ಪರಶುರಾಮ ಸೃಷ್ಟಿ ಕಥನಗಳ ನಿತ್ಯೋತ್ಸವ - ಪಾ.ನ.ಉ. ೦೦೦೩ ದೋಣಿ ಬಿಡು ಚೆನ್ನಪ್ಪ ಪೂಜಾರ್ರ್ ಕಥಿ!

ದೋಣಿ ಬಿಡು ಚೆನ್ನಪ್ಪ ಪೂಜಾರ್ರ್ ಕಥಿ!

Original post: http://www.stumbleupon.com/to/stumble/go/?clientid=11ce717656eda5768c4944ded9047880&client_type=bookmark&version=1.0

(ಸತ್ಯ ಘಟನೆಗಳು, ಹೆಸರುಗಳು ಬದಲಾಗಿವೆ)

ನಮ್ ಊರು ಪಾರಂಪಳ್ಳಿ ಪಡುಕೆರಿ ಆದ್ರೂ ಕೋಡಿ ಅಳಿವಿಯಿಂದ ಕೋಟ ಪಡುಕೆರಿವರಿಗೂ ಇತ್ ಸಾಲಿಗ್ರಾಮ್ ಪ್ಯಾಟಿಯಿಂದ್ ಕೋಟ ಅಮೃತೇಸ್ವರಿವರಿಗೂ ನಮ್ದೇ ಊರ್ ಅಂಬು ಭಾವನಿ!

ಇವತ್ತಿನ್ ಕಥಿ, ನಮ್ ಪಡುಕೆರಿಗೂ ಕೋಡಿ ಕನ್ಯಾನಕ್ ತಾಕ್ಕಂಡಿಪ್ ಹಿನ್ನೀರ್ ಹೊಳಿಗ್ ಸೇರ್ಕಂಡಿಪ್ ತೆಂಗಿನ್ ತೋಟ ತುಂಬ್ಕಂಡಿಪ್ ಜಾಗದಲ್ ಹುಟ್ಟಿದ್, ಇದನ್ ನಾವ್ "ಕಾಕತಾರ್" ಅಂತ್ ಕರಿತ್! ಇದ್ ಪೂಜಾರ್ರ್ ಕೇರಿ, ಎಲ್ಲರೂ ಅಜಾನುಭಾವರೇ, ಗಂಡಸರ್ ಕೋಟಿ ಚೆನ್ನಯ್ಯರಾಂಗ್ ಚೆಂದದ್ ಮುಡಿಗಳ್, ಹೆಂಗಸ್ರ್ ಕೂಡಾ, ಕೆಲವ್ರ್ ಕಪ್, ಕೆಲವ್ರ್ ಬೆಳ್ಳಗ್, ಕೆಲವ್ರ್ ಎರಡೂ ಮಿಕ್ಸಾಯ್ ಚಿನ್ನದ್ ಬಣ್ಣ!

ಇಲ್ ಒಬ್ರ್ ಚೆನ್ನಪ್ ಪೂಜಾರ್ರ್ ಅಂತ್ ಇದ್ರ್! ಅವರ್ ಚಿನ್ನದ್ ಬಣ್ಣದವ್ರೇ, ಬಾಯ್ ತುಂಬ ಎಲಿ ಅಡ್ಕಿ ಹೊಗಿಸೊಪ್ಪಿಂದ್ ಬಣ್ಣ, ಸಂಕೋಚ, ಒಳ್ಳಿ ನಗಿ ಮುಖದ್ ಮೇಲ್! ಮೊದ್ಲ್ ಮೊದ್ಲ್ ನಾ ಅವರನ್ ಗದ್ದಿ ಹೊದ್ ಮಾಡು ಕೆಲ್ಸ್ಕ್ ಬಪ್ಪುದ್ ಕಂಡಿದೆ. ಎಲ್ಲರಂಗ್ ದಿನಾ ಕೆಲ್ಸ ಮಾಡುದ್ ಕಾಣ್ಲ, ಅಪರೂಪಕ್, ಕೆಲ್ಸ್ ಮಾಡಿರೆ ಲಾಯ್ಕೆ ಮಾಡುದು, ಈ ಕಾಕತಾರಿನವರೆಲ್ಲ ಲಾಯ್ಕ್ ಕೆಲ್ಸ್ ಮಾಡಿಯವ್ರೇ! ಕೊಚ್ಚಿಗ್ ಮೋಸ ಮಾಡಿಯವ್ರೇ ಅಲ್ಲ!

ಕಡಿಕಡಿಗ್ ಅವ್ರ್ನ್ ಅಂಗಡಿ ಬದಿಯೇ ನಾ ಹೆಚ್ ಕಾಂಬು ಸುರುಮಾಡಿಯೇ, ಹೆಚ್ಚಾಯಿ ಬೀಡಿ ತಕಂಬುಕೇ ಬಪ್ಪುದ್, ನಾವ್ ಮಾರ್ತಿದ್ದದ್ "ಮೂವತ್ತು ಮಾರ್ಕಿನ್ ಬೀಡಿಗಳು", ನಂಗ್ ಅದ್ರದ್ ಹೊಗಿ ಪರಿಮಳಕ್ಕಿಂತ್ ಅದನ್ ಹಚ್ಚಕ್ಕಾದ್ರ್ ಮೊದ್ಲ್ ಅದರ್ ಒಣ್ಗಿದ್ ಎಲಿ ಪರಿಮಳವೇ ಲಾಯ್ಕ, ಆಗಾಗ ಬೀಡಿ ಕಟ್ ಕಟ್ಟೇ ಅಂಗ್ಡಿಲ್ ಸೇರ್ಸುವಾಗ್ ನಾನ್ ಬೀಡಿ ಕಟ್ಟಿನ್ ಪರಿಮಳ್ ಮೂಗಿಗ್ ಹೀರಿ ತಕ್ಕಂಬ್ದ್, ಈ ಪೆಟ್ರೋಲ್ ವಾಸ್ನಿ ಅಭ್ಯಾಸ್ ಆದವ್ರ್ ಪೆಟ್ರೋಳ್ ಮೂಸುವಾಂಗ್!

