುವಲ್ಲಿ, ತಿರಿ ಕಟ್ಟುವಲ್ಲಿ, ಹೋಟೆಲ್ ಹಾಗೂ ಅಂಗಡಿಯಲ್ಲಿ ಕೆಲಸವನ್ನ ಮಾಡಿ ಹಣ ಸಂಪಾದನೆಯನ್ನ ಮಾಡಿ ಅಪ್ಪಯ್ಯನಿಗೆ ತಮಗಾದಸ್ಟು ಹಣವನ್ನ ಕೊಟ್ಟು ಮಾನಸಿಕ ಸ್ಥಿರತೆಯನ್ನ ಕಾಪಾಡುವಲ್ಲಿ.
೪. ಊರವರಿಗೆ ನಮ್ಮ ಅಪ್ಪಯ್ಯನಿಗೆ ಸಾಕಸ್ಟು ಗೌರವ ನೀಡುವಲ್ಲಿ ಸಹಾಯವನ್ನ ಮಾಡಿದ್ದಕ್ಕೆ.
೫. ಗುಂಡ್ಮೀ ಸೋಮೈಯ್ಯ ಮೈಯರಿಗೆ, ಅವರು ನಮ್ಮ ಅಪ್ಪೈಯ್ಯನಿಗೆ ಬೆಂಗಾವಲಾಗಿ ನಿಂತದ್ದಕ್ಕೇ
೬. ಇನ್ನು ಕೇರಿಯ ಮಂದಿಗೆ, ಮಹಾಬಲ ಮಾಸ್ಟ್ರಿಗೆ ಮತ್ತು ಉಳಿದ ವ್ಯಕ್ತಿಗಳಿಗೆ ಮತ್ತು ಗಣ್ಯರಿಗೆ.

ಓಹೋ, ಕಥೆ ಬಹಳ ಹೆಚ್ಚಾಯ್ತು. ನಾನಿಲ್ಲಿಗೇ ನಿಲ್ಲಿಸುತ್ತೇನಪ್ಪಾ ಆಯ್ತಾ? ಬೈಯ್ಬೇಡಿ ನನ್ನನ್ನ. ಏನು ಇವನ್ ಅಪ್ಪನೊಬ್ಬನೇ ಸೈಯಾ ಊರಿನಲ್ಲಿ, ಬೇರವರಿಗೂ ಅಪ್ಪ ಇಲ್ಲ್ವಾ ಅಂತ. ನೀವೂ ಬರೀರಪ್ಪಾ, ಯಾರ್ಬೇಡಾ ಅಂದ್ರೂ? ಇಲ್ಲಾಂದ್ರೇ ನಟ್ರಾಜ ಉಪಾಧ್ಯರಿಗೆ ಹೇಳಿ, ಅವ್ರಿಗೊಳ್ಳೇ ಉಮ್ಮಸ್ ಉಂಟ್ ಕಂಡ್ರಿಯಾ. ಬಿಡ್ಬೇಡಿ. ಅವ್ರನ್ನ ಹಿಡ್ಕೊಳ್ಳೀ.  ಈ ಕಥೆಯನ್ನ ಓಡಿದ ಎಲ್ಲರಿಗೂ ಸದಿಯ ಮಾಸ್ತರ ಕಿರೀ ಮಗನು ಮೊದಲೇ ಮಾಡುವ ಧನ್ಯವಾದಗಳು.

ಬರೆದವರು

ಪಾರಂಪಳ್ಳೀ ಸುರೇಂದ್ರ ಉಪಾಧ್ಯ
ಸದೀ ಮಾಸ್ತರ ಕಿರೀ ಮಗ.
೦೨/೦೪/೨೦೧೬