ಚೆನ್ನಪ್ ಪೂಜಾರ್ರ್ ಅಂಗಡಿಗ್ ಬಂದ್ರೂ ಹೆಚ್ಚ್ ಬೇರ್ಯವ್ರಾಂಗ್ ಬಾಯ್ ತುಂಬ್ ಮಾತಿಲ್ಲ, ಘನ ಗಾಂಭೀರ್ಯವೇ, ಬಾಯ್ ತುಂಬ್ ಕೆಂಪ್ ನಗಿ ಯಾವಗ್ಲೂ ಇತ್, ಉಳಿದವರ್ ಅವ್ರನ್ ಕಂಡ್ ಕುಚ್ಚಣಿಸುವಾಗ್ ಮಾತಡುವುದ್, ಎಂತ ಕಥಿ ಅಂತ್ ನಂಗ್ ಮೊದ್ಲ್ ಮೊದ್ಲ್ ಗೊತ್ತಾಯಿಲ್ಲ, ಕೊನಿಗ್ ಗೊತ್ತಾಯ್ತ್, ಅವರಿಗ್ ಮನಿ ಬದಿ ಹೆಚ್ ಜಬಾದಾರಿ ಇಲ್ಲೆ, ಕೆಲ್ಸ ಮಾಡುವುದ್ ಬಿಟ್ರೆ ಸಿಕ್ಕುದ್ ಹೆಚ್ಚಾಯ್ ಸಾರಾಯ್ ಅಂಗ್ಡಿಲೇ ಅಮಿಗೆ, ಅದ್ ಬಿಟ್ರೆ ನಮ್ ಅಂಗ್ಡಿಗೆ ಬೀಡಿ ತಕ್ಕಂಬುಕ್ ಬಪ್ಪುದ್, ಬಪ್ಪ್ವತಿಗೆ ಟೈಟ್, ಆನಮುನಿ ಟೈಟ್ ಇಪ್ಪತಿಗೆ ಅವರ ನಿಜವಾದ್ ನಮೂನಿ ಮುಂದ್ ಬಪ್ಪುದ್, ಮಾತ್ ಕಮ್ಮಿ, ಮುಖ ತುಂಬ ನಗಿ, ಒಂದ್ ರೀತಿ ಲಹರಿ ಒಳ್ಗೆ, ತಂದೇ ಆದ್ ಕುಸೀ ಪ್ರಪಂಚದೊಳ್ಗೆ, ಕೆಲ್ಸ ಮಾಡುಕ್ ಸ್ಫೂತಿಯೇ ಸರಾಯ್ ಅಂಗ್ಡಿಗೆ ಹೋಪು ಕಾಸಿಗ್ ಮಾತ್ರ!

ಕೊನಿಕೊನಿಗ್ ಅವ್ರ್ ಕೆಲ್ಸ್ ಮಾಡುದ್ ಕಾಂಬುದೇ ಕಮ್ಮಿಯಾಯ್ತ್, ಅವರ್ ದೋಣಿ ಬಿಡು ವ್ಯವಹಾರ ಇಟ್ಕೊಂಡವ್ರ್! ಅದ್ರಲ್ ಏನೇನ್ ಕೆಲ್ಸ ಸಿಕ್ಕಿತೋ ಏನೋ, ರಾತ್ರಿ ಚಟ್ಲಿ ಮೀನ್ ಹಿಡುದ್, ಹಿನ್ನೇರ್ಲ್ ಹೊಯ್ಗಿ, ಕೆಸ್ರ್ ಸಾಗ್ಸುದ್ ಹೀಂಗ್ ಇಪ್ಪುಕೂ ಸಾಕ್!

Photo courtesy: Mr. P V Upadhya, Saligrama

ನಮ್ಮೂರ್ ಹಿನ್ನೀರ್ಗ್ ಒಂದ್ ಮುರ್ಕ್ ಸಂಕ ಇತ್, ಗಾಳಿಮರದ್ ಕಂಬಗಳ್ ಮೇಲ್ ಹಲಗಿ ಹಾಕಿ ನಮ್ಮೂರ್ ಆಚಾರ್ರ್ ಮಾಡಿದ್ದೇ, ನಮ್ ಕೇರಿ ಬಿರಾಂಬ್ರ್ ದುಡ್ ಸೇರ್ಸಿ ಕಟ್ಟಿದ್ದೆ! ಈ ಉಪ್ ನೀರಲ್ ಆ ಗಾಳಿ ಮರದ್ ಕಂಬಗಳಿಗ್ ಒಂದ್ ರೀತಿ ಗಟ್ಟಿ ಮಳಿ ಚಿಪ್ ಕಟ್ಕಂಬುದ್, ಉಬ್ರ ಇಳ್ತ ನೀರ್ ಆ ಬದಿ ಈ ಬದಿ ಹೋಪತಿಗ್ ಆ ಮರದ್ ಕಂಬ ಸಲ್ಪ ಸಲ್ಪ ಸಮ್ದ್ ಸಲ್ಪ ಸಲ್ಪ ಆಡ್ಡಾದಿಡ್ಡಿ ಆಯಿ ನಮ್ ಸಂಕ ಮೇಲ್ ಅಂಕುಡಂಕ್, ಏರ್ ಪೀರ್, ಅಲ್ಲಲ್ಲಿ ಮಧ್ಯ ಹಲಗಿ ಹಾರಿ ಬಿದ್ ಹೋಯಿ ಕಾಲ್ ದಾಟ್ಕಂಡೇ ಹೋಯ್ಕ್, ಇದ್ ಮಾಮೂಲಿ, ವರ್ಸಕ್ಕೊಮ್ಮಿ ಸಂಕ ಒಂದ್ ಬದಿ ಮುರ್ದ್ ಬಿದ್ದ್ ಹೋಪುದ್, ಅದನ್ ನಮ್ ಕೇರಿಯವ್ರ್ ಸೇರಿ ರಿಪೇರಿ ಮಾಡುಕೆ ಒಂದ್ ವಾರ ಇಲ್ಲಾ ಹದಿನೈದ್ ದಿನ ತಕ್ಕಂಬುದ್! ಆಗ್ಲಿಗ್ ನಮಗ್ ಹೊಳಿ ದಾಟುಕೆ ದೋಣಿಯೇ ಗತಿ, ನಮ್ ದೋಣಿ ಚೆನ್ನಪ್ಪನವ್ರೇ ಸಿಕ್ಕುದ್! ಅವ್ರಿಗೂ ನಾವ್ ಒಂದ್ರುಪಾಯಿ ಆಳಿಗೊಂದ್ ಕೊಟ್ರು ಒಳ್ಳಿ ಸಂಪಾದ್ನಿ!

ಈ ದೋಣಿಲೇ ಸೈಕಲ್ ದಾಟತ್, ತಲಿ ಹೊರಿ ದಾಟತ್, ಕಂಕಳಲ್ ಇದ್ ಕೋಳಿ ಪಡಿ ಕೋಳಿ ದಾಟತ್, ದೋಣಿ ಹತ್ತು ಇಳು ಶುರಿಗ್ ಸಲ್ಪ ನಿಧಾನ ಇರ್ಕ್, ಗಡಿಬಿಡಿ ಮಾಡಿರೆ ದೋಣಿ ಕವ್ಚಿ ದೋಣಿಲ್ ಇದ್ದೋರೆಲ್ಲ ನೀರ್ ಪಾಲೇ, ಹಾಂಗಾಯ್ ದೋಣಿ ಬಿಡುರ್ ದೋಣಿ ಜಲ್ ನೀರಿಗ್ ಇಟ್ಕಂಡ್ ಗಡಿಬಿಡಿ ಭಾಗವತ್ರ್ ಅಲ್ಗಾಟನ್ ಬ್ಯಾಲೆನ್ಸ್ ಮಾಡ್ಕಂಡ್ ದೋಣಿ ಇಟ್ಕಂಣ್ಕ್, ದೋಣಿಲ್ ಬಂದವರ್ ಒಬ್ರೆ ಇದ್ರ್, ಅವರನ್ ಕೈಹಿಡ್ಕಂಡ್ ಕೆಳ್ಗ್ ಪಾದ ಇಲ್ಲಾ ಮೊಳಕಾಲ್ ಮುಳುಗುವಷ್ಟ್ ನೀರಿಗ್ ಇಳಿಸಿ ಬಿಡ್ಕ್, ಇಲ್ದಿರೆ ಅವ್ರ್ ದೋಣಿ ಕವಂಚ್ ಹಾಕಿಯೇ ಮನಿಗೋ ಪ್ಯಾಟಿಗೋ ಹೋಪರ್, ಯಾವ್ ದಿಕ್ಕಿಗೆ ದೋಣಿ ಬಂದಿತ್ ಅಂಬ್ ಆಧಾರದಲ್! ನಂಗ್ ಇದಲ್ಲ ಕಂಡ್ ಜನರನ್ ಕಟ್ಕಂಡ್ ದೋಣಿ ಬಿಡೂದು ಒಂದ್ ಕಲಿ ಅಂತ ಗೊತ್ತಾದದ್ದ್! ಯಾರೂ ಈ ಚೆನ್ನಪ್ಪ ಪೂಜಾರರ್ ದೋಣಿ ಬಿಡು ಬಗ್ ಬೈದದ್ ಕೇಣ್ಲಿಲ್ಲಾ, ನಮ್ಮೂರಲ್ ಬೈಯಿಲ್ಲಾ ಅಂದ್ರ್ ಹೊಗಳಿದ್ ಅಂತೇ ಲೆಕ್ಕ! ಚೆನ್ನಪ್ಪ್ ಪೂಜಾರ್ರನ್ ಕೇಳ್ರೆ ದುಡ್ ಕೊಡದೇ ಹೋಪರೇ ಜಾಸ್ತಿ, ಅವರ್ ಅಂದಾಜ್, ಇವ್ನಿಗ್ ಕೊಟ್ ದುಡ್ಡೆಲ್ಲ ಸರಾಯ್ ಅಂಗ್ಡಿಗೆ, ಕೊಡುದ್ ಯಾಕಮಿಗೆ!

ಸಾಯಂಕಾಲದ್ ಹೊತ್ತಿಗ್ ಮಾತ್ರ ನಮ್ ಚೆನ್ನಪ್ ಪೂಜಾರ್ರ್ ದೋಣಿ ಬಿಡ್ತಿರ್ಲಿಲ್ಲ, ಅವ್ರ್ ಅಳಿಯಂದರ್ ಮಕ್ಳ್ ಬತ್ತಿದ್ದೋ, ಅವು ಲಾಯಕ್ ದೋಣಿ ಬಿಟ್ ನಮ್ಮನ್ ದಾಟಿಸ್ತಿದ್ದರ್, ಸಾಯಂಕಾಲದ್ ಮೇಲ್ ಚೆನ್ನಪ್ ಪೂಜಾರ್ರ್ ಯಾಕಿಲ್ಲ ಅಂಬುದ್ ನಂಗ್ ಗೊತ್ತಾಪುಕ್ ಸುಮಾರ್ ವರ್ಷವೇ ಬೇಕಾಯ್ತ್! ಬಹುಶ ಬೆಳ್ಗಿನ್ ಹೊತ್ತೂ ಅವ್ರಿಗ್ ಯಾರಾದ್ರೂ ಎರಡ್ ಗಂಟಿ ಕೈಬಿಡು ಮಾಡಿಕೊಟ್ಟಿರ್ಕ್, ಸರಾಯ್ ಅಂಗ್ಡಿಗೆ ಹೋಯ್ ಬಪ್ಪುಕೆ!

ಈ ದೋಣಿಲ್ ಹೊಳಿ ದಾಟು ಪ್ರಮೇಯದ್ಲ್ ಎಲ್ಲರಿಗೂ ಚೆನ್ನಪ್ ಪೂಜಾರ್ರ್ ಚಿರಪರಿಚಿತವೇ! ಅವ್ರೂ ಜನರನ್ ಒಂದ್ ಘನತಿಯಲ್ಲೇ ಕಂಡ್ಕೊಂಡವ್ರ್! ಸಮಾ ಕುಡಿತ್ರ್ ಅಂಬುದ್ ಕೇಂಡ್ರೆ ಮತ್ತ್ ಯಾವ್ ಬ್ಯಾಡ್ದಿದ್ ಮಾತೇ ಇಲ್ಲ ಈ ಜನದ್ ಬಗ್ಗೆ!

ನಾ ಹೆಚ್ಚ್ ಅಂಗ್ಡಿಲೇ ಇಪ್ಪು ದಿನಗಳು ಬಂದ ಹಾಂಗೇ, ನನ್ ಗಮನಕ್ ಬಂದದ್, ಈ ಮನ್ಷ ಅಂಗಡಿಗ್ ಬಪ್ಪುದ್ ಬೀಡಿಗ್ ಮಾತ್ರ, ಮನಿಗ್ ಸಾಮಾನ್ ತಕಂಬುಕ್ ಬತ್ತೇ ಇಲ್ಲ, ಮನಿ ಜಬಾದಾರಿ ಏನೂ ಇಲ್ಲ ಅಂತ, ಸಂಸಾರವೂ ಇತ್ತಾ ಇಲ್ಯಾ ನಂಗ್ ಸರಿ ಗೊತ್ತಾಯ್ಲಿಲ, ಕೇಣ್ಕಂಡ್ ತಿಳ್ಕಂಬಷ್ಟ್ ತಿಳುವಳಿಕಿ ಇರ್ಲಿಲ್ಲ, ಅಂಗ್ಡಿ ಕೆಲ್ಸದ್ ಹರ್ಬಲ್ ಹಂಬಲೂ ಆಯ್ಲಿಲ್ಲ! ಈ ಮನ್ಸ ಸರಾಯ್ ಅಂಗ್ಡಿಗೆ ಹೋಯ್ ಬಂದ್ ಇನ್ನ್ ಹೋಪುದ್ ಇಲ್ಲಾ ಅಮಿಗಿದ್ರೆ ಅಂಗ್ಡಿ ಬಾಗ್ಲಲ್ ಹೆಚ್ಚ್ ಹೊತ್ತ್ ಕೂತ್ ಬೀಡಿ ಸೇದಿ ಹೋಪ್ದ್, ಇಲ್ಲಾ ಬೀಡಿ ತಕ್ಕಂಡ್ ಸೀದಾ ಸಣಮಣ್ ಹೋಪುದ್ ಗೊತ್ತಾಯ್ತ್! ಯಾರತ್ರೂ ಹೆಚ್ ಮಾತಿಲ್ಲ!

ಮಾತಿದ್ರೂ ಒಂದ್ ರೀತಿ ಜನ್ರತ್ರ ಮಾತ್ರ, ಅದ್ ಯಾಕ್ ಅಂತ್ ಗಮನ್ಸಿದಾಗ ಗೊತ್ತಾಯ್ತ್, ಈ ಚೆನ್ನಪ್ ಪೂಜಾರ್ರಿಗ್ ಯಕ್ಷಗಾನದ್ ಬಯಲಾಟದ್ ಖಯಾಲಿ ಜೋರ್ ಇತ್ ಅಂತ್, ಅದ್ರಲ್ಲೂ ಭಾಗವತಿಗಿ ಹಾಡ್ ಖಯಾಲಿ! ಅವ್ರತ್ರ ಆಟದ್ ಮಾತಾಡ್ಸು ಆಫೀಸ್ ಕೆಲ್ಸದವ್ರ ಒಬ್ಬಿಬ್ರ್ ಇದ್ರ್, ಅವ್ರೆಲ್ಲ ಸಿಗರೇಟ್ ಸೇದುವವರ್, ಆ ಹೊತ್ತಿಗೆ ಚೆನ್ನಪ್ ಪೂಜಾರ್ರ್ರೂ ಬಂದ್ರೆ, ಅವರಿಗೂ ಒಂದ್ ಸಿಗರೇಟ್ ಕೊಡ್ಸಿ ಲಹರಿ ಹುಟ್ಸಿ ಆಟದ್ ಮಾತ್ ಬಾಯ್ತುಂಬ ಬಪ್ಪು ಹಾಂಗ್ ಮಾಡ್ತಿದ್ರ್!

ಆಗ್ಲಿಗ್ ನಮಗೆ ಹೆಚ್ಚಾಯ್ ಮಂದರ್ತಿ ಮ್ಯಾಳ, ಹತ್ರದಲ್ ಗೋಳಿಗರಡಿ ಮ್ಯಾಳ, ಅಪರೂಪಕ್ ಕಮಲಶಿಲಿ ಮತ್ ಮಾರಣ್ಕಟ್ಟಿ ಮ್ಯಾಳದ್ ಹರಕಿ ಆಟ ದುಡ್ಡಿಲ್ದೇ ಕಾಂಬುಕ್ ಸಿಕ್ರೆ, ಈ ಬದಿ ಅಮೃತೇಸರಿ ಮ್ಯಾಳ ಮತ್ ಸಾಲಿಗ್ರಾಮ್ ಮ್ಯಾಳದ್ ಟಂಟ್ ಆಟ, ತೆಂಕಿದ್ ಸುರತ್ಕಲ್ ಮ್ಯಾಳ ಇಲ್ಲಾ ಧರ್ಮಸ್ಥಳ ಮೇಳ, ಅಪರೂಪಕ್ ಮಂಗ್ಳೂರ್ ಮ್ಯಾಳ ಕಾಂಬುಕ್ ಸಿಕ್ಕುದ್!

Photo Courtesy: Manohara Upadhya

ನಾ ಚೆನ್ನಪ್ ಪೂಜಾರ್ರ್ ಆಟದ ಬಗ್ ಮಾತಾಡಿದ್ರ್ ಅವ್ರದ್ ಆಟದ್ ಕಾಲವೇ ಬ್ಯಾರೆ ಇತ್, ಅವ್ರ್ ಸಂಪ್ರದಾಯದ್ ಆಟದ್ ಮಾತಲ್ಲೇ ಇಪ್ಪೋರ್, ಹಾರಾಡಿ ರಾಮ, ಶೇಷಗಿರಿ ಭಾಗ್ವತ್ರ, ಹಾರಾಡಿ ಕುಷ್ಟ ಇವ್ರನ್ ಬಿಟ್ರೆ ಬೇರೆ ಯಾರೂ ಕಣ್ಣಿಗೂ ಹಿಡುದಿಲ್ಲ, ನಮ್ಮ್ ಉಫ್ಪೂರ್ ಭಾಗವತ್ರ್, ಕಾಳಿಂಗ್ ನಾವಡ್ರು ಕೂಡಾ ಸರಿ ಹೋತಿಲ್ಲ! ಪದ್ಯದ್ ಎತ್ಗಡಿ ಹ್ಯಾಂಗೆ, ವೇಷಧಾರಿದ್ ಜಾಪ್ ಹ್ಯಾಂಗೆ ಇತ್ಯಾದಿ, ನಂಗ್ ನಾವ್ ಕಂಡ್ ಯಕ್ಷಗಾನ ಮಾತ್ರ ಗೊತ್, ಅವರ್ ಹೇಳು ಯಕ್ಷಗಾನ ಬ್ಯಾರೆ ಹ್ಯಾಂಗೆ ಅಂತ್ ಅರ್ಥ ಆಪಷ್ಟ್ ಅದ್ರಲ್ ಇಳ್ದಿರ್ಲಿಲ್ಲಾ, ಇನ್ನೂ ಶಾಲಿಗ್ ಹೋಪು ವಯಸ್, ಎಂತ ಗೊತ್ತಾತ್ತ್! ನಮ್ಗ್ ಒಂದ್ ಬದಿ ಒಳ್ಗೇ ನಗಿ, ನಾವ್ ಗಮ್ಮತ್ತಲ್ ಕಾಂಬ್ ಈ ಆಟ ಇವ್ನಿಗ್ ರುಚಿ ಆತಿಲ್ಲಲೇ ಅಮಿಗೆ.

ಒಂದಿನ ಯಾರೋ ಅವ್ನಿಗೆ ಸಿಗರೇಟ್ ಕೊಡ್ಸಿ, ಲಹರಿ ಹಚ್ಸಿ, ನೀ ಒಂದ್ ಹಾಡ ಅಂತ್ ಒಪ್ಸಿಯೇ ಬಿಟ್ರ್, ಚೆನ್ನಪ್ ಪೂಜಾರ್ರ್ ಸುಧನ್ವ ಕಾಳಗ ಮತ್ ಕರ್ಣಪರ್ವ ಎರಡ್ ಪ್ರಸಂಗದ್ ಪದಗಳನ್ ಎತ್ಕಂಡ್ರ್, ಸರಾಯ್ ಅಂಗ್ಡಿಲೂ ಸರೀ ಬಿದ್ದಿತ್, ವಾಸ್ನಿಲೇ ಗೊತ್ತಾತಿತ್! ಎಂಥಾ ಪದ, "ಆಗ ಸುಧನ್ವನು", "ಹುಡುಗಾ ನೀ", "ಮಾತೆ ಬಲ್ಲಳು", ಹೀಗೆ ಕೆಲವು ಹಾಡ್ಗಳ್, ಅದ್ರ್ ಶೈಲಿಯೇ ಬ್ಯಾರೆ, ನಾವ್ ಕೇಂಡ್ ಹಾಡ್ಗಳ್ ಬರೀ ಮಿಡಿ ಉಪ್ಪಿನಕಾಯ್ಗ್ ಹೋಲ್ಸಿದ್ರ್ೀ ಶೈಲಿ ಅಪ್ಪಿಮಿಡಿ ತಿಂದಹಾಂಗ್ ಗಮ್ಮತ್ ಇದ್ದಿತ್, ಶ್ರುತಿ ಏನೂ ಇರ್ಲಿಲ್ಲ, ಕೈಯಲ್ಲೇ ತಾಳ, ಕೆಂಪ್ ತುಂಬಿದ್ ಬಾಯಲ್ಲೇ ತಾಳದ್ ಬಿಡ್ತಿಗೆ ಮದ್ಲಿ ನುಡ್ಸಿಯಾಂಗ್ ಹೇಳ್ಕಂಡ್ ಅವರ್ ಹಾಡಿದ್ ಕೇಂಡ್ರೆ ಒಂದ್ ಮ್ಯಾಳದ್ ಒಳ್ಳೆ ಕಲಾವಿದ ಆಪಷ್ಟ್ ಗಟ್ಟಿ ತಾಕತ್ ಇಪ್ ಮನ್ಸ ಅಂಬುದ್ ಗೊತ್ತಾಯ್ತ್! ಅವ ಅಷ್ಟ್ ಹ್ಯಾಂಗ್ ಕಲ್ತ ಅಂಬು ಪ್ರಶ್ನಿ ಬಂದ್ರೂ ಹೀಂಗೇ ಕಂಡ್ ಕಂಡ್ ಕಲ್ತಿದ್ದಾ ಅಮಿಗ್ ಅನ್ಸ್ತ್, ಇಲ್ದಿರೇ ಸರೀ ಕಲ್ತಿದ್ರೆ ಮ್ಯಾಳ್ದಲ್ಲೇ ಇರ್ತಿದ್ದ ಅಮಿಗೆ. ಅಂಗ್ಡಿ ಕೆಲ್ಸದ್ ಹರಬಲ್ ಹೆಚ್ ಪ್ರಶ್ನಿ ಕೇಂಬ್ ಮನ್ಸೂ ಇರ್ಲಿಲ್ಲ! ಅವ ಹಾಡೂ ಜಾಪ್ ಮಾತ್ರ ಲಾಯ್ಕಿದಿತ್! ಅವ್ನ್ ಬಾಯ್ಗ್ ಕೋಲ್ ಹಾಕ್ಸಿ ಹಾಡ್ಸುವಷ್ಟ್ ತಾಕತ್ ನನ್ನತ್ರ ಇರ್ಲಿಲ್ಲ, ಮತ್ ಮಾರುಕ್ ಕೂತ್ ಮಾರ್ವಾಡಿ ಆಯ್ಕಂಡ್ ಬೀಡಿ ಸಿಗ್ರೇಟ್ ಮುನಾಫಲ್ ಕೊಡುವಷ್ಟ್ ಎದಿಗಾರ್ಕಿ ನಂಗೂ ಇರ್ಲಿಲ್ಲ, ಹಾಂಗಾಯ್ ಮತ್ ಅವರ್ ಹಾಡ್ ಒಂದ್ ಸರಿ ಕೇಳಿದ್ ಬಿಟ್ರೆ ಮತ್ ಕೇಣ್ಲಿಲ, ಆದ್ರ್ ಒಂದ್ ಸರಿ ಕೇಂಡದ್ ಮಾತ್ರ ಭಾರೀ ಭಾರೀ ಸಾಪಿದ್ದಿತ್!

ಚೆನ್ನಪ್ಪ ಪೂಜಾರ್ರ್ ಭಾಗವತಿಗೆ ಕೇಣ್ಡ್ ಮೇಲ್ ನನಗ್ ಅವನ್ ಮೇಲ್ ಗೌರವ ಜಾಸ್ತಿ ಆಯ್ತ್! ಅಷ್ಟತೊಗಿ ನಮ್ಮಣ್ಣ ಯಕ್ಷಗಾನ ಕೇಂದ್ರದಲ್ ಕಲತ್ ಮ್ಯಾಳ ಸೇರಿ ಮನಿ ಬದಿ ಬಂದ್ರ್ ಅವ ನಮ್ಮಣ್ಣನ್ ಹೊಳಿ ಬದಿ ಸಿಕ್ ಭಾರೀ ಅಭಿಮಾನದಲ್ ಮಾತಾಡ್ಸಿ ಸ್ನೇಹ ಗಳಸ್ಕಂಡಿದ್ದ, ನಮ್ ಅಣ್ಣ ಬೆಂಗ್ಳೂರ್ ಸೇರಿ ಬಿಸ್ನೆಸ್ ಮಾಡುದ್ ಊರಿನ್ ಭಾಷಿಲ್ ಸಾವ್ಕಾರ್ ಆದ್ ಲೆಕ್ಕ, ಅಷ್ಟೊತಿಗೆ ನಮ್ ಚೆನ್ನಪ್ ಪೂಜಾರ್ರ್ ಕೆಲ್ಸ ಮಾಡುದೂ ಕಮ್ಮಿ ಆಯ್ತ್, ಇತ್ ಬದಿ ಸಂಕ ಮುರುದೂ ಕಮ್ಮಿ ಆಯ್, ದೋಣಿ ವ್ಯವಹಾರವೂ ಕಮ್ಮಿ ಆಯ್ತ್, ಕ್ರಮೇಣ ಫಿಷರಿಸ್ ರಸ್ತಿ ಆಯ್ ಸಂಕ ಹೋಯ್ ಸಿಮೆಂಟ್ ಬ್ರಿಜ್ ಬಂದ್ ಈ ದೋಣಿ ಚಿಂತಿನೂ ಜನರಿಗ್ ಹೋಯ್ತ್, ಇಷ್ಟ್ ಆತಾ ಇಪ್ಪೊತಿಗೆ, ನಮ್ ಚೆನ್ನಪ್ ಪೂಜಾರ್ರ್ ಗಡಂಗಿಗ್ ಹೋಪುದ್ ಕಮ್ಮಿಗಿಂತ್ ಹೆಚ್ಚೇ ಆಯ್ತ್!

ಗಡಂಗ್ ಬಿಟ್ರೆ ಹೊಳಿ ಬದಿಯೇ ಇಪ್ ಚೆನ್ನಪ್ ಪೂಜಾರ್ರ್ಗೆ ನಮ್ಮಣ್ಣ ಮನಿ ಬದಿ ಬಪ್ ಸೂಟ್ ಹ್ಯಾಂಗೋ ಗೊತ್ತಾತಿತ್, ಹೊಳಿ ಬದಿಯೇ ಅಡ್ಡ ಹಾಕಿ ಮಾತಾಡ್ಸಿ, ಹೊಗ್ಳಿ ಹಾಡಿ ಕೊನಿಗ್ ಬಪ್ಪುದ್ ಕಿಸಿಲ್ ಇದ್ದದ್ ಏನಾರೂ ಕೊಡಿ ಅಂಬುದ್, ಅಪರೂಪಕ್ ಮನಿ ಬದಿ ಬಪ್ಪುದ್, ಸಾವ್ಕಾರ್ರ್ ಬೇರೆ, ಮೊದ್ಲಿನ ಯಕ್ಷಗಾನದ್ ಮಾತಿನ್ ಅಭಿಮಾನ, ಒಂದ್ ರೀತಿಲ್ ಯೋಗ್ಯ ಮ್ಯಾಳದ್ ಕಲಾವಿದ ಅಪು ಜಾತಕದವ, ಕಮ್ಮಿ ಅಂದ್ರ್ ಐವತ್, ಇಲ್ಲಾ ನೂರ್ರ್ ನೋಟೇ ಅವ್ನಿಗ್ ಸಿಕ್ಕಿ ಅವ ಓಡ್ಕಂಡೇ ಹೋತಿದ್ದ, ಎಲ್ಲಿಗ್ ಹೇಳುಬ್ಯಾಡ! ಅಕಸ್ಮಾತ್ ಹೊಳಿ ಬದಿ ಬಪ್ಪೊತಿಗೆ ಸಿಕ್ದಿದ್ದ್ರೆ, ಮನಿಗೇ ಬಂದ್, ನಿಮ್ಮಣ್ಣಯ್ಯ ಬಂದ್ರಂಬ್ರಲ್ಲೇ, ಗೊತ್ತಾಯಿದ್ರೆ ನಾ ಹೊಳಿ ಬದಿಯೇ ಸಿಗ್ತಿದ್ದೆ (ಸ್ವಾಗತಕ್ಕ್), ಹೆಚ್ಚ್ ಕಮ್ಮಿ ಆಯ್ತ್ ಅಂತ್ ಹೇಳಿ ಅವ್ರನ್ ಹೊರ್ ಕರ್ಸಿ, ನೋಟ್ ತಕಂಡೇ ಮಾಯ!

ನಾನೂ ಓದುಕ್ ಊರ್ ಬಿಟ್ಟವ, ಹಾಂಗೆ ಕೆಲ್ಸ ಸೇರಿ, ಆಬದಿ ಅಮೆರಿಕಕ್ಕ್ ಹೋದ್ ಮರ್ಯಾದಿಗೆ ನಾನೂ ಊರಿಗ್ ಬಂದಾಗ್ಳಿಗ್ ನನ್ ಅಡ್ಡ ಹಾಕು ಸುರು ಮಾಡ್ದ, ನಾನೂ ಅಮೆರಿಕಕ್ ಹೋಯ್ ಇನ್ನೂ ಹೆಡ್ಡ ಆದ್ನೇ ಹೊರ್ತು ಬರ್ಕತ್ ಬರ್ಲಿಲ್ಲ, ನೂರಿನ್ ನೋಟೇ ಕೊಟ್ ಕಳ್ಸ್ತಿದೆ!

ನಾ ಅಮೆರಿಕ ಎಲ್ಲ ಬಿಟ್ ವಾಪಾಸ್ ಇಲ್ ಬಂದ್ ನಾರ್ಮಲ್ ಮನ್ಸ ಆದ್ರೂ ಹಳಿ ಮರ್ಯಾದಿ ಉಳ್ಸ್ ಕಂಬುಕೆ ನೋಟ್ ಕೊಡುದೆ ಮುಂದರಿತ್! ಒಂದ್ಸರಿ ಇವ್ನಿಗೆ ಬರೀ ದುಡ್ ಕೊಡುದ್ ಸರಿ ಅಲ್ಲ ಅನ್ಸಿ, ದೋಣಿಲ್ ಕರ್ಕಂಡ್ ಹೋಗಂದೆ, ಅಲ್ಲೇ ಕಾಕತಾರಿಂದ್ ಚೂಂಚ್ಮನಿ ತನಕ ಹೋಯ್ ಬಪ್ಪೊತಿಗೆ, ನನಗೇ ಇವ್ನನ್ ಹೀಂಗ್ ದುಡ್ಸ್ಕಂಬದ್ ಸರಿ ಅಲ್ಲ ಅಂತ ಅನ್ಸಿ, ಭಕ್ಷೀಸ್ ಮತ್ ದುಡ್ಸ್ಕಂಬದ್ ಸೇರ್ಸಿ, ಐನೂರ್ರ್ ನೋಟೇ ಕೈಗಿಟ್ ಹೋಯಿದ್ದೇ! ಒಟ್ನಲ್ ಈ ಅಯ್ಯ ಬರೀ ಹೆಡ್ಡ ಅಂಬುದ್ ಪೂರ್ಣ ಅವ್ನಿಗ್ ಖಾತ್ರಿ ಮಾಡ್ಸಿದ್ದೆ!

ಒಂದಿನ ನಮ್ಮಮ್ಮ ಅಚಾನಕ್ ತೀರಿ ಹೋದಾಗ್ಳಿಗೆ ನಾವ್ ಮನಿಯವ್ರೆಲ್ಲ ಅಪರೂಪಕ್ ಹದಿನೈದ್ ದಿನ ಒಂದ್ಕಡಿ ಸೇರಿ ಇಪ್ಪಾಂಗ್ ಆಯ್ತ್. ಚೆನ್ನಪ್ಪ ನಮ್ಮನ್ ಹುಡ್ಕಂಡ್ ಮನಿಗ್ ಬಂದಿದ್ದ, ಸುಮ್ನೇ ದುಡ್ ಕೊಟ್ ಕಳ್ಸ್ಕ್ ಇತ್, ಎಲ್ಲರದ್ ಸೇರ್ಸಿ, ಅಮ್ಮನ್ ಲೆಕ್ಕದಲ್ ದಾನ ಮಾಡಿ ಆಂಗೂ ಆತಿತ್ ಸರಾಯ್ ಅಂಗ್ಡಿಯವ್ರಿಗೆ! ಆದ್ರ್ ನಂದ್ ಹೆಡ್ ಬುದ್ದಿವಂತಿಕೆ ಒಂದ್ ಮಾಡ್ಕಿತ್!

ನಾಕನೇ ದಿನದಿಂದ ಒಂಭತ್ತನೇ ದಿನದ್ ತನಕ್ ಅಂಥಾದ್ದೇನ್ ಕೆಲ್ಸ ಇಲ್ಲ, ಎಲ್ಲಾ ಕಾರ್ಯಾಂಗ ನಮ್ಮಣ್ಣನ್ ಮೇಲ್ ಇಪ್ಕೋಯ್ ನಂದ್ ನಮ್ ಅಮ್ಮನ್ ಕನೆಕ್ಷನ್ ಎದಿಗುಂಡಿಗಿದ್ ಅಂತ್ ಸರಿ ಗೊತ್ತಿಪ್ಪುಕೋಯ್ ಶೋಕದ್ ಆಚರಣಿ ನಾಟ್ಕ ಇಟ್ಕಂಡಿರ್ಲಿಲ್ಲ, ಮನಿಲೇ ಕೂತ್ಕಂಕ್ ಅಂಬು ವಿಚಾರ ನಂದ್ ಇರ್ಲಿಲ್ಲ! ಮನಿ ಮಕ್ಳಿಗೆಲ್ಲ ಒಂದ್ ದೋಣಿ ವಿಹಾರ ಮಾಡ್ಸು ಆಲೋಚ್ನಿ ಬಂತ್, ಚೆನ್ನಪ್ಪ್ ಪೂಜಾರ್ರಿಗ್ ೧೫೦ ರೂಪಾಯಿ ಮುಂಗಡ ಕೊಟ್ ಮಕ್ಳಿಗೆಲ್ಲಾ ದೊಣಿ ವಿಹಾರ ಮಾಡ್ಸ್ ಅಂದೆ, ಅವ್ರ್ ಆಯ್ತ್ಂದ್ರ್, ನಾ ಮನಿ ಹೋಯ್ ದೋಣಿ ತತ್ತೆ, ನೀವೆಲ್ಲಾ ಹೊಳಿ ಬದಿ ಬನ್ನಿ ಅಂತ! ಸರಿ, ನಾ ಮಕ್ಕಳನ್ನೆಲ್ಲಾ ಒಟ್ ಮಾಡು ಹೊತಿಗೆ, ಅಮ್ಮನ್ ನೆನಪಲ್ ನಾವ್ ಗಮ್ಮತ್ತಲ್ ಇಪ್ಪುದೇ ಚೆಂದ ಅಂಬ್ ನನ್ ಹಾಂಗಿದೇ ಆಲೋಚನಿಯವ್ರ ದೊಡ್ಡವರೂ ಸೇರಿ ಸುಮಾರ್ ಹತ್ ಹದ್ನೈದ್ ಜನ ಆಯಿ ನಾವ್ ಹೊಳಿ ಬದಿ ಹೋಯ್ ಕೂತ್ಕಂಡ್ ಮಾತಾಡ್ತಾ ಇತ್, ಒಂದ್ ಗಂಟಿ ಆದ್ರೂ ಚೆನ್ನಪ್ಪ್ ಪೂಜಾರ್ರ್ ಸುದ್ದಿ ಇಲ್ಲ! ನಂಗ್ ಆಗ್ಲಿಗ್ ಗೊತ್ತಾಯ್ತ್, ಚೆನ್ನಪ್ ಪೂಜಾರ್ರ್ ನಮ್ಗ್ ಹಾಂಟ್ ಹಾಕಿರ್ ಅಂತ! ನಾವೆಲ್ಲ ಮೊದ್ಲೇ ದುಡ್ ಕೊಟ್ ನನ್ ಹೆಡ್ಬುದ್ಧಿ ಬಗ್ ನಗಾಡ್ಕಂಡ್ ಮನಿಗ್ ಬಂತ್, ಇದಾದ್ರ್ ಮೇಲ್ ನಾ ಊರಿಗ್ ಹೋದ್ ಕಮ್ಮಿ, ಹೋದ್ರೂ ಚೆನ್ನಪ್ ಪೂಜಾರ್ರ್ ನಂಗ್ ಮತ್ ಸಿಕ್ಲಿಲ್ಲ!

ಕಳ್ದ್ ವರ್ಷ ಹೋದಾಗ್ಳಿಗ್ ವಿಚಾರ್ಸಿದ್ದೆ, ಚೆನ್ನಪ್ಪ್ ಪೂಜಾರ್ರ್ ಬಗ್! ೭೦ ದಾಟಿತ್, ಜೀವ ಹೊತ್ಕಂಡೇ ತಿರ್ಗತ್ರ್, ದೋಣಿ ಎಲ್ಲ ಬಿಡುದಿಲ್ಲ ಅಂತ! ಅಷ್ಟ್ ಸರಾಯ್ ಕುಡ್ದ್ರು ಎಪ್ಪತ್ ದಾಟಿದ್ ಬಗ್ ಕುಸಿ ಆಯ್ತ್!

ನಂಗನ್ಸುದ್, ಚೆನ್ನಪ್ ಪೂಜಾರ್ರ್ ನಂಗ್ ಹಾಂಟ್ ಹಾಕುಕ್ ಹಾಂಗ್ ಮಾಡಿದ್ ಅಲ್ಲ, ಬೆಳ್ಗೆದ್ ಗಡಂಗಿಗ್ ಹೋದವ್ರ್ ೧೫೦ ರುಪಾಯ್ಗ್ ಪೂರ ಪ್ಲಾಸ್ಟಿಕ್ ಕೊಟ್ಟಿ ಸರಾಯ್ ತಕಂಡವ್ರ್ ಅಲ್ಲೇ ಮಲಕಂಡ್ರಾ ಅಂತಾ! ಮೇಲೇಳುಕ್ ಹೋದ್ರೂ ರಟ್ಟಿ ಹೊಟ್ಟಿ ಸೊಂಟ ಬಲ ಬರ್ದೇ ಈ ಜಾನಕಮ್ಮನ್ ಮಕ್ಳ್ ಪ್ಯಾಟಿಗ್ ಹೋಯ್ ಅಮ್ಮ ಸತ್ತಾಗ್ಲಿಗೂ ದೋಣಿಲ್ ಹೋತ್ವಲ್ಲೇ, ಆ ಅಮ್ಮನ್ ಮೇಲ್ ನಾವಿಟ್ಟ್ ನಿಷ್ಟಿಗ್ ನಮ್ಗೂ ಒಳ್ಳೆದಾತಿಲ್ಲಾ ಅಂತ್ ಕಷ್ಟ ಪಟ್ ಎದ್ದವ್ರ್ ಹಾಂಗೇ ಮತ್ ಮಲ್ಕಂಡ್ರಾ ಅಂತ! ಹಾಂಟ್ ಹಾಕು ಮನ್ಸಿನವ್ ಅಲ್ಲ ಅದ್ರೂ ಹಾಂಟ್ ಆಯಿತಲ್ಲೇ ಅಂಬ್ ನಾಚ್ಕಿಲ್ ಮತ್ ಸಿಕ್ಲೇ ಇಲ್ಲ! ಅವತ್ ವಾಪಾಸ್ ಬಂದಿದ್ರ್ ಒಂದ್ ಸಾವ್ರ್ ರುಪಾಯ್ ವ್ಯಾಪಾರ ನಾವೆಲ್ಲ ಸೇರಿ ಸರಾಯ್ ಅಂಗ್ಡಿಗ್ ಮಾಡ್ಸ್ತಿತ್ತ ಅಂತ ನನ್ನ್ ಅಂದಾಜ್!

ಈ ಬದಿ ಆಕಾಶ್ದಲ್ಲೇ ನಮ್ಮಮ್ಮನ್ ಅಂದಾಜ್, ಈ ನನ್ ಮಕ್ಳ್ ಎಷ್ಟ್ ಒಳ್ಳೆಯವ್ರ್ ಆದ್ರೂ ನೇಮ ನಿಷ್ಟಿ ಬಂದಾಗ್ಳಿಗ್ ನನ್ ಮಾತ್ ಒಂದೂ ಕೇಂಡ್ವ್ ಅಲ್ಲ, ಸೂತ್ಕದ್ ಹೊತ್ತಿಗ್ ದೋಣಿಲ್ ಮಕ್ಳನ್ನೆಲ್ಲಾ ಕರ್ಕಂಡ್ ಹೋಪುಕೆ ತಕಣ್ ಹೋತ್ತಾ, ಎಲ್ಲಾ ಸರಿ ಆಯ್ತ್, ಇವಕ್ ಈ ವಿಷ್ಯದಲ್ ಬುದ್ದಿ ಬಪ್ಪುಕೆ ಚೆನ್ನಪ್ಪ್ ಪೂಜಾರ್ ಮಾಡಿದ್ ಸರೀ ಇತ್! ಇನ್ನಾರೂ ಅವ್ಕ್ ಬುದ್ದಿ ಬರ್ಲಿಯಪ್ಪ